9 juin 1256

Edition : MM. Bourel de La Roncière, J. de Loye et A. Coulon, Les registres d’Alexandre IV, Recueil des bulles de ce pape publiées ou analysées d’après les manuscrits originaux des archives du Vatican, 1895, n° 1417.

Edition : http://www.guyenne.fr/archivesperigord/SHAP/T12_1885/Querelle_Sarlat.htm

Original : Reg. 24, f. 183, ann. II, c. 338.

Copie : http://www.guyenne.fr/ArchivesPerigord/BNF/Tome37/BnF_T37.htm (fol. 386 r°)

Abbati Mosiacensi, Caturcensis diocesis, mandat, quatinus revocet litteras ipsius absolventes ab obedientia Geraldo, abbati monasterii Sarlatensis, praestita, monachos monasterii Sarlatensis, petente Helia, qui ejusdem monasterii abbatem se asserebat.

... abbati Mosiacensi, Caturcensis diocesis.

Sua nobis dilectus filius Geraldus, abbas monasterii Sarlatensis, Petragoricensis diocesis, petitione monstravit, quod, cum Helias, qui ejusdem monasterii abbatem se assererit, nostras ad te impetraret litteras, continentes, ut, quicquid invenires attemptatum in ejus prejudicium, postquam iter arripuerat ad Sedem apostolicam veniendi, in statum debitum revocares, Geraldus de Pauciaco, procurator ipsius G. abbatis et conventus ejusdem monasterii, hujusmodi litteris in audientia publica contradictiones eas tandem ea conditione absolvisse dinoscitur, quod predicti abbas et conventus per ipsas litteras non convenirent nec aliquatenus extenderent se ad eos, quod coram dilecto filio magistro Johanne de Camezano, capellam nostro ac litterarum nostrarum contradictarum auditore, firmiter altera pars promisit, prout in ipsius auditoris litteris plenius dicitur contineri.

Set tu, auctoritate litterarum hujusmodi, priorem et quosdam monachos predicti monasterii ejusque membrorum, ad instantiam dicti Helie, absolvisti ab obedientia predicto G. abbati prestita, eisque ut, ea non obstante, predicto Helie obedirent et intenderent, precepisti, ac excommunicasti de facto aliquos ex ipsis, pro eo quod mandatis tuis in hac parte noluerunt parere, sicut etiam non debebant. Quasdam insuper sententias in quosdam monachos predicti monasterii et quamplures clericos et laicos, ab eodem G. abbate et quibusdam judicibus tam ordinariis quam delegatis a Sede predicta pro eisdem abbate et conventu latas, non tenere denuntiasti ac attemptasti multa alia contra eos, auctoritate hujusmodi litterarum. Quocirca discretioni tue per apostolica scripta mandamus, quatinus, si est ita, infra mensem post receptionem presentium revoces per te ipsum quicquid attemptasse dinosceris contra tenorem hujusmodi cautionis, et contra eos de cetero per easdem litteras non procedas. Alioquin dilectis filiis ... archidiacono Vasatinensi in ecclesia Agennensi, ... priori et magistro Adeberto, canonico secularis ecclesie Sancti Caprasii Agennensis, damus nostris litteris in mandatis, ut ipsi extunc id revocent juxta traditam tibi formam. Contradictores etc. Datum Anagnie, V idus junii, anno secundo.