21 janvier 1264

Edition : Jean Guiraud, Les registres d’Urbain IV (1261-1264) - Recueil des bulles de ce pape publiées ou analysées à partir du Registre ordinaire, 1901-1904, n° 1221.

Original : Reg. 29, fol. 95 v°, n° 269.

Mention : http://www.guyenne.fr/ArchivesPerigord/BNF/Tome33/BnF_T33.htm (fol. 332 r°)

Petro Guillelmi, presbytero Petragoricensis diocecis, capellano M., s. Marie in Porticu diaconi cardinalis, canonicatum secularis ecclesiae s. Asterii, Petragoricensis diocesis, obtentu Roncelini de Fos, praeceptoris domus Militiae Templi in Provincia, confert.

Petro Guillelmi, presbytero Petragoricensis diocesis, capellano dilecti filii nostri M., sancte Marie in Porticu diaconi cardinalis. Ad faciendam tibi gratiam specialem et tue probitatis merita super quibus laudabile tibi testimonium perhibetur, et dilecti filii fratris Roncelini de Fos, preceptoris domus Militie Templi in Provintia devota supplicatio nos inducunt. Hinc est quod nos, consideratione dicti fratris et hujusmodi meritorum obtentu, canonicatum secularis ecclesie sancti Asterii, Petragoricensis diocesis, ac prebendam nulli alii de jure debitam, si est ibi distinctio prebendarum certusque canonicorum numerus, et vacat ad presens, alioquin portionem de communibus proventibus, sicut alii canonici ecclesie predicte percipiunt, tibi conferimus cum plenitudine juris canonici teque de ipsis per nostrum anulum investimus. Si vero distinctio et numerus hujusmodi sunt ibidem et nulla prebenda vacat ad presens, illam quam primo vacare contigerit, donationi apostolice reservantes conferendam tibi per executorem deputandum a nobis, decernimus irritum et inane si secus a quoquam de prebenda seu portione hujusmodi contigerit attemptari, non obstante si est in ecclesia ipsa statutum de certo canonicorum numero juramento vel alia qualibet firmitate vallatum, aut si scripsimus ibi pro aliis quibus nolumus prejudicium generari. Nulli ergo nostre collationis, investiture, reservationis et constitutionis etc. Datum apud Urbemveterem, XII kalendas februarii, anno tertio.