21 janvier 1264

Edition : Jean Guiraud, Les registres d’Urbain IV (1261-1264) - Recueil des bulles de ce pape publiées ou analysées à partir du Registre ordinaire, 1901-1904, n° 1222.

Original : Reg. 29, fol. 95 v°, n° 270.

Copie : http://www.guyenne.fr/ArchivesPerigord/BNF/Tome33/BnF_T33.htm (fol. 332 r°)

Episcopum et Rampnulfum de Marolio, archidiaconum Petragoricenses, praedictae collationis executores deputat.

Episcopo et dilecto filio Rampnulfo de Marolio, archidiacono Petragoricensibus. Ad faciendam dilecto filio Petro Guillelmi, presbytero Petragoricensis dioecesis, capellano dilectii filii nostri M., sancte Marie in Porticu diaconi cardinalis, verbis competenter mutatis, usque generari. Quocirca mandamus quatenus eundem presbyterum vel procuratorem suum, ejus nomine, in ipsa ecclesia vos vel alter vestrum per vos vel per alium aut alios recipi facitatis in canonicum et in fratrem ac ei de prebenda vel portione hujusmodi, si vacat ad presens, vel quamprimum ad id se facultas obtulerit, providere curetis, sibi stallum in choro et locum in capitulo cum plenitudine juris canonici assignando ac inducendo ipsum in corporalem predictorum possessionem et inductum etiam defendendo, non obstantibus --, vel quod super ecclesia sancti Martini ad Pictam auctoritate nostra sibi collata, inter ipsum et quendam alium coram delegato a nobis questio ventilatur, aut quod idem Petrus presens non fuerit ad prestandum de observandis ipsius ecclesie consuetudinibus et statutis solitum juramentum, dum tamen illud prester per procuratorem ad hoc specialiter constitutum et nichilominus, cum ad dictam ecclesiam venerit, per se ipsum. Contradictores etc., usque compescendo. Datum apud Urbemveterem, XII kalendas februarii, anno tertio.