20 juin 1264
Edition : Jean Guiraud, Les registres d’Urbain IV (1261-1264) - Recueil des bulles de ce pape publiées ou analysées à partir du Registre ordinaire, 1901-1904, n° 2721.
Original : Reg. 29, fol. 331 v°, n° 1772.
Copie : http://www.guyenne.fr/ArchivesPerigord/BNF/Tome33/BnF_T33.htm (fol. 73 r°)
Priori de Brageiraco, Petragoricensis diocesis, mandat ut abbatem et conventum monasterii s. Emiliani, ordinis s. Augustini, Burdegalensis diocesis, compellat ad recipiendum in canonicum Bernardum Seguini clericum, juxta mandata Innocentii papae IIII et ipsius quoque Urbani IIII.
... priori de Brageiraco, Petragoricensis diocesis. Cum olim felicis recordationis Innocentius papa, predecessor noster ... abbati et conventui monasterii sancti Emiliani, ordinis sancti Augustini, Burdegalensis diocesis, suis dederit litteris in mandatis ut Bernardum Seguini clericum, cupientem una cum eis in eodem monasterio sub regulati habitu virtutum Domino perpetuo famulari, reciperent in canonicum et in fratrem et sincera tractarent in Domino caritate, ac nos postmodum universitatem eorum rogaverimus et per iterata scripta eis precipiendo mandaverimus ut eundem clericum reciperent in canonicum et in fratrem, juxta predicti predecessoris et nostrum mandatum, sicut idem B. sua nobis petitione monstravit, surdis auribus transeuntes, id efficere non curarunt. Nolentes igitur imperfectum relinquere quod de ipso misericorditer dedit pietas inchoari, eisdem abbati et conventui damus in virtute obedientie districte nostris litteris in preceptis ut dictum clericum saltem hac vice recipiant in canonicum et in fratrem, et sincera tractent in Domino caritate, juxta priorum continentiam litterarum. Quocirca discretioni tue per apostolica scripta mandamus quatinus, si dicti abbas et conventus preceptum nostrum in hac parte neglexerint adimplere, in eos ad id moneas efficaciter et inducas, rescripturus nobis causam rationabilem propter quam id non possint facere vel minime teneantur. Datum apud Urbemveterem, XII kalendas julii, anno tertio.