3 juillet 1264

Edition : Jean Guiraud, Les registres d’Urbain IV (1261-1264) - Recueil des bulles de ce pape publiées ou analysées à partir du Registre ordinaire, 1901-1904, n° 1626.

Original : Reg. 29, fol. 161, n° 676.

Copie : http://www.guyenne.fr/ArchivesPerigord/BNF/Tome30/BnF_tome30.htm (fol. 419 r°)

Copie : http://www.guyenne.fr/ArchivesPerigord/BNF/Tome33/BnF_T33.htm (fol. 332 v°)

Mention : http://www.guyenne.fr/ArchivesPerigord/BNF/Tome30/BnF_tome30.htm (fol. 415 v°)

Abbati monasterii de Cancellata, Petragoricensis dioecesis, mandat ut Guillelmo Petri, canonico s. Frontonis Petragoricensis aliquam ex obedientiariis ipsius ecclesiae assignari faciat.

Abbati monasterii de Cancellata, Petragoricensis diocesis.

Volentes dilecto filio Guillelmo Petri, canonici ecclesie s. Frontonis Petragoricensis, nobilitate morum et generis ac scientia litterarum quibus pollere dicitur, facere gratiam specialem, mandamus quatenus ei, quem per dilectum filium magistrum Petrum de Bardissen, Broliensem archidiaconum in ecclesia Agennensi, examinari fecimus et qui inventus fuisse dicitur in litteratura sufficiens et ydoneus (1), aliquam ex obedientiariis ipsius ecclesie per venerabilem fratrem nostrum ... Petragoricensem episcopum, qui in eadem ecclesia locum tenet abbatis, et dilectos filios capitulum ejusdem, consuetis ecclesie predicte canonicis assignari, si vacat ad presens vel quam cito ad id obtulerit se facultas, auctoritate nostra, per te vel per alium, conferas et assignes, sub onere quo consuevit assignari canonicis ab antiquo, non obstante si pro aliis in eadem ecclesia direximus scripta nostra, dummodo per nos alius similem gratiam non sit assecutus, ipsumque vel procuratorem ipsius in corporalem ejusdem obedientiarie possessionem inducens et defendens inductum, de redditibus et proventibus ipsius facias integre reponderi. Contradictores etc., usque compescendo. Non obstante si ..., vel quod idem G. in Petragoricensi ecclesia et alias beneficiatus existit.

Datum apud Urbemveterem, V nonas julii, anno tertio.

(1) En marge: Sufficientissimus est.