31 décembre 1274

 

Référence : Potthast 20976.

(Carolo) regi Siciliae Petragoricensem episcopum mittit et suadet, ut in his, que de istias ore audierit super actis et agendis circa imperii negocium, dicto episcopo secure fidem adhibeat. Sine signo chronol. Böhmer, Acta imperii, II, 695, n° 993 ; fragm. ap. Raynald, l. c., § 60. – « Ne animi tui ».

Edition : Jean Guiraud, Les registres de Grégoire X (1272-1276) – Recueil des bulles de ce pape publiées ou analysées d’après les manuscrits originaux des archives du Vatican, 1892-1893, n° 676.

Original : Arch. Vatic., Reg. 29A, n° 59.

Copie: Archives municipales de Bordeaux, 761, n° 65

Copie : Vallic. C. 49, n° 75

Copie: Bibl. Vatic., 6735, n° 185; Bibl. Vatic., 3977, n° 45

Copie: Bibl. Nat., 14173, n° 44; Bibl. Nat., 4043, n° 41

 

 

Carolo, regi Siciliae, scribit ne turbetur de hiis quae sunt in negotio Imperii acta, cum super eo sit plene provisum eidem, cique mittit Petragoricensem episcopum.

Regi Sicilie illustri.

Ne animi tui pacem vera supprimens aut falsa suggerens tertia lingua perturbet, sed, revelata nostre sollicitudinis puritate, quam ad stabiliendum super (sic) tuum statum in prosperis et preservandum totis conatibus ab adversis, singularis caritas quam ad te gerimus in nostris precordiis solida stabilitate firmavit, cujuslibet inquiete sollicitationis et sollicite inquietudinis cesset occasio, venerabilem fratrem nostrum Petragoricensem episcopum, virum quidem providum, tui, sicut nosse te credimus, zelatorem honoris, de fidelitate ac multa experientia commendatum, ad tuam presentiam destinamus, serenitatem regiam, tue potissime consideratione utilitatis, hortantes et patris more sano tibi consilio suadentes quatenus in hiis, que de ipsius ore audieris, non quid velles vel aliquorum suggerat inconsulta facilitas, sed quid velle deceat in talibus, quid dictet ratio, quid Dei beneplacito congruat, quid justitia, quid honestas exposcat diligenter attendas. Si enim hec judicio tranquillo discusseris, procul dubio per ea que tibi episcopus memoratus aperiet, patenter intelliges in hiis que acta sunt et agenda circa imperii negocium imminent, magnificentie tue paterna diligentia plenius fore provisum. – In predictis itaque sepefato episcopo secure fidem adhibeas et consulte salubribus nostris exponendis excellentie tue per ipsum monitis acquiescas.