7 juin 1279

Edition : Jules Gay, Les registres de Nicolas III - Recueil des bulles de ce pape publiées ou analysées d’après les manuscrits originaux des archives du Vatican, 1898, n° 529.

Original : Reg. 39, fol. 175, an. II, n° 121.

Copie : http://www.guyenne.fr/ArchivesPerigord/BNF/Tome30/BnF_tome30.htm (fol. 466 r°)

D’après l’édition Jules Gay.

Ecclesie Petragoricensi, per translationem Helie patriarche Jesolimitani vacanti, Raimundum archidiaconum Bolonie in ecclesia Morinensi preficit in episcopum.

Raimundo electo Petragoricensi. In suppreme dignitatis. Nuper siquidem Petragoricensi ecclesia per translationem venerabilis fratris nostri Helie patriarche Jerosolimitani tunc Petragoricensis episcopi ad Jerosomilitanam ecclesiam per nos factam pastoris regimine destitua, nos paterna sollicitudine ecclesie precaventes eidem, que multis litigiorum intestinis anfractibus hactenus fuisse asseritur agitata, ne ex vacatione diutina si forsitan aliqua proveniret in eligendo dissentio in spiritualibus et temporalibus incurreret detrimenta,provisionem faciendam eidem Petragoricensi ecclesie de prelato nobis duximus reservandam, decernentes irritum et inane si secus super hoc contingeret attemptari. Et demum de ipsius ecclesie Petragoricensis ordinatione sollicite cogitantes, ac talem illi cupientes preesse pontificem de quo certam haberemus fiduciam quod ipsum clara meritorum suorum insignia redimirent ne dubia esset ipsius caritas erga plebem suo regimini commendandam, in te tunc archidiaconum Bolonie in ecclesia Morinensi direximus oculos nostre mentis, qui de litterarum scientia, morum maturitate, prudentia spiritualium et temporalium providentia fidedignorum testimonio commendaris. Quapropter gregi dominico speciali volentes diligentia providere de fratrum nostrorum consilio te prefate Petragoricensi ecclesie prefecimus in episopum et pastorem, firmam spem. Datum Rome apud Sanctum Petrum, VII idus junii, anno secundo.

In eundem modum, capitulo ecclesie Petragoricensi.

In eundem modum, clero civitatis et diocesis Petragoricensis.

In eundem modum, populo civitatis et diocesis Petragoricensis. Datum ut supra.

D’après la copie de collection Périgord, vol. 30.

Raymundo electo Petragoricen.

In suppreme dignitatis specula licet immeriti disponente Domino, constituti, curis continuis angimur, et pulsamur insultibus successivis ut de personis talibus provideatur ecclesiis pastoribus viduatis, quarum industria et virtute eadem ecclesie in suis juribus et libertatibus conserventur, reddatur tranquillior cleri status et comodis salutis et gaudii plebs letetur. Nuper siquidem Petragoricen. ecclesie, per translationem vener. fratri nostri Helie patriarche Jerosolimitan., tunc Petragoricens. episcopi, ad Jerosolimitan. ecclesiam per nos factam, pastoris regimine destituta, nos paterna sollicitudine ecclesie precaventes eidem quam multis litigiorum intestinis anfractibus hactenus fuisse asseritur agitata, ne ex vacatione diutina, si forsitan aliqua perveniret in eligendo dissentio, in spiritualibus et temporalibus incurreret detrimenta, provisionem faciendam eidem Petragoricen. ecclesie de prelato nobis duximus reservandam. Decernentes irritum et inane si secus super hac contingeret attemptari, et demum de ipsius ecclesie Petragoricen. ordinatione sollicite cogitantes, ac talem illi cupientes preesse pontificem de quo certam haberemus fiduciam quam ipsum clara meritorum suorum insignia redimerent ne dubia esset ipsius caritas erga plebem suo regimini commendandam, in te tunc archidiaconum Bolonie in ecclesia Morinen. direximus oculos nostre mentis, quo deliter, sciencia, morum maturitate, prudencia, spiritualium et temporalium providentia fide dignorum testimonio commendaris. Quapropter gregi dominico speciali volentes diligentia providere de s.n.g. te prefate Petragoricen. ecclesie prefecimus in episcopum et pastorem, firmam spem fiduciamque tenentes quod eadem Petragoricen. ecclesia, Deo auctore, per tue industrie ac circumspectionis fructuosum studium preservabitur a nuxiis et salutaribus spiritualiter et temporaliter proficiet incrementis. Quocirca discretioni tua, per apostolica scripta mandamus quatenus humiliter suscipiens impositum a domino tibi onus ejusdem ecclesie Petragoricen., sollicitam curam geras, gregem dominicum in illa tibi commissum doctrina verbi et operis informando. Ita quod exinde apud remotos et proximos tua fama clareat per effectum et in delectationem nobis veniat te oportuno tempore gratiose prosequi, ac tuis desideriis favorem benivolum impertiri. Datum Rome apud Stum Petrum, VII idus junii, anno secundo.

In eodem modo capitulo ecclesie Petragoricen. in suppreme &c., ut in proxima superiori, ... usque incrementis ... Quo circa ven. v. per apostolica scripta mandamus quatenus eidem electo, tanquam patri et pastori animarum vestrarum humiliter intendentes, ac exhibentes ei obed. et rever. debitam et devotam, ejus salubria monita et mandata suscipialis devote ac efficaciter adimplere curetis. Alioquin s[...]niam quam idem electus &. Datum ut supra.

In eodem modo, clero civitatis et dioc. Petragoricen. &c.

In eodem modo, populo civitatis et dioc. Petragoricen.