12 juillet 1279

Notice : Jules Gay, Les registres de Nicolas III - Recueil des bulles de ce pape publiées ou analysées d’après les manuscrits originaux des archives du Vatican, 1898, n° 606.

Infrascriptis mandat quatinus cantoriam ecclesie Morinensis, per mortem magistri Nicolaii dicti de thesauro, capellani sui vacantem alicui de canonicis ejusdem ecclesie providere curent.

Dilectis filiis Raymundo electo Petragoricensi et antiquiori Predicatorum in actu regendi ac Minorum ordinum magistris Parisius regentibsu in theologica facultate. Licet cantorie ecclesie Morinensis. Datum Suriani, IV idus julii, anno secundo.

Original : Reg. 39, fol. 118, an. II, Curiales, n° 6.

Copie: http://www.guyenne.fr/ArchivesPerigord/BNF/Tome30/BnF_tome30.htm (fol. 469 r°)

Dilectiis filiis Raymundo electo Petragor. et antiquiori predicatorum in actu regendi ac minorum ordinum magistris Parisius regentibus in theologica facultate.

Licet cantoria ecclesie Morinen., quam quondam magister Nicolaus dictus de Thesauro, capellanus noster, cantor ipsius ecclesie, qui nuper apud sedem apostolicam diem clausit extremum, per ejus obitum, apud sedem eandem vacare noscatur ad presens, sicque nullus preter nos, cantoriam conferre possit eandem, constitutione fel. record. Clementis pape, predecessoris nostri super ecclesiis personatibus, dignitatibus et beneficiis ecclesiasticis apud sedem eandem vacantibus, per Roman. duntaxat pontificem conferendis edita obsistente; ac nichilominus cantoriam ipsam infra tempus statutum per moderationem pie memorie Gregorii pape X, predecessoris nostri super hoc adhibitam in concilio Lugdun., donatione apostolice specialiter duximus reservandam, dernerntes irritum et inane, si secus de eadem cantoria contigerit attemptari. Nos sperantes quod [...] cantoria ipsa per nos salubriter et provide disponatur, et de illa non minus provideatur ecclesie quam persone cui cantoriam ipsam duxeritis conferendam. Discretioni vestre, de qua plenam in Domino fiduciam obtinemus, per apostolica scripta mandamus quatenus predictam cantoriam alicui de canoni[...] ejusdem ecclesie, quem ad id ydoneum esse putave[...]tis, scientia vita moribus et etate, nichilque sibi obviet de canonicis institutis, super quibus vestras intendimus conscientias onerare auctoritate nostra providere curetis. Non obstantibus const[...] ac reservatione predictis, vel quod electio cantoria ejusdem ecclesie ad capitulum ecclesie predicte dici[...] pertinere, seu indulgentia qua vobis filii mag[...] vel ordinibus vestris ad eadem sede dicitur est concessum, quod non teneamini vos intromitte[...] de hiis que vobis sede committuntur eadem proviso quod ille cui de cantoria ipsa per nos provideri contigerit, prout ipsius cantorie cura requirit, ad ordines se faciat statutis temporibus promoveri, et personaliter resideat in ecclesia supradicta et quia scire cupimus diligentiam quam in premissis duxeritis adhibendam quod super hiis feceritis nobis per vestras litteras, harum seriem continentes, nobis fideliter intimetis, &c. Datum Suriani IIII idus julii anno secundo.