28 février 1290

Edition : Ernest Langlois, Les registres de Nicolas IV (1288-1292). Recueil des bulles de ce pape publiées ou analysées d’après les manuscrits originaux des archives du Vatican, 1886-1891, n° 2280-2281.

Original : Reg. 45, c. 6, f. 1 v°.

Copie : Laporte du Theil, III, 5.

Copie : Collection Périgord, vol. 30, fol. 488 r°

Sainte-Marie-Majeure, 28 février 1290.

Ad solutionem debitorum Petragoricensis ecclesiae.

Venerabili fratri Raymundo, episcopo Petragoricensi.

Circa quarumlibet ecclesiarum et personarum ecclesiasticarum necessitates sollicite vigilantes, eis libenter assistimus ut a suis oppressionibus et oneribus releventur. Cum itaque, sicut ex parte tua fuit propositum coram nobis, pro defensione jurium ecclesie Petragoricensis, contra nonnullos principes et barones ac alias diversas personas illarum partium te oportuerit litigare et propter expensarum onera quas te propter hoc facere oportuit eadem ecclesia gravata sit sarcina non modica debitorum, nos, volentes te ac dictam ecclesiam ab hujusmodi debitorum onere relevari, tuis supplicationibus inclinati, auctoritate tibi presentium indulgemus ut fructus, redditus et proventus primi anni omnium ecclesiarum et beneficiorum ecclesiasticorum, cum cura vel sine cura, que usque ad triennium in tua civitate et diocesi vacare contigerit, dummodo ad collationem vel presentationem non pertineant exemptorum et receptis et recipiendis in ecclesiis ipsis et illis qui beneficia ecclesiastica in ipsis partibus auctoritate litterarum apostolicarum expectant propter hoc prejudicium nullum fiat, libere percipere possis, in solutionem debitorum hujusmodi convertendos ... Datum Rome, apud Sanctam Mariam Majorem, II kalendas martii, anno tertio.

In eundem modum, ... cantori, Raymundo Johannis, Caturcensis, et Richardo de Senis, Cameracensis ecclesiarum canonicis, mandat quatenus eidem episcopo praedictos fructus et redditus assignari faciant.