31 janvier 1300

Edition : Georges Digard, Maurice Faucon, Antoine Thomas, Robert Fawtier, Les registres de Boniface VIII - Recueil des bulles de ce pape publiées ou analysées d’après les manuscrits originaux des archives du Vatican, 1884-1939, n° 3437.

Original : Reg. 49, fol. 272 v°.

Concessio decanatus ecclesiae Aniciensis.

Dilecto filio magistro Jacobo Dueza, utriusque juris professo[ri], decano ecclesie Aniciensis.

Quia venustate morum.

Consideratione Caroli, regis Siciliae, cujus clericus et familiaris existit, confert ei decanatum in Aniciensi ecclesia quem Petrus de Ferreriis, electus Lectorensis, in manibus domini papae resignavit, et qui ideo Apostolicae dispositionis subjectus est, et de illo providet, non obstante quod praedictus Jacobus in Albiensi et Sancti Frontonis Petragoricensi ecclesiis canonicatus et praebendas, ac archipresbyteratum ecclesiae de Sarlato curam animarum habentem, et ecclesiam Sancti Andreae de Senesive sine cura, Petragoricensis et Carcassonensis diocesium, obtineat, et quamdam pensionem quinquaginta librarum parvorum turonensium ab ... abbate monasterii Cluniacensis percipiat annuatim.

Datum Laterani, II kal. februarii, anno sexto.

In eundem modum, dilectis filiis ... archidiacono Aquensis, ac ... preposito Aptensis, et Hugoni de Rupe, canonico Lugdunensis ecclesiarum.