1^er mars 640

Bulle privilège, fabriquée par un faussaire, pour le monastère de Sainte-Croix, diocèse de Meaux. Datée du pontificat de Jean IV.

Le nom de l’évêque de Périgueux à cette époque pourrait être correct. La plupart des noms des autres évêques sont vérifiés par d’autres actes authentiques.

Edition : L’Histoire de l’église de Meaux, Dom Toussaints du Plessis, 1731

Mention : Bulletin de la SHAP, tome XXI, p. 446, article de Grellet-Balguerie

Mention : http://www.guyenne.fr/archivesperigord/bnf/tome77/bnf_tome77_chartes.htm, (fol. 5)

Mention : http://www.guyenne.fr/Publications/Etat_Dupuy/etat_de_l_eglise_du_perigord_t1.htm, (p. 263)

Version Histoire de l’église de Meaux.

Privilegium Johannis papae IV

Johannes episcopus, servus servorum Dei, dilectissimis fratribus universis coepiscopis per Franciam constitutis, apostolicam benedictionem. Quum angelus Johanni apostolo apocaretur, beatos esse testatus est, qui ad coenam nuptiarum agni vocantur. Vere sola Deo digna et dulcis beatitudo, quam bene emulatus Faro Burgundio; ortus Francorum claro sanguine, geniales thalamos quibus aliquandiu carnaliter inservierat, felicioribus auspiciis alteravit, et abdicato connubili amplexu cum Johanne evangelista, pontificale pedalium canonica electione promeruit in Meldensium ecclesia. Qui de virtute in virtutem gradatim scandens, et de pratica in theoreticam proficiens, coenobium in honorem Sancta Crucis, sanctaeque Dei genitricis Mariae, et omnium apostolorum extra muros ejusdem urbis fundavit, in quo monachicum schema (quod solum cum seraphim sex alis figuratur) constituens, sui specialis patrimonii opulentis redditibus cumulavit. Deinde prudenter recolens illud B. Antonii, quia sicut piscis sine aqua, sic nec monachus potest sine cella, prudenti industria animi concepit, indignum omnimodo rei illud alicujus episcopi subjectione, seu etiam saecularis personae impotentia inquietari. Quapropter nitens per omnia familiari consilio filii nostri Chlotarii Francorum regis, cui ipse a fonte lavacri spiritualis pater erat, Deo et S. Petro cum subscriptione carta praedictum coenobium spiritualiter delegavit, et me in sede Lateranensi humiliter conveniens, modesta satis censura canonicae rationis impetravit, ut apostolica auctoritate soli sancto Petro illud subesse confirmarem, et ab omni exactione alicujus solita superventum episcopi, sive etiam saecularis potentiae immune omnibus modis redderem, et gladio irrecuperabilis anathematis privilegio divinae potestatis specialius concessae beato Petro ferirem, si qui forte (quod absit) olim transgressores hujus immunitatis illi ecclesiae a S. Petro attributae, quoquo modo fierent. Interdicimus ergo auctoritate Dei et S. Petri omnibus episcopis olim postea in Meldensi ecclesia ordinandis, seu etiam vicinis, vel procul ab ipso monasterio constitutis, et olim constituendis, nihil sibi addicere vel allegare, praeter id quod pragmatica nostrae institutionis censeat, scilicet ut episcopus quem abbas ipsius loci vel congregatio ad celebrandas missas, ut in constitutione abbatis, vel etiam tabularum in quibus missa celebrantur, accersierit, nullam sibi omnino facultatem arroget in eodem monasterio ingrediendi, nisi tantum ad opus ministerii ad quod vocatus est, expletis solemniis ad sua redeat, nihil inde sperans, nec sibi vindicans aliquid de utensilibus monasterii, etiamsi temere ab aliquo in docto ei offeratur; non de ornatu, vel de vasis, sed nec bibliotheca voluminibus, nec de oblatione quae fit a fidelibus post lectum evangelium; imo nec quidquid majus vel minus sed eum immoderatius propria retinere prohibemus; quanto magis aliana rapere, et quod omnibus scelestius est, divina distrahere. Chrisma vero, vel quidquid norma ecclesiae postulat, si abbas vel congregatio requirit, pontifici modis omnibus annuendum est, quia nulla occasione hujusmodi permitto episcopos in eodem monasterio, non in aliqua re, vel surrogatione personae, sed omnia contineri secundum electionem ipsius congregationis. Quum autem aliquando abbatem contigerit obiisse, non ibi permitto episcopum quemlibet, vel archidiaconum, vel presbyterum, vel diaconum, quidquam judicare, sed nec jubere, nec ordinare, vel mutare, aut agere; sed omnia supradicta secundum postulationem fratris, et coepiscopi nostri Faronis rata et inviolata permanere, fratres ibi Deo militantes secundum fervorem religionis, et praeceptum regula S. Benedicti patrem sibi spiritualem eligant. Episcopus autem, quicunque rogatus fuerit, suam exhibeat praesentiam, et eum inthronizet authentica sanctione juxta illud evangelicum : Gratis accepistis, gratis date. Nemo autem episcoporum, nisi expetitus ibi accedere audeat; nemo vel clericorum, seu laicorum, privilegia hujus coenobii infringere praesumat, ut juxta instituta regula ab omni molestia monachos Deo servire liceat. Quod si aliquando (quod absit) notabiles aliqui in religiositate fuerint, omnis correctio in abbatis aliqui in religiositate fuerint, omnis correctio in abbatis pendeat arbitrio. Si autem et ipse abbas aliqua tortitudine deviaverit, boni fratres, qui de illis paucis militibus juxta vaticinium Domini inveniuntur, qui non flectunt genua ante Baal, apostolicam expetent censuram, et sic se ab omni laesione et machinatione absolvant, quum ad caput eorum, id est apostolicam sedem hujus rei querimoniam referant. Omnibus modis prohibemus episcopo occasionem potestatis in ecclesia praedicta sub aliquo obtentu reprehensionis vel correctionis. Si quis vero insolens fastu praesumptuosae mentis huic privilegio apostolicae sanctionis contraire voluerit, primum quidem a papa illius temporis omnibus gradibus ecclesiasticae ordinationis privetur, deinde condemnatus anathema Maranatha titulo christianitatis careat, et toto tempore quoad vixerit, publicis poenis omnium principum subjaceat. Datum R. id. maii, impp. DD. NN. piissimis; sed Constantino, anno XXVI P. C. ejus anno VIII; et Heraclio, anno VIII DD. et Martino CC. Sed DD. quidem anno secundo, et Martino anno primo, indictione XII.

Ego Johannes, servus servorum Dei, episcopus summae et apostolicae sedis, ductus pio monachichae religionis, et reverentia bene timorati viri Faronis episcopi et fratris, juxta petitionem per legationem filii nostri Chlotarii regis Francorum, benigno et voluntario animo, hanc immunitatem dedi, confirmavi, et subscripsi. Similiter reliquos coepiscopos, qui comprovinciales sunt in Gallia dilecti nostri Faronis Meldensis episcopi, et hic et jam in praesentiarum sunt, rogo ut jubeo, ut consentientes manus subscribant.

Candericus, episcopo Lugdunensis urbis ecclesiae serviens, hoc privilegium consentiens subscripsi.

Landelenus in Christi nomine episcopus serviens sanctae ecclesiae Viennensium, hoc privilegium consentiens subscripsi.

In Christi nomine Adeodatus Masticonensis urbis episcopus, hoc privilegium consentiens subscripsi.

Childegirus, Senonicae urbis episcopus, hoc privilegium consentiens subscripsi.

Maurinus, peccator, Bellovacensis urbis episcopus, hoc privilegium consentiens subscripsi.

Madegisillus, Turonicae urbis episcopus, hoc privilegium consentiens subscripsi.

Aigatarius, Noviomagensis episcopus, hoc privilegium consentiens subscripsi.

Guido, Aurelianensis urbis episcopus, hoc privilegium consentiens subscripsi.

In Dei nomine Manricus, Engolismensis urbis episcopus, hoc privilegium consentiens subscripsi.

In Christi nomine Feriolus, Augustidensis urbis episcopus, hoc privilegium consentiens subscripsi.

Berthuoldus, per misericordiam Dei Lingonicae urbis episcopus, injungente domino Farone Burgundo, hoc privilegium consensi.

Palladius, Autisiodorensis urbis episcopus, hoc privilegium consentiens subscripsi.

Papinus, per misericordiam Dei Genaviensis episcopus, hanc constitutionem consentiens subscripsi.

In Christi nomine Petruinus, Vasernae urbis episcopus, hanc constitutionem consentiens subscripsi.

Marcus, indignus Redonensis urbis episcopus, hoc privilegium consentiens subscripsi.

Ranniurus, peccator, Narbonensis urbis episcopus, hoc privilegium consentiens subscripsi.

In Christi nomine Prothadius, episcopus civitatis Aquensium, hoc privilegium consentiens susbscripsi.

In Dei nomine Canoaldus, Laudinensis episcopus, germanus domno Faroni, hoc privilegium consentiens subscripsi.

In Christi nomine Ragnesilus, Trecasinae urbis episcopus, hoc privilegium consentiens subscripsi.

In Christi nomine Amandus, Travectensis urbis episcopus, hoc privilegium consentiens subscripsi.

Siagrius, episcopus urbis Antepolitanae, hoc privilegium consentiens subscripsi.

Verus, licet peccator, Rotenae urbis episcopus, hoc privilegium consentiens subscripsi.

In Christi nomine Ansalicus, Suessionensis urbis episcopus, hoc privilegium consentiens subscripsi.

Sodilla, Tullensis episcopus, hoc privilegium consentiens subscripsi.

Sebastianus, peccator, Agennensis urbis episcopus, hoc privilegium consentiens subscripsi.

Marcus, propitio Christo, Petragoricae urbis episcopus, hoc privilegium consentiens subscripsi.

Ego Johannes, pontifex apostolicae sedis, hanc immunitatis normam subscriptione mea manus consignavi, testatam et vigoratam per sacri scrinii Romanae ecclesiae, ut rata et inconcussa in perpetuum maneat. Actum Romae Lateran. in apostolica sede, sub die calendarum martiarum, anno XIII regini dilectissimi filii nostri Chlotharii regis Francorum, indictione XIII, anno ab Incarnatione Domini DCXL.