13 février 1154

Privilège accordé par Anastase IV à Hugo, évêque d’Angoulême.

Mention de l’évêque de Périgueux, l’église de Bors (Borno) était dans le diocèse de Périgueux Référence : Jaffé-Loewenfeld, 9832

Ecclesiae Engolismensis patrocinium suscipit ac possessiones confirmat, petente Hugone episcopo. In bibl. nat. Paris, Coll. Moreau, t. 1231, f. 69. (Pflugk-Harttung, Iter, p. 250.) — « Effectum justa postulantibus ».

Edition : Acta pontificum romanorum inedita, III, Urkunden der papste vom jahre c. 590 bis zum jahre 1197, J. v. Pflugk-Harttung, 1886 (N. 132)

Copie : fonds Vaticani Ottoboniani, 687, p. 12, dans la bibl. Vaticana de Rome.

Copie : Collection Moreau, 1231, fol. 69, Bibliothèque nationale Paris.

Anastasius episcopus, servus servorum Dei, venerabili fratri Hugoni, Engolismensi episcopo, ejusque successoribus canonice substituendis, in perpetuum. Effectum justa postulantibus indulgere, et vigor equitatis et ordo exigit rationis, persertim, quando petentium voluntatem et pietas adjuvat et veritas non relinquit. Eapropter, venerabilis in Christo frater, Ugo episcope, tuis justis postulationibus clementer annuimus, et commissam tibi Engolismensem ecclesiam sub beati Petri et nostra protectione suscipimus et presentis scripti privilegio communimus. Statuentes, ut quascumque possessiones, quecumque bona eadem ecclesia in presentiarum juste et canonice possidet, aut in futurum concessione pontificum, largitione regum vel principum, oblatione fidelium seu aliis justis modis, prestante Domino, poteris adipisci, firma tibi tuisque successoribus et illibata permaneant. In quibus hec propriis duximus exprimenda vocabulis : ecclesiam beate

Marie de Aent cum decima, ecclesiam de Brenac et ecclesiam de Borno. Concordiam vero, que de ecclesia beati Simphoriani de Maonac inter canonicos Engolismensis ecclesie et canonicos de Salis per bone memorie Lambertum, antecessorem tuum, et Guillelmum Petragoricensem et Guillelmum Xanctonensem quondam episcopos, rationabiliter facta est, ratam et inconvulsam manere sanctimus. Decernimus ergo, ut nulli omnino hominum liceat, supradictam ecclesiam temere perturbare aut ejus possessiones auferre vel ablatas retinere, minuere seu aliquibus vexationibus fatigare, sed illibata omnia et integra serventur eorum, pro quorum gubernatione et sustentatione concessa sunt, usibus omnimodis profutura, salva nimirum apostolice sedis auctoritate. Si qua in futurum ... Cunctis autem ... inveniant. Amen. Amen. Amen.

Ego Anastasius catholice ecclesie episcopus ss.

Ego Ymarus Tusculanus episcopus ss.

Ego Hugo Hostiensis episcopus ss.

Ego Gregorius presbiter cardinalis tit. Calixti ss.

Ego Guido presbiter cardinalis tit. sancti Grisogoni ss.

Ego Hubaldus presbiter cardinalis tit. sancte Praxedis ss.

Ego Manfredus presbiter cardinalis tit. sancte Savine ss.

Ego Guido presbiter cardinalis tit. Pastoris ss.

Ego Octavianus presbiter cardinalis tit. sanct Cecilie ss.

Ego Gerardus presbiter cardinalis tit. sancti Stephani in Celio monte ss.

Ego Johannes presbiter cardinalis tit. sanctorum Silvesti et Martini ss.

Ego Odo diaconus cardinalis sancti Georgii ad Velum aureum ss.

Ego Rodulfus diaconus cardinalis sancte Lucie in Septa solis ss.

Datum Laterani, per manum Rolandi, sancte Romane ecclesie presbiteri cardinalis et cancellarii, idus febr., indictione secunda, Incarnationis Dominice anno MCLIII, pontificatus vero domni Anastasii pape IIII anno primo.