20 mars 1178

Bulle d’Alexandre III qui confirme les possessions de l’abbaye d’Uzerche.

Mention de Tourtoirac, de Puy-Girault (près de Puyguilhem), Saint-Méard de Gurson, Saint-Rémi, Saint-Géraud-de-Corps, Quinsac, etc.

Référence : 13338

Monasterii S. Petri Usercensis patrocinium suscipit, possessionesque et privilegia confirmat, petente Bernardo abbate. In bibl. nat. Paris., ms. lat. 12747., f. 409. — « Religiosam vitam eligentibus ».

Mis à l’année 1179 par Loewenfeld.

Edition : Cartulaire de l’abbaye d’Uzerche (Corrèze) du X^e au XIV^e siècle, par J.-B. Champeval, 1901

Copie : http://guyenne.fr/ArchivesPerigord/Cartulaires/cartulaire uzerche.htm (charte 957)

Privilegium domini Alexandri Pape III

Alexander episcopus, servus servorum Dei, dilectis filiis Bernardo abbati Usercensis monasterii, ejusque fratribus tam presentibus quam futuris regularem vitam professis in perpetuum. Religiosam vitam eligentibus apostolicum conven. A deo suffragium ne forte cujuslibet temeritatis incursus aut eos a proposito revocet, aut robur, quod absit, sacre religionis infringat. Eapropter, dilecti in Domino filii, vestris justis postulationibus clementer annuimus, et prefatum monasterium Sancti Petri Usercensis in quo divino mancipati estis obsequio, predecessorum nostrorum, sancte recordationis, Lucii, et Eugenii, Romanorum pontificum vestigis inherentes, sub Beati Petri et nostra protectione suscipimus et presentis scripti privilegio communimus. Inprimis sidiquem statuentes ut ordo monasticus qui secundum Dei timorem et Beati Benedicti regulam in monasterio vestro institutam co. [nversari?] dinoscitur, perpetuis ibidem temporibus inviolabiliter observetur. Preterea quascunque possessiones, quecumque bono idem monasterium in presentiarum juste et canonice possidet, aut in futurum concessione pontificum, largitione regum, vel principum, oblatione fidelium, seu aliis justis modis, prestante Domino, poterit adipisci, firma vobis vestrique successoribus et illibata permaneant. In quibus hec propriis duximus exprimenda vocabulis :

Locum ipsum in quo prefatum monasterium situm est, cum pertinentiis suis, monasterium Sancti Petri Tusturiaci, Monasterium Agedunensis cum omnibus eorum pertinentiis, monasterium Maismacense cum pertinentiis suis; monasterium Sancti Medardi, cum ecclesiis suis : Sancti Petri videlicet de Punchiac, Sancti Martini de Montezeux, Sancti Remigii, Sancti Giraldi, et ecclesiam Sancti Martini de Heremo; monasterium Sancti Vincentii de Barciaco, ecclesiam Sancti Petri de Montepesac, capellam Sancti Jacobi de Landa, ecclesiam de Porgirolini, ecclesiam Sancte Marie de Usercha, cum decimis et aliis pertinentiis suis, ecclesiam Sancte Eulalie cum decimis et aliis pertinentiis suis, ecclesiam Sancti Salvatoris, cum decimis et aliis pertinetiis suis, ecclesiam Sancti Pardulfi de Ves, cum decimis et aliis pertinentiis suis, ecclesiam Sancti Pardulfi de Ortigeiras, cum decimis et aliis pertinentiis suis, ecclesiam Sancti Vincentiani cum decimis et aliis pertinentiis suis, capellam Sancti Joannis Baptiste de Acuto Monte, cum pertinentiis suis, capellam Sancti Petri de Liginiaco, ecclesiam Sancte Marie de Mille Vaccis, cum decimis et aliis pertinentiis suis, capellam Sancti Petri de Brolio, ecclesiam Sancti Martini de Gartempa, ecclesiam Sancti Preiecti, cum decimis et aliis suis pertinentiis; unam marcham argenti quam annuatim vobis persolvere tenentur canonici Sancti Leonardi, pro ecclesia Sancte Marie de Castaneto, ecclesiam Sancti Viti cum decimis et aliis pertinentiis suis, ecclesiam Sancte Marie de Albassania, cum decimis et aliis suis pertinentiis, capellam Sancte Marie de Porcharia, capellam Sancte Marie de Lafiai; ecclesiam Sancti Martini de Sodemia, et capellam de Magoteira cum decimis et aliis eorum pertinentiis; ecclesiam Sancti Juliani de Condat, cum decimis et aliis pertinentiis suis, ecclesiam Sancti Eparchii cum decimis et aliis pertinentiis suis, ecclesiam Sancti Silvani, cum decimis, capellam Sancte Marie de Castaneto; capellam Sancte Marie Magdalene de Spinasusa, ecclesiam Sancti Bibiani de Niol, cum decimis et aliis earum pertinentiis; capellam de Vitrac cum duobus modiis tritici ab ecclesia Cambolive vobis annualiter persolvendis, ecclesiam Sancti Angeli, et ecclesiam Sancti Saturnini de Quinsiaco, cum decimis, et aliis earum pertinentiis, capellam Sancte Marie Magdalene de Chambrases; ecclesiam Sancti Dulcissimi de Chambaret, cum capella Sancti Nicolai de Monces, cum decimis et aliis suis pertinentiis; ecclesiam Sancti Hylarii de Celom, cum decimis et aliis suis pertinentiis, et mansum de Gondra, cum capella et cimiterio et decimis et aliis suis pertinentiis.

Sane novalium vestrorum que propriis manibus aut sumptibus colitis, sive de nutrimento animalium vestrorum, nullus a vobis decimas exigere presumat, cum autem generale interdictum fuerit : liceat vobis, clausis januis, exclusis excommunicatis et interdictis, non pulsatis campanis, suppressa voce, divina officia celebrare. Liceat quoque vobis personas e seculo fugientes, liberas et absolutas, ad conversionem recipere, et eas sine contradictione alicujus retinere. In parrochialibus siquidem ecclesiis quas habeat[tis], liceat vobis clericos vel sacerdotes eligere, et episcopo presentare, quibus, si idonei fuerint, episcopus animarum curam committat, ut ei de spiritualibus, vobis vero de temporalibus, debeant repondere. Pastum etiam quem canonici Lemovicensis ecclesie pro benedictione abbatis sibi et familie sue a vobis exigunt, quare talis exactio de pravitate pocius quam ex caritate videtur procedere, dari vel exigi de cetero prohibemus.

Interdicimus insuper ut nulli in vos vel clericos vestros seu ecclesias excommunicationis, suspensionis vel interdicti sententiam sine causa rationabili et manifesta liceat promulgare.

Ad hec adjicientes sancemus ut nulli persone ecclesiastice vel seculari liceat emere vel vendere terras vel possessiones ad idem monasterium spectantes, sine licentia abbatis et capituli.

Statuimus insuper ut nullus infra unam leugam a monasterio vestro castella seu mancionem in detrimentum monasterii erigere presumat.

Sepulturam quoque ipsius loci liberam esse decernimus ut eorum devotioni et extreme voluntati qui se illic sepeliri deliberaverint, misi forte excommunicati vel interdicti sint, nullus obsistat, salva tamen justicia illarum ecclesiarum a quibus mortuorum corpora assumuntur. Obeunte vere te nunc ejusdem loci abbate vel tuorum quolibet successorum, nullus ibi, qualibet subreptionis astucia seu violentia, praeponatur, nisi quem fratres communi assensu vel fratum (corrige fratrum) consilii sanioris secundum Dei canorim [pro canorem] et Beati Bendicti regulam providerint eligendum. Decernimus ergo ut nulli omnino hominum fas sit prefatum monasterium temere perturbare, aut ejus possessiones auferre, vel ablatas retinere, minuere, seu quibuslibet vexationibus fategare, sed omnia integra conserventur eorum pro quorum gubernatione ac sustentatione concessa sint, usibus omnimodis profutura, salva apostolice sedis auctoritate, et diocesani episcopi canonica justicia.

Ad judicium autem hujus a sede apostolica percepte protectionis, bizantium unum nobis notrisque successoribus annuatim persolvetis.

Si qua igitur in futurum ecclesiastica secularisve persona, hanc nostre constitutionis paginam, sciens, contra eam temere venire temptaverit, secundo tertiove commonita, nisi reatum suum digna satisfactione correxerit, potestatis honorisque sui dignitate careat, reamque se divino judicio existere de perpetrata iniquitate cognoscat, et a sacratissimo corpore ac sanguine Dei et domini redemptoris nostri Jhesu Christi aliena fiat, atque in extremo examine divine ultioni subjaceat. Cunctis autem eidem loco sua jura servantibus sit pax domini nostri Jhesu Christi, quatinus et hic fructum bone actionis percipiant et apud districtum judicem premia eterne pacis inveniat (sic). Amen. Amen. Amen.