6 avril 1179

Le pape Alexandre III écrit à l’évêque de Poitiers, Jean, et au trésorier, doyen du chapitre de Saint-Hilaire de Poitiers, pour leur confirmer la décision de Pierre, évêque de Périgueux, et Pierre Itier, cardinal prêtre de Saint Grisogono, légat apostolique.

Edition: Papsturkunden in Frankreich; VI - Auvergne, Poitou, Périgord, Angoumois, Saintonge, Marche und Limousin, n° 47, Acta Romanorum Pontificum, Wilhelm Wiederhold, 1911-1913.

Copie : Archives Départementales de la Vienne, Chapitre collégial de Saint-Hilaire-le-Grand de Poitiers, G. 496, d’après le fol. 104 du cartulaire de Saint-Hilaire.

Mention : Mémoires de la société des antiquaires de l’Ouest, XIV, 1847, p. 190

Alexander episcopus servus servorum Dei. Venerabili fratri Joanni Pictaviensi episcopo, apostolice sedis legato et dilectis filiis decano et capitulo Pictaviensis ecclesie, thesaurario decano et universo capitulo ecclesie beati Hilarii salutem et apostolicam benedictionem. Sicut ea que in questionem venerint concordia mediante vel judicio terminantur, ita postquam decise fuerint, ne in recidive scrupulum deveniant questionis, sedis apostolice convenit munimine roborari. Pervenit autem ad nos quod cum super multis querelis controversias inter vos a longis retro temporibus habueritis, tandem post multas commonitiones nostras studio et diligentia venerabilis fratris nostri Petri Petragoricensis episcopi et dilecti filii Petri Iterii, sancti Grisogoni presbiteri cardinalis, tunc apostolice sedis legati, in quos hinc inde compromiseratis, eadem controversie que per tempora multa duraverant, favente Domino pro bono pacis firma sunt compositione sopite. Nos igitur compositionem ipsam, sicut facta est et ab utraque parte recepta et in scripto antentico continetur, ratam et firmam habentes, eam auctoritate apostolica confirmamus et presentis scripti patrocinio communimus. Statuentes ut nulli omnino hominum liceat hanc paginam nostre confirmationis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus se noverit incursurum. Datum Laterani VIII idus aprilis.