10 mai 1197

Bulle de Célestin III en faveur de l’abbaye de la Sauve-Majeure.

Mention de quelques possessions en Périgord : Saint Martin de Champmartin, Le Pizou, Echourgnac, Minzac, etc.

 

Référence : 17535 (10648)

Monasterium Silvae-majoris tuendum suscipit et ejus possessiones ac jura confirmat, petente Petro abbate. Gall. Chr., II, Instr., p. 316; Migne, 206, p. 1213. — "Quotiens a nobis petitur".

Edition : Gallia christiana, II, Instrumenta, p. 316

Edition : Patrologie latine, Migne, CCVI, p. 1213

Copie : http://www.guyenne.fr/archivesperigord/Gallia_Christiana/Gallia.htm

 

 

Bulla Coelestini papae III.

Qua concessa coenobio Silvae-majoris praedia et privilegia recenset et confirmat.

 

Coelestinus episcopus, servus servorum Dei, dilectis filiis Petro abbati monasterii sanctae Mariae Silvae-majoris, ejusque fratribus tam praesentibus quam futuris regularem vitam professis in perpetuum. Quotiens a nobis petitur quod religioni et honestati convenire dignoscitur, animo nos decet libenti concedere, et potentium desideriis congruum suffragium impertiri. Eapropter, dilecti in Domino filii, vestris justis postulationibus clementer annuimus, et praefatum monasterium, in quo divino mancipati estis obsequio, ad exemplar felicis recordationis Lucii papae praedecessoris nostris sub beati Petri et nostra protectione suscipimus, et praesentis scripti privilegio communimus. In primis quidem statuentes, ut ordo monasticus, qui secundum Deum et beati Benedicti regulam in eodem monasterio noscitur institutus, perpetuis ibidem temporibus inviolabiliter observetur. Praeterea quascumque possessiones, quaecumque bona idem monasterium inpraesentarium juste et canonice possidet, aut in futurum concessione pontificum, largitione regum vel principum, oblatione fidelium, seu aliis justis modis, praestante Domino poterit adipisci, firma vobis vestrisque successoribus et illibata permanenant. In quibus haec propriis duximus exprimenda vocabulis : locum ipsum, in quo praefatum monasterium situm est, cum omnibus pertinentiis suis; in eadem villa ecclesias S. Petri et S. Johannis : grangias ad istum monasterium pertinentes, scilicet Malforat, cum terra de Bunasse : grangiam de Daignac et de Carensac, cum ecclesia de Nerigean : grangia de Fontgravosa et S. Nicolai de Genisaco, et de Montfaitol cum pertinentiis earum : decimas, molidendina, colonos, quae specialiter ad monasterium vestrum spectant; prioratus quoque de Senon, de sancto Lupo, de Castelleto, d’Avaron, de Croignon et de Foncanbalada, de Madiraco, de Loupiac, de Berabat, de Baignaus, de Benalgia veteri, de Gribon et Aguillaco, de Ardenas, de Daignaco, cum omnibus pertinentiis eorumdem prioratuum : ecclesias etiam de Epieto, de Caniac, de sancto Leone, de Montinac, de Corbillac, de sancto Sidonio, de Dlassaco, de sancto Cermano de Campet; prioratus quoque S. Andreae de nomine Dimini, de Podio Dodonis cum ecclesiis suis S. Christophori et S. Severini; prioratum S. Martini et S. Saturnini de Boëns, et S. Vincentii de Porteto, et S. Laurentii d’Escures, cum omnibus pertinentiis eorum; quidquid habetis apud Brojas et Jalam. In Xantonensi dioecesi prioratum S. Nicolai de Royano, cum ecclesia sua S. Mariae de Insula quae est in Arverto et possessionibus suis de Oleron et Pratfornel. In Vasatensi dioecesi ecclesiam de Brana, cum aliis possessionibus vestris; prioratus S. Johannis de Blaignac, et S. Petri de Castet, cum ecclesia sua de Siurac; prioratus de Ruffio de Sorsaco, de Coiraco, de Fistals, de la Gardera, de Niaco, de Lingone, cum omnibus pertinentiis eorum et de Bellofonte cum pertinentiis suis. In Petragoricensi dioecesi prioratus S. Martini Campi Martini, et de Scaurniaco de Pisone, et S. Ulrici et S. Nicolai de Gorson, de Loupehaco, cum ecclesia sua de Minzac; prioratus S. Saturnini de Puteo, cum ecclesiis suis S. Mariae de Belpojet et de Lonasio; prioratum de la Vernia, cum ecclesiis suis S. Martini de Combis et de Crossia; prioratum S. Pastoris, cum ecclesiis sibi pertinentibus, et prioratum de Atenaco et de Nausis, omnibus pertinentiis eorum, et de Sioraco, cum pertinentiis suis. In Agennensi dioecesi prioratum S. Antonii, et de Runauld, cum ecclesia S. Rufinae et de Maureliaco, et S. Mariae de Culturis; prioratus S. Silvestri de Pena, S. Perti de Gontaldo de Escassefort, cum ecclesiis et aliis pertinentiis uis; prioratus etiam de Monthurt, de Cuzelun, S. Caprasii de Lavardac, S. Mariae de la Fita, de Caubeosa cum ecclesia ejus S. Andreae, cum omnibus pertinentiis eorum. In caturcensi dioecesi monasterium monialium, scilicet Pomaretum cum prioratibus, ecclesiis et aliis possessionibus suis, salvitatem de Blanquefort. In Auxitanensi dioecesi prioratum Gavarreti, cum decima etcensu totius villae, furnis et aliis possessionibus suis; prioratus de Lucader, de Mauvaisin, de Gilo, de Perquerio, de Boga del-mont de Canens. In Aragonensi dioecesi prioratus de Rosta, de Pintano, de Unocastello, de Exea, de Pratella, de Alcala, cum ecclesiis, decimis et aliis possessionibus eorum… In Lincolniensi diocesi in Anglia, prioratum de Proëlla, cum pertinentiis suis. In Cameracensi dioecesi abbatiam S. Dionysii de Brocare, cum ecclesiis, decimis et aliis pertinentiis suis. In Suessionensi dioecesi prioratus S. Leodegarii et S. Pauli de nemore, et Bellaevallis. In Laudunensi dioecesi, prioratus de Gesy et S. Probae et de Lapion. In Remensi dioecesi prioratum Noveii. In Catalaunensi dioecesi prioratum de Chentry. In Senonensi dioecesi prioratum Neronisvillae. In Aurelianensi dioecesi prioratum S. Bartholomaei de Sede Meri, cum ecclesiis S. Johannis de Curcy, et S. Simphoriani de Complens. Sane novalium vestrorum, quae propriis manibuss aut sumptibus colitis, sive de nutrimentis animalium vestrorum, nullus a vobis decimas exigere vel extorquere praesumat. Liceat quoque vobis clericos vel laicos liberos et absolutos et e saeculo fugientes ad conversionem recipere, et eos absque contradictione aliqua retinere. Cum autem generale interdictum excommunicatis et interdictis, non pulsatis campanis, suppressavoce Divina officia celebrare. In parochialibus autem ecclesiis, quas habetis, liceat vobis sacerdotes eligere, et dioecesano episcopo praesentare, quibus, si idonei fuerint, episcopus animarum curam committat, ut ei de spiritualibus, vobis autem de temporalibus debeant respondere. Chrisma vero, oleum sanctum, consecrationes altarium, seu basilicarum, ordinationes monachorum vel clericorum, qui ad sacros ordines fuerint promovendi, a dioecesano accipietis episcopo, si quidem catholicus fuerit, et gratiam atque communionem apostolicae Sedis habuerit, et a vobis gratis, et absque pravitate aliqua voluerit exhibere : alioquin liceat vobis quemcumque malueritis catholicum adire antistitem, qui, nostra fultus autoritate, quod postulatur indulgeat. Ad hoc, praesenti decreto statuimus et obeunte te nunc ipsius loci abbate, vel tuorum quolibet successorum, nullus ibi qualibet surreptionis astutia, seu violentia praeponatur, nisi quem fratres communi consensu, vel fratrum pars consilii sanioris, secundum Dei timorem et beati Benedicti regulam providerit eligendum. A laïcis autem decimas exigi, sub interminatione anathematis prohibemus. Inhibemus quoque ne infra terminos parochiarum vestrarum ecclesiam vel oratorium sine assensu dioecesani episcopi et vestro quisquam aedificare praesumat, salvis tamen privilegiis Romanae ecclesiae….

Libertates praeterea et immunitates a felicis recordationis Alexandro papa praedecessore nostro, sive ab archiepiscopis et ducibus Aquitaniae, necnon et aliis illius terrae baronibus monasterio et hominibus vestris pietatis et religionis consideratione indultas ratas habentes, autoritate apostolica confirmamus, statuentes, ut, sicut ab eodem praedecessore nostro statutum fuisse dignoscitur, nulla ecclesiastica saecularisve persona habitatores vestros ad arma compellere, vel indebitas exactiones ab eis extorquere praesumatSepulturam praeterea illius loci liberam esse decernimus, ut eorum devotioni et extremae voluntati, qui se illic sepeliri deliberaverint, nisi forte excommunicati vel interdicti sint, nullus obstitat; salva tamen justitia illarum ecclesiarum a quibus mortuorum corpora assumuntur. Decernimus ergo, ut nulli hominum fas sit praefatam ecclesiam temere perturbare, aut ejus possessiones auferre, ablatas retinere, minuere, seu quibuslibet vexationibus fatigare. Sed omnia integra conserventur, eorum pro quorum gubernatione ac sustentatione concessa sunt, usibus omnimodis profutura, salva sedis apostolicae autoritate, et dioecesani episcopi canonica justitia… Si qua igitur in futurum ecclesiastica saecularisve persona hanc nostrae constitutionis sciens contra eam temere venire tentaverit, secundo tertiove commonita, nisi reatum suum congrua satisfactione correxerit, potestatis honorisque sui dignitate careat, jamque se divino judicio existere de perpetrata iniquitate cognoscat, et a sacratissimo corpore et sanguine Dei et Domini Redemptoris nostri Jesu Christi aliena fiat; atque in extremo examine districtae ultioni subjaceat. Cunctis autem eidem loco jura sua servantibus sit pax Domini Jesu Christi, quatinus et his fructum bonae actionis percipiant, et apud districtum judicem praemia aeterne pacis inveniant. Amen.

+ Ego Petrus tituli S. Ceciliae presbyt. cardinalis, S.

+ Ego Jordanis presbyter cardinalis S. Puden. tituli Pastoris, S.

+ Ego Johannes tituli S. Clementis card. Viterbiensis, et Tusculanus episcopus, S.

+ Ego Guido presbyter cardinalis S. Mariae Transtiberinae, tituli Callixti, S.

+ Ego Hugo presbyter cardinalis S. Martini tituli Equicii, S.

+ Ego Johannes tituli S. Stephani in Caelio monte presbyter cardinalis, S.

+ Ego Sosfredus tituli sanctae Praxedis presbyter cardinalis, S.

+ Ego Johannes tituli S. Priscae presbyter cardinalis.

+ Ego Coelestinus catholicae Ecclesiae episcopus.

+ Ego Octovianus Hostiensis Velletrensis episcopus, S.

+ Petrus Portuensis et S. Rufinae episc. S.

+ Ego Gran… sanctorum Cosmae et Damiani episcopus, S.

+ Ego Gerardus S. Adriani diaconus cardin., S.

+ Ego Gregorius S. Mariae in Porticu diaconus cardinalis, S.

+ Ego Gregorius S. Mariae in Aigro diaconus cardinalis, S.

+ Ego Gregorius S. Georgii ad Velum aureum diaconus cardinalis, S.

+ Ego Lotarius sanctorum Sergii et Bacchi diaconus cardinalis, S.

+ Ego Nicholaus S. Mariae in Gosmidin diaconus cardinalis, S.

+ Ego Bobo S. Theodori diaconus card. S.

Datum Laterani per manus Censii S. Luciae in Orthea diaconi cardinalis, domini papae camerarii, sexto Idus Maii Indictione XV. Incarnationis Dominicae anno M.C.XCVII. pontificatus vero domini Coelestini papae tertii anno septimo.