N.B. Dans le texte d’origine sur parchemin les lettres e, o, r et aussi n, u, v par exemple peuvent s’écrire d’une manière identique. Le texte déchiffré ci-après représente une des possibilités plausibles. Ce document a été mentionné par A. Dujarric-Descombes au bulletin de la SHAP, tome 15 (1888), page 161.
voir ici le mss. (1ère partie)
1, (Jun1 10, 1730) (en haut à gauche 1555-1567)
L’AN DE GRACE MIL CINQ CENS CINQUANTE CINQ Et le septiesme jour d’aoust (7 août 1555) a nous Arnauld de Ferron conseilhier du roy en sa court de parlement de Bourdeaulx commissaire et executeur de certain arrest donne par icelle en reste partie De la part de messire Francoys Deydie chevalier seigneur de Ribeyrac et de Montagrier pour la plus grand partie en maistre Jehan Chassaing son procureur en ladite court nous feust presente certainne Sentence de feu monsr maistre Francoys de Caldanet en son vivant conseilhier en ladicte court Ensemble deux arrestz confirmatif dicelle donnez a la requeste dudict Deydie reprenant le prozes au lyeu et droict de feue Catherine de Stue damoyselle en son vivant dame dudict Montagrier Et Jehan de la Roche escuyer seigneur de Soubran & en partie dudict Montagrier Et pareilhement nostre comission dudict jour nous requerant vouloir proceder a lexecution diceulx sentence & arrestz Et pour faire assigner ledict de la Roche pour veoir proder a la lexecution desd’ sentence z arrests verbalment en la salle du pallays luy octroyer noz lettres dataiche au cas requizes qui luy octroyasmes
2, (Jun1 10, 1731)
les jour moys & an que dessus ET ADVENANT Le dixneufiesme jour de desdicts moys et an se comparurent par devant nous en la salle du pallays ysseue de court maistre Jehan Chassaing procureur en ladict court pour ledict seigneur de Ribeyrac Ensemble maistre Denys Symonet solliciteur dudict seigneur dune part Et maistre Jehan Ythier aussi procur’ en ladicte court pour ledict de la Roche daultre par lequel Chassaing nous feust requiz lexecution desd sentence & arrests lesquels il mist par devers nous Ensemble sa demande noz lettres dataiche et exploictz que sera le tout cy appres incere Et que par ledict Ythier feust requiz veoir lesd senten’ & arrestz lectres contenant nestre commission noz lectres dataiche e exploictz faictz en vertu dicell’ et delay dhung moys et pour venir dire ce quil apartiendra auquel delay par ledict Chassaing feust inciste veu la matiere dont est question SURQOUY parties unyez ordonnasmes que ledict Ythier pourroyt veoir par les mains de nostre clerc lesd sentence arrestz nostre commission lectres dataiche et exploictz faictz en vertu dicelle et viendroyt deffendre en dire ce quil apartiendra a huictainc pour nous delays Dont pour led Chassaing feust proteste des despens et demeure dud solliciteur SENSUYT la teneur de nostred commission requeste
3, II (Jun1 10,1732)
lectres dataiche et exploictz / HENRY (Henri II, 1519-1547-1559) par la grace de dieu roy de France a nostre ame et foal con(er) en nostre court de parlement de Bourdeaulx m(ni) Arnauld de Ferron Salut et dilection nous a la supplication et requeste de nostre ame et foal messire Francoys Deydie chevalier seigneur de Ribeyrac de lordonnance de nostre court de parlement de Bordeaulx vous mandoms & ‘comectoms par ces presentes que procedez par toutes voyes raysonnables nonobstant oppositions ou appellations quelconques et sans preiudice dicelles au parachevement de lexecution de larrest donne le vingthuictiesme jour dapvril mil cinq cens cinquante trois (1553) au proffict de Catherine de Stuer damoyselle depuis decedee au lyeu de laquelle ledict Deydie a reprins le procez a lencontre de Jehan de la Roche escuyer de Soubran Et ce suyvant larrest donne entre lesdicts Deydie et de la Roche le trentiesme jour daoust mil cinq cens cinquante quatre (1554) par lequel lesdicts parties ont este renvoyees pour ce faire par devant nostre ame et foal conseilhier en nostredicte court maistre Gaillard de la Vie decede au lyeu duquel vous avez este subroge par nostred court le jour & dicte
4, (Jun1 10, 1733)
de ces presentes mandoms et commandoms a tous nos iusticiers officiers & subiects que a vous en ce faisant soit obey donne a Bourd’ en nostre parlement le septiesme jour daoust lan de grace mil cinq cens cinquante cinq (1555) Et de nostre regne le neufiesme Ainsi signe Par la chambre mesmee a nosseigneurs de parlement Supplie humblement Francoys Deydie seigneur de Ribeyrac et de Montagrier pour la plus grande partie reprenant le procez au lieu de feue Catherine de Stuer damoyselle quant vivoit dame de Montagrier Disant quil a obtenu arrest en la court dont le dictum est cy attaiche donne entre luy et Jehan de la Roche escuyer seigneur de Soubran par lequel icelluy de la Roche a este condempne faire le partaige des biens dont est question suyvant larrest du vingthuictiesme avril mil cinq cens cinquante troys (1553) et sentence du vingtneufiesme de jung mil cinq cens quarante quatre (1544) dedans six sepmaines auquel partaige est requiz appeller les seigneurs de Mourates & de Lascoux Montardit et Alemans lesquels pretendent droict en la terre et seigneurie dud Montagrier et aultres y pretendant droict toutesfoys
5, III (Jun1 10, 1734)
debts que Monsieur de la Vie commissaire deppute pour faire ledict partaige ou aultre de Messres de la court qui sera commiz pour se faire fissent difficulte vouloir proceder pour leur regard audict partaige et eulx appeller pour icell’ veoir faire parte quilz ne sont nommes ne comprins audict arrest Ce considers mesmes les arrestz donnez entre lesdicts parties et que a iceulx lesdicts de Mourates Lascoux Montardit et Alemans ne sont nommes ne comprins ausd arrestz Il vous plaist de vos graces ordonner que pardevant lexecution dudict arrest ledict suppliant puisse faire appeller lesdictz susdictz pour veoir faire et proceder audict partaige suyvant ledict arrest Et que les susd qui ont certainnes cothitez en ladicte jurisdiction soyent par mesmes moyen pour obvier aulx femitz et a aultre procez a ladvenir venir faire division et partaige avecques ledict suppliant et de la Roche en que celluy de vous qui sera connuz pour ce faire y puisse pourvoir et les contraindre dassister audict partaige et au’ement pourvoir audict suppliant comme la discretion de la court advisera se frecz bien Provideat arresti executeo actum Burdigals in parlamento sexta
6, (Jun1 10, 1735)
septembris millesimo quingentesimo quinquagesimo quarto (1554) Ainsi signe Deybrailh Arnault de Ferron conseilhier du roy en sa court du parlement de Bourdeaulx et commissaire par icelle deppute en ceste partie Au premier huyssier de ladicts court ou sergent royal sur ce requiz selut Comme pour proceder a lexecution de certains arrestz donnez en la court le vingthuictiesme apvril mil cinq cens cinquante trois (1553) et sentence de feu monsieur de Caldanet executeur dudict arrest du vingtneufiesme jung mil cinq cens quarante quatre (1544) Et aultre arrestsdu trentiesme aoust mil cinq cens cinquante quatre (1554) a la requeste de messire Francoys Deydie chevalier seigneur de Ribeyrac comme reprenant le procez au lyeu de feue Catherine de Stuer damoyselle quand vivoyt dame de Montagrier a lencontre de Jehan de la Roche escuyer seigneur de Soubran nous ayons este commiz et subroge au lyeu de feu Monsieur de la Vie en son vivant aussi conseilhier en ladicte court lequel seigneur de Ribeyrac nous ayt requiz luy octcroyer noz lectres au cas opportunes pour faire assigner par devant nous ledict de la Roche seigneur de Soubran pour veoir proceder a lexecution desdicts arrests et sentence et partaige dont mention est faicts par iceulx verbalement en la salle du pallaiz qui luy avoms octcoye Pource est il que nous vous mandoms et commectoms par ces presentes que a la requeste dudict seigneur de Ribeyrac
(A coté: Fransois Deydie seigneur de Riberac heritier de Catherine Estruc reprans le prozes en 1554 elle est decedée qu’au 1553 par consequant lafare Montagrier n’est pas conclus en la donation des biens joignant faite par ledit Francois Daydie et Yvy Daydie par concontra demeur de 1551)
7, IIII (Jun1 10, 1736)
ledict de la Roche seigneur de Soubran et aultres quil appartiendra vous adjournez bien et deuement a comparoir par devant nous en la salle du pallays royal a Bourd’ a certain et comportant jour pour veoir proceder a lexecution dudict arrest verballement en ladicte salle du pallays et reaulement sur les lieux ez au’ts jours lieulx et heures que par nous sera advise Et aultrement proceder comme de raison De ce faire et en vertu du pouvoir a nous donne par ladicte court vous donnoms plein pouvoir puissance et mandement special par ces presentes En nous faisant audict jour de voz exploictz deue relation mandoms a tous justicieos officieos et subiects du roy que a vous en ce faisant obeyssant Donne et faict a Bourdeaulx en la salle du pallays soulz noz seing et scel le septiesme jour daoust mil cinq cens cinquante cinq (1555) Ainsi signe A de Ferron A vous monsieur maistre Arnauld de Ferron conseilhier du roy nostre sire en sa court de parlement de Bourdeaulx et par icelle commissaire en ceste partie deppute Certiffie jc’ Estienne Trimolines sergent royal en la seneschaussee de Perigeulx que aujourdhui unziesme jour du moys daoust mil cinq cens cinquante cinq (1555) en vertu de voz lectres dataiche Et a la requeste de messire Francoys Deydie chevalier seigneur de Ribeyrac ay adjourne et bailhe assignation a Jehan de la Roche
8, (Jun1 10, 1737)
escuyer seigneur de Soubran et en partie de Montagrier a estre &comparoir par devant vous mondict seigneur en la salle du pallayz de lombriere a Bourdeaulx au dixneufiesme jour du present moys prochainement venant ysseue de court et a tous aultres jours lieulx et heures que par vous luy seront donnez et ce que pour veoir proceder verballement a lexecution des arrestz et sentence mentionnez par vosd lectres dataiche et aultrement comme est contenu par icelles lectres dataiche et aultrement proceder comme de raison Et ce ay faict au ch’eau et domicille dud’ de la Roche et parlant a sa personne auquel ay laisse les appres des requests arrest lectres dataiche Ensemble de mon present exploict quil a prins en presences du maistre Guillaulme Churles et Pevot Parceau tesmoings a ce presens et appellez Ainsi signe Et Trimolines sergeant royal ET ADVENANT le trentungiesme jour desdicts moys et an se compareurent par devant nous lesd Chassaing et Ythier lequel Ythier mist vers nous ses deffences Ensemble la demande dont la teneur sensuyt Par devant vous monsieur maistre Arnauld de Ferron conseilhier du roy en sa court de parlement de Bourdeaulx Et comissr’ par icelle deppute en ceste partie messire Francoys Deydie chevalier seigneur de Ribeyrac
9, V (Jun1 10, 1738)
et de Montagrier pour la plus grande partie demandeur en execution de sentence et arrestz a lencontre de Jehan de la Roche escuyer seigneur de Soubran et dudict Montagrier en sa partie Dict que des le vingtcinqiesme de jung mil cinq cens quarante quatre (1544) par sentence de feu monsr de Caldanet en son vivant conseilhier du roy en ladicte court Ledict de la Roche auroit este condempne faire partaige des biens et succession de feu Jehan dict Jehanicet de Bourdeilhe en son vivant seigneur de Montagrier et diceulx biens en faire deux loctz dont ledict Deydie en doibt prendre lhung et celuy qui bon luy semblera et de lautre ledict Deydie en doibt faire deux comme offre et en bailher le chois audict de la Roche Et par arrest de vingthuictiesme dapvril mil cinq cens cinquanmte troys (1553) et par aultre arrest du trentiesme aoust mil cinq cens cinquante quatre (1554) ledict de la Roche auroyt este condempne faire ledict partaige suyvant ladicte sentence ce quil na tenu conte faire Au moyen dequoy ledict Deydie a bailhe requeste a la court pour avoir commissaire pour requevoir lexecution desd sentence et arrestz en vous mond seigneur avez este commiz et deppute et de vous obtenu
10, (Jun1 10, 1739)
lectres dataiche en vertu desquelles ledict Deydie a faict assigner ledict de la Roche a ce jourdhuy par devant vous Parquoy requiert lexecution desd sentence et arrestz et en icell’ executant que ledict de la Roche soyt contrainct & condempne a peyne de deux mille livres et de tous despens dommaiges et interestz faire ledict partaige suyvant lesd sentence et arrestz Et mesmes de la jurisdicition de Montagrier et de la quarte partie de la jurisdiction du bourg de Brassac des rentes deues audict feu de Bourdeilhe pour raison de ladicte seigneurie de Montagrier Lesquelles rentes icelluy de la Roche auroit faict declairer aus tenanciers Ensemble les metayres de Sempzeins Monrichou Le Port et Tarretin Et ausd’ fins conclud & tout aultrement pertinement & a deppens dommaigs et interestz Ainsi signe Chassaing SENSUYVENT Les deffenses Ythier pour Jehan de la Roche seigneur de Soubran et en partie de Montagrier requiert pardevant vous monsieur de Ferron conseilhier du roy en la court executeur de certain arrest donne en icell’ pour raison de ladicte seigneurie de Montagrier que le seigneur de Ribeyrac aye a declairer quelle portion il pretend avoir en partaige sur la jurisdition de Montagrier Et oultre parts quil y a plusieurs aultres seigneurs que
11, VI (Jun1 10, 1740)
pretendent avoir part en icelle sans lesquels est impossible faire partaige en ce que conscere ladicte jurisdiction requiert aussi quilz soient appellez pour se accorder dexpers offrant contribuer pour sa cothite pour iceulx faire appeller Et sil y a heu de la demeure la faulte ne provient dudict seigneur de Soubran daultant quil y a long temps quil a este au service du roy au faict des guerres voir a este prins prisonnier entre les mains de ennemys pour le service du roy dont il est revenu puys deux moys en ca et fault que son retourne dans ung moys au pays de Pymont en est la compagnie du seigneur de Mommort delaquelle il est porte enseigne. Ainsi signe Ythier. ET ADVENANT le unziesme de septembre audict an ce requerant lesdicts Chassaing et Symonet pour le seigneur de Ribeyrac partismes de Bourdelloys pour vacquer a lexecution dudict arrest et arrivasmes au lyeu de Montagrier le treziesme du susdictz moys et an et nous longeasmes en la maison de messire Jehan Moulyn cure dud’ lyeu de Montagrier ET ADVENANT le quatorziesme desdicts moys et an heure de huict heures du matin en envyron (14 septembre 1555) se compareurent par devant nous ledict Francoys Deydie seigneur de Ribeyrac assistant a luy maistre Jehan de Laage advocat maistre Jehan Chassaing son procureur et ledict
12, (Jun1 10, 1741)
Jehan de la Roche seigneur de Soubran en sa personne et Guy Joubert escuyer seigneur de Montardit tant pour luy que pour Bertran Joubert seigneur Dalemans Ce faict ledict de Laage a narre sa demande Deffences de sa partie et a illec exhibe ses repplicques Aussi a dict avoir faict assigner les aultres conseigneurs suyvant le requisition dudict seigneur de Soubran & a requiz deffault des deffailhans en leur deffault estre contre eulx procede & attestation estre faicte de lheure Et que avoms faict illec par Guilhaulme Laulet et Pierre la Faye & ont dict moyenant serment avoir uny sonnos au reloge sept heures il y a plus de demy heure Ledict de Laage quant ez deffaillans present ledict seigneur de Montardit tant pour luy que pour Bertran Joubert son cousin seigneur Dalemans employe mesmes chose contre les deffaillans et la requests Ledict seigneur de Soubran dict navoir son conseilh requiert ce que aussi requiert ledict seigneur de Montardit ausquels avons donne delay jusques a une heure appres midy pour y dire ce quil apartiendra lesquelles repplicques sont este illec bailhees audict seigneur de Montardit
13, VII (Jun1 10, 1742)
Et ledict seigneur de Soubran a dict quil les verra par ses mains et y dira ce quil Aussi luy sont este bailhees ses deffences bailhees par devers nous Ledict seigneur de Riberac a illec constitue ses procureurs ledict Chassaing maistre Jehan de Monthouzon procureur de Montagrier et ledict Laage jurant et promectant avoir pour agreable a que par eulx sera faict en la present matiere Ledict seigneur de Montardit a aussi constitue ses procureurs lesdicts Monthouzon et Laage et a promis et jure avoir pour agreable ce que par eulx sera faict Ledict seigneur de Soubran a dict que a lheure assigner il constituera procureur & estira domicille Ce que avons ordonne il feroit & donne deffault des deffailans a tel utilite que de raison survyvera jusques a ladicte heure ET ADVENANT lheure de neuf heures ou envyron presens lesdicts de la Roche Laage et Chassaing sont comparuz devant nous Grymon de Montagrier escuyer et Jehan Montardit escuyer et seigneur de Lascoux contre lesquels led Laage a propose mesmes demandes ausquels
14, (Jun1 10, 1743)
avoms donne mesmes delay pour y venir dire a mesme heure ce que de raison Ce faict Jehan Cloignac sans nous approuver en commissaire pour les susd seigneurs de Mourates & Lascoux a requis delay plus ample & aussi a requis veoir la requeste & arrest & actendu quilz sont despourvenz de conseilh requiert delay jusques a lundy a dix heures disent que lors ils constitueront procureur & sans grand cause lesd de Lascoux & Mourates ne demandent le delay car plustost ne scavroient finer de leur conseilh Led de Laage veu leur purgation a consenty aud delay qui leur a este par nous bailhe & ordonne que a mesmes heure ilz estirent domizille & constitueret procureur & sont este communicques lesd arrestz & requeste ez susdictz ET ADVENANT Le seiziesme desdicts moys & an heure de dix heures du matin ou envyron sont comparuz par devant nous lesdicts de Laage et Chassaing pour ledict seigneur de Ribeyrac ledict Guy Joubert escuyer seigneur de Montardit en sa personne Ledict de la Roche seigneur de Soubran aussi en sa personne & ledict seigneur de Lascoux aussi en sa personne. Et illec Guy Gaultier pour lesdicts Jouberts a bailhe ses deffences lesquelles avoms receu & ordonne
15, VIII (Jun1 10, 1744)
seroient communicquees esdicts de Laage & Chassaing Et ce faict ce requerant ledict de Lascoux avoms remiz lassignation a cause de labsence dudict seigneur de Mourates en consentement des aultres procureurs a une heure appres midy a laquelle heure lesdictz de Laage & Chassaing respondront aud dire dudict seigneur de Montardit ET ADVENANT lheure de une heure appres midy envyron sont comparuz par devant nous lesdicts de Laage Chassaing et Monthouzon pour ledict seigneur de Ribeyrac ledict Guy Joubert seigneur de Montardit avec ledict Guy Gaultier tant pour luy que pour ledict Bertran Joubert seigneur Dalemans Ledict seigneur de Mourates & ledict seigneur de Lascoux en personne assistant avec eulx maistre Helyez Andre le jeune leur advocat Et ledict seigneur de Soubran assistant a luy Pierre Roche Ledict Laage a narre le contenu et ses repplicques & requeste et employant sesd repplicques et requeste contre lesdicts de Montardit Lascoux & Mourates Pierre Roche pour led seigneur de Soubran illec present a dict quil bailhera ses dupplicques dans ung quart dheure Ledict Andre pour lesdictz seigneur de Mourates & Lascoux a narre plusieurs droicts a ses
16, (Jun1 10, 1745)
parties apartenantz en la present seigneurie de Montagrier les cothitez a eulx adjugees cy devant par arrest et a dict ne vouloir insister au partaige & aultrement conclud en certainne forme et maniers Ledict de Laage a requiz quil bailhast son dire par escript dans une heure offrant ce faict y deffendre promptement AVOMS ordonne quant audict seigneur de Soubran quil bailhera ses dupplicques dans ung quart dheure et plustost se faire le peult quant ez aultres quilz mectront aussi leur dire & deffences par escript dans une heure pour ce faict y estre procede comme de raison Et faict ce requerant ledict de Laage lesdictz Mourates Lascoux ont constitue leur procureur en la present cause m(e) Jehan Clugnac promiz et jure avoir pour agreable ce par luy sera faict et aussi ont esteu domizille en la maison de feu maistre Guilhaulme Monthouzon au present bourg de Montagrier et ledict seigneur de Soubran a aussi constitue son procureur ledict Pierre Roche en mesme sorte et esteu domizille a sa maison aud chasteau de Montagrier ET ADVENANT lheure de deux heures et demy envyron ledict Clugnac pour lesdicts seigneurs de
17, IX (Jun1 10, 1746)
Mourates et Lascoux a miz son dire vers nous lequel par nostre clerc avoms faict communicques audict de Laage pour y dire au plustost quil pourra ce quil appartiendra ET ADVENANT lheure de trois heure ou envyron sest comparu par devant nous pour ledit seigneur de Soubran ledict Pierre Roche lequel a miz aussi vers nous ses duppliques lesquelles par nostre clerc sont este communicquees lesdicts de Laage Chassaing et Monthouzon pour y dire au plustost quilz pourroient ce quil apartiendra ET ADVENANT lheure de six heures de soir ou envyron sont comparuz par devans nous ledict Monthouzon pour ledict seigneur de Ribeyrac et ledict Pierre Roche pour ledict seigneur de Soubran illec present et ledict Clugnac pour lesd seigneurs de Mourates et de Lascoux et ledict Guy Gaultier pour lesd Jouberts Ce faict led Monthouzon a illec miz vers nous par escript ses repplicques contre lesdicts de Mourates et Lascoux Et contre ledict seigneur de Soubran ses responces ez duppliques dudict Soubran que avons receu & ce requerant lesdicts Clugnac et Roche appres quil ont veu et heu lesd pieces leur avoms donne delay jusques a demain heure de midy pour y dire ce quil appartiendra en plustost
18, (Jun1 10, 1747)
silz en pouvoyent estre prestz Ledict Clugnac dict quil nen scavroit estre prest plustost actendu quil faut quil envoye vers son advocat et ses parties qui se sont retirez en leurs maisons SENSUYT la teneur du mandement ensemble des exploicts faictz en vertu dicelluy pour assigner les aultres conseigneurs Arnauld de Ferron conseilhier du roy en sa court de parlement de Bourdeaulx commissaire et executeur de certein arrest donne par icelle Au premier huyssier de ladicte court ou sergent royal sur ce requiz Salut Comme pour executer ledict arrest donne Entre feue Catherine de stuer damoyselle en son vivant dame de Montagrier au lyeu de laquelle messire Francoys Deydie chevalier seigneur de Ribeyrac a este subroge et reprins le procez Et Jehan de la Roche escuyer seigneur de Soubran nous avons este commiz & deppute et en vertu de nos lectres detaiche faict assigner a comparoir par devant nous a certain jour eschon en la salle du pallayz ledict de la Roche pour veoir proceder a lexecution dudict arrest et nous ayt icelluy Deydie requiz nous vouloir transporter sur les lieulx pour proceder a lexecution dicelluy arrest & introinement de certainne requeste par luy bailhee a ladicte
19, X (Jun1 10, 1748)
court le tout contenant nostre pouvoir pour faire assigner sur les lyeulx ledict de la Roche et tous aultres ayant interestz a ladicte execution ausd fins a tel jour lyeu et heure que verrez estre affaire que luy octroyasmes ou a maistre Jehan Chassaing procureur dudict seigneur de Ribeyrac ce requerant POUR CE est il que nous vous mandoms que a la requeste dudict Deydie seigneur de Ribeyrac vous adjournez a certain compectant jour lyeu et heure ledict de la Roche & tous aultres pretendans interest a ladicte execution et introinement de ladicte requeste pour veoir executer ledict arrest et introiner ladicte requeste et aultrement comme de raison De ce faire et en vertu du pouvoir a nous donne par ladicte court vous donnoms plain pouvoir mandet aucthorite et commission speciale par ces presentes en nous faisant de voz exploictz deue relation Mandoms a tous les justiciers officiers et subiects du roy que a vous en ce faisant soyt obey Donne et faict a Bourdeaulx par nous commissaire susdict soubz nos seing et scel le neufiesme jour du septembre mil cinq cens cinquante cinq (9 septembre 1555) Ainsi signe A de Ferron A vous monsieur maistre Arnauld de Ferron conseilhier du roy en sa court de parlement de Bourdeaulx commissaire
20, (Jun1 10, 1749)
et executeur de certain arrest pour icell’ deppute certiffie Ic’ Estienne Trimolines sergent royal que aujourdhuy douziesme jour du moys de septembre mil cinq cens cinquante cinq (1555) avoir adjournez & bailhe assignation a la requeste de messire Francoys Deydie chevalier seigneur de Ribeyrac a Jehan de la Roche escuyer seigneur de Soubran Bertran Joubert escuyer seigneur Dalemans Guy Joubert escuyer seigneur de Montardit et dudict Alemans et Jehan de Montardit escuyer seigneur de Lascoux et de Montagrier en leurs parties a estre et comparoir par devant vous au quatorziesme jour dudict present moys heure de six heures actendant sept devers le matin au lyeu de Montagrier et au logis de maistre Jehan Molin cure dudict lyeu Et ce pour veoir proceder a lexecution de larrest et introinement de certainne requeste mentionnes par vos lectres datailche en vertu desquelles je bailhe ladicte assignation aultrement comme de raison Et ce ay faict parlant audict de la Roche en son chasteau de Montagrier et luy ay laisse la copie desdictes lectres dataiche et de mon exploict faict en la presence des maistres
21, XI (Jun1 10, 1750)
Guilhem Chaulet p’bte (presbyte) & de Helyez Hugon et audict Guy Joubert seigneur de Montardit parlant a sa personne en son repaire noble de Montardit auquel ay laisse les coppies desdictes lectres dataiche Ensemble de mon present exploict en la presence de Leonard Voudu et de Thony Plantmeau tesmoings et audict Jehan de Montardit seigneur de Lascoux parlant a damoyselle Marguerite de Salagnac sa mere en sa maison noble de Lascoux a laquelle ay laisse lesdicts coppies entre ses mains et luy ay enjoinct de par le roy le faire assavoir audict Jehan de Montardit faict en la personne de maistre Pouret Chanel et de Pierre Pradier tesmoings Et audict Bertran Joubert seigneur Dalemans parlant sa damoyselle Julienne de Brie sa femme en son repaire Dalemans a laquelle de Brie ay laisse lesdictes coppies entre ses mains et luy ay enjoinct de par le roy le luy faire assavoir faict en la presence de Jehan Richard et Helyes Gay tesmoings Ainsi signe E Tremolines sergent royal A vous monsieur maistre Arnauld de Ferron conseilhier du roy en sa court de parlement de Bourdeaulx commissaire et executeur de certain arrest
22, (Jun1 10, 1751)
par icelle deppute certiffie je Helyes Tremolines sergent royal en la seneschaussee de Perigort que aujourdhuy douziesme jour du moys de septembre mil cinq cens cinquante cinq (1555) je ay adjourne et bailhe assignation a la requeste de messire Francoys Deydie chevalier seigneur de Ribeyrac a Grymon de Montagrier escuyer seigner de Mourates et conseigneur de ladicte jurisdiction de Montagrier en partie a estre et comparoir par devant vous au quatorziesme jour dudict present moys a heure de six heures actendant sept devers le matin au lyeu de Montagrier et au logis de maistre Jehan Moulin cure dudict lyeu et ce pour veoir proceder a lexecution de larrest et introinement de certainne requeste mentionnes par vos lectres dataiche en vertu desquelles je ay bailhe ladicte assignation et aultrement proceder comme de raison Et ce ay faict parlant audict Montagrier auquel je ay bailhe la coppie de vosdictes lectres dataiche et present exploict ez presences de Luys du Rieu et Raymond Bouchilhou tesmoings Ainsi signe H Trimolines sergent susdict ET ADVENANT le dixseptiesme desdictz moys et an heure de une heure appres midy ou envyron sont comparuz devant nous
23, XII (Jun1 10, 1752)
pour ledict seigneur de Ribeyrac lesd Chassaing et Monthouzon Ledict seigneur de Soubran assistant a luy ledict Pierre Roche lesdictz de Mourates & Lascoux assitant a eulx ledict Clugnac leur procureur et Andre leur advocat Et illec ledict Roche a miz vers nous ses responces et requiz que sa partie soit admise se purger de ce quil ne scayt les limittes des choses et ainsi la declaire ledict de la Roche et sen est purge pour luy servir ce que de raison Ledict Andre a dict que promptement il mectra ses responces vers nous Et de faict illec les a mizes vers nous peu appres lesquelles sont este bailhees audict Chassaing Lesdicts Chassaing et Monthouzon et ledict Guy Gaultier pour lesdicts Joubertz ont requiz que le contract de transaction dont est faict mention par leurs dires soit vidime parties appellees Ledict Roche aussi pour ledict seigneur de Soubran a requiz mesmes vidimus estre faict Ledict Andre a inciste disant la cognoissance dicelle transaction nestre de nostre commission SURQUOY avons appoincte que vidimus sera faict de ladicte transaction sauf les contredictz des parties et aux fins seulement que de raison Ledict Andre a dict ne consentir faire ledict vidimus
24, (Sept1 10, 1891)
Et incontinent les avoms assignez pardevant nostre clerc promptement pour veoir faire ledict vidimus Ledict Andre a requiz pour lesd seigneurs de Lascoux et Mourates estre incere en nostre procez verbal de ce que ledict Monthouzon procureur de ladicte jurisdicition sollicite et procure le present affaire pour le seigneur de Riberac contre lesdictz de Lascoux et Mourates conseigneurs Ledict Monthouzon dict que incidentement estant venu ledict differend il a este contrainct de ce faire Aussi illec avoms assigne ledict Clugnac pour proceder audict vidimus qui a dict ny consentir Ledict Chassaing a requiz delay de une heure pour respondre au dire dudict Andre que luy a este par nous bailhe ET ADVENANT lheure de troys heures ou environ sont comparuz par devant nous lesdictz Chassaing et Monthouzon pour ledict seigneur de Riberac et lesdictz seigneurs de Mourates et Lascoux assistant a eulx lesdictz Clugnac et Andre leurs conseilh Et ledict Guy Gaultier pour lesdictz Joubertz Et ledict Pierre Roche pour ledict seigneur de Soubran Ledict Guy Gaultier pour lesdictz Joubertz a dict que les dires
25, XIII (Sept1 10, 1892)
desdictz seigneurs de Lascoux et Mourates luy sont estoz communiquez ausquelz il ne scavroyt respondre sans les communicquer a sa partie qui est au lyeu de Montardit requerant delay jusques a demain heure de midy pour y dire ce quil apartiendra Ledict Chassaing dict aussi ny scavoir respondre car cest du faict desdictz Joubertz que il ne respondent avant Ledict Roche pour ledict seigneur de Soubran proteste contre les delayans de tous despens dommaiges y interestz de lexecution Ledictz Andre pour ses parties a dict ne delayer en aulcune chose offrant en lesdictz seigneurs de Ribeyrac et Soubran vouldront rien desduire y respondre promptement SURQUOY avoms appoincte que lesdictz Joubertz viendront respondre esdictz dires a demain matin heure de sept heures Ledict Chassaing a illec bailhe sa responce au dire audict seigneur de Soubran lequel a este illec bailhe audict Roche Ledict Roche a requiz delay par tout demain pour y respondre Car dict que ledict seigneur de Soubran est desprennen de conseilh Et jusques icy a heu esperance que ledict Monhouzon luy bailhast instructions pour le partaige a present est mestier communicquer tant les arrestz procez verbal que aultres procedures a son conseilh quest necessaire faire par tout demain Ledict Chassaing a
26, (Sept1 10, 1893)
proteste de tout despens dommaiges et interestz et retardement de ladicte execution Et ledict Roche contre luy actendu la multiplication de ses dires responces escriptures SURQUOY avoms appoincte que ledict Roche pour ledict seigneur de Soubran en viendroyt a demain heure de une heure appres midy Aussi illec ledict Andre a requiz estre incere en nostre procez verbal aulx fins de privation en aultre moyen et advantaige quil vouldra prendre de ce que ledict Guy Gaultier greffier de la pnt’ jurisdiction contre ses parties qui sont conseigneurs pour lesd Joubertz procure le present affaire Et ledict Gaultier dict que pour raison de ce que il ne voudroyt diminuer aulcune chose desdictz conseigneurs de leurs preminanses et que en ce quant a lestat de greffier il ne offense en rien ou ne cuyde offenser et seront desplaisant faire chose dont a raison ilz sen puissent plaindre ET ADVENANT le dixhuictiesme desdictz moys et an heure de sept heures du matin ou environ sont comparuz par devant nous ledict seigneur de Montardit assistant a luy ledict Guy Gaultier et lesdictz Chassaing et Monthouzon Et illec ledict Gaultier pour lesdictz Joubertz a miz vers nous son dire en deffault dudict Clugnac procureur desdictz seigneurs de
27, XIIII (Sept1 10, 1894)
Lascoux et Mourates SURQUOY avoms donne deffault dudict Clugnac et receu ledict dire ordonne quil viendroyt deliberer a une heure appres midy ou plustost et sera signiffie au domicille esteu par les susdictz de Lascoux et Mourates ET ADVENANT lheure de une heure appres midy ou environ sont este par nous bailhees lesd deffenses dudict de Montardit au seigneur de Lascoux pour y dire ce quil apartiendra Et demy heure appres ou environ sont comparuz par devant nous ledict seigneur de Soubran assitant a luy ledict Pierre Roche lesdictz Chassaing et Monthouzon pour ledict seigneur de Ribeyrac et illec estant led Chassaing a miz vers nous son dire contre les seigneurs de Lascoux et Mourates dont ung double a este bailhe audict de Lascoux comme nous a dict led Monthouzon Aussi illec en nostre presence en a este bailhe ung aultre double audict seigneur de Soubran pour veoir et deliberer sil y avoyt interestz dans une heur ou plustost que faire se pourra ET ADVENANT lheure de troys heures ou environ sont comparuz par devant nous lesdictz Chassaing et Monthouzon pour ledict seigneur de Ribeyrac ledict Clugnac pour lesdictz de Mourates et Lascoux illec presens assistant a eulx ledict Andre leur advocat lesdictz Joubertz en leur personne Et Ledict
28, (Sept1 10, 1895)
Pierre Roche pour ledict seigneur de Soubran Ledict Andre /o/ protestations cy devant desduictes a miz vers nous ses responces lesquelles sont este illec communicquees ausdictz Chassaing et Monthouzon Ledict Roche pour ledict seigneur de Soubran a illec requiz que ledict seigneur de Riberac luy communicquast le double des deffences que sont este bailhees par devant nous en la salle du pallays par ledict seigneur de Soubran dont nest informe et ce faict a requiz delay de huictainne Ledict Chassaing a dict combien que il ne soyt tenu fournir des pieces mesmes de ses parties toutesfoys offre luy en bailher ung double Et de faict luy a este bailhe illec pour Ledict Monthouzon Ledict Chassaing appres avoir veu ledict dire desdictz de Lascoux z Mourates a employe ce quil a desduict cy devant Et avoms appoincte le procez en droict pour le regard desdictz seigneurs de Riberac Las Couz et Mourates et assignation bailhee a tous les susdictz pour unyr droict Ledict Andre a requiz aussi son dire estre communicque esdictz Joubertz illec presens Et illec appres avoir este veu ledict dire par ledict Guy Joubert AVOMS appoincte pour le regard
29, XV (Sept1 10, 1896)
aussi desdictz Joubertz le procez en droict & sera juge par ce que se trouvera par devers nous par tout le jour et quand audict seigneur de Soubran respondra ce que bon luy semblera demain heure de sept heures du matin aultrement forcloz et en droict Ledict Andre a proteste de tous despens dommaiges et interestz Et retardement de ladicte execution Semblable protestation a faict ledict Chassaing Et ce requerant ledict Andre avoms sans preiudice du droict des parties octroye acte ausd de Mourates et Lascoux et ausdictz Joubertz de ce que lesdictz Joubertz ont accorde larrest donne a Bourdeaulx le septiesme de septembre mil quatre centz nonante deulx (1492) et execution dicelluy par lequel ont este & adiugez a ses parties a chascun deulx de vingt deux parties faisant le tout deux vingtdeuxiesme parties a ung chascun deulx et ausd Joubertz une vingt deuxiesme partie sans preiudice de la transaction faicte entre lesdictes parties et ses possessions alleguees & sans preiudice icelle approuver pour le regard des aultres parties Et ont dict lesdictz Joubertz ladicte transaction estre dactee du vingt septiesme de ianvier mil
30, (Sept1 10, 1897)
quatre cens nonante deulx (1492) ET ADVENANT le dixneufiesme desdictz moys et an heure de sept heures du matin ou envyron ledict Roche a miz vers nous son dire et responces lesquelles ledict Monthouzon a requiz veoir que luy ont este bailhees pour y dire ce quil apartiendra au plustost quil pourra ET ADVENANT lheure de huict heures ou envyron sont comparuz par devant nous lesdictz seigneurs de Riberac Laage et Monthouzon Et illec ledict de Laage pour ledict Deydie en faisant responce au dire dud de la Roche percista et accepta icelluy dire en ce que faict a son advantaige nempeschant que les mestayres Et tenanciers des mestayeries dommaines et aultres biens se purgent par serment des biens & tenemens quilz tiennent desdictz parties concluant comme aultrefoys et a despens dommaiges et interestz Et a dict ne vouloir produire aultre chose que ce quest vers nous miz scavoir est les arrestz et proces verbals AVOMS appoincte le procez en droict viendra ledict de la Roche produyre Et contredire ce que bon luy semblera dans deulx heures appres midy aultrement forcloz et en droict sans plus appeller et luy sera signiffie Ce que a este faict par notre clerc parlant audict seigneur de Soubran comme il vous a relate qui auroit dict
31, XVI (Sept1 10, 1898)
ne vouloir produyre aultre chose mais quil employe ses dires cy devant bailhez aussi ne entend aultre chose desduyrs ET ADVENANT lheure de douze heures ou envyron avoms aussi signiffie nostre dict appoinctement audict Clugnac procureur des susd seigneurs de Mourates et Lascoux qui a dict veu que les parties nont faict aultre production employer aussi ce que a este desduict PARQUOY avoms le tout appoincte en droict SENSUYT la teneur des dires des parties DE LAAGE pour messire Francoys Deydie chevalier seigneur de Ribeyrac & de Montagrier pour la plus grand partie Pour repplicques aux deffences de Jehan de la Roche escuyer seigneur de Soubran dict ce que Sensuyt Premierement a ce que icelluy de la Roche requiert que ledict seigneur Deydie declaire les cothitez quil pretend en la jurisdiction de Montagrier dict que ledict de la Roche en est pieca certiere et ne le poult ignorer toutesfoys dabundant ledict Deydie luy declaire que de toute la jurisdiction de Montagrier mize en vingt deux parties en apartient a icelluy Deydie de huict partis mizes en six sixiesmes de deux sixiesmes troys parties quatre le tout faisant et audict de la Roche
32, (Sept1 10, 1899)
laultre quarte partie comme ayant le droict de Pierre de Feydic & Raymond de Mourot et quand aulx quatre sixiesmes desd huict parties consent que soient distraictes en faveur dudict de la Roche comme ayant le droict de Guillaume Roches A Jehan de Montardit et aux hoirs de Rolland de Montagrier et aux hoirs de Rougier Jaubert lesquelz il a faict appeller pour prendre leurs cothitez et soy accorder dexpertz sans preiudice de lhomaige et aultre droictz que ledict Deydie pretend sur huict parties de vingt deux estans danciennete de messire Archambaud de Bourdeilhe en son vivant seigneur de Montagrier que ledict de la Roche en aye pour la legitime a luy adiugee sur lesd huict parties une quatorziesme partie Et du surplus desd huict de quatorze vingtz une Et de ce que reste desdictes huict parties de vingt deux Ensemble des aultres six restans desd vingt deux icelluy Deydie dict luy en apartenir de quatre parties les troys Et pour distraire lesd cothitez ledict Deydie nomme pour ses expertz les seigneurs de Soufferte et de Montardit Dagonat et somme icelluy de la Roche sen accourder dhung aultre et pour saccourdrer aussi dexpertz ledict Deydie
33, XVII (Sept1 10, 1900)
a faict appeller les susdictz heritiers Et pour le regard des rentes et dommaine comme cy devant ledict Deydie a requiz icelluy de la Roche doibt faire tant des cothitez de ladicte jurisdiction que restent ausdictz Deydie & de la Roche deux loctz Dont ledict Deydie en peult obter lhung pour luy Et de laultre icelluy Deydie offre luy en faire deulx lhung desquels ledict de la Roche en pourra choisir Et par ce moyen en apartient audict Deydie de quatre partie les troys pour le regard desdictes cothitez de ladicte jurisdiction que restent ausd Deydie & de la Roche et de toutes les rentes mestayeries et moulins cy devant declairees par devant feu monsieur de Caldanet conseilhier du roy en la court Et pour faire respondre a ce que ledict de la Roche dict quil nestoit en demeure de faire ledict partaige pour ce questoit prisonnier des ennemys et a la guerre respond que des le vingtcinquiesme de jung mil cinq cens quarante quatre duquel jour onze ans passez auroyt este ordonne par sentence dudict seigneur de Caldanet donne du consentement desd parties que ledict de la Roche feroit ledict partaige dans six sepmainnes lors prochainement venant Et despuys icelluy de la Roche a demeure long
34, (Sept1 10, 1901)
temps en la present seneschaucee de Perigort & audict lyeu de Montagrier ne tenant conte de faire ledict partaige combienque icelluy Deydie len aye par plusieurs foys somme en feue Catherine de Stuer damoyselle en son vivant dame dudict Montagrier Et a ce faire encores este condempne par divers arrestz approbatifz de ladicte sentence Si conclud comme aultresfoys Et a despens dommaiges et interestz Ainsi signe J de Laage LEDICT de la Roche dict comme cy devant quil na empesche et nempesche faire le partaige des dommaynes et biens estant liquides pour partaiger entre ledict de la Roche et ledict Deydie en monstrant les limittes diceulx biens et dommaynes dont ledict Deydie demande partaige Car ledict de la Roche ignore les limittes diceulx comme il offre se purger par serment certainnement ne scavoir lesd limittes et de le faire scelon quil a este commance cy devant faire la partie desd dommaynes et biens Et quant aux rentes dict ledict de la Roche que bonnement ledict partaige ne se peult et ne se doibt faire que au preallable ladicte jurisdiction ne soit partaige Entre lesdictz Deydie La Roche et Aultres Conseigneurs de ladicte jurisdiction Et ce faict ledict La Roche offre comme tousiours a
35, XVIII (Sept1 10, 1902)
offert faire le partaige suivant les arrestz Et de ce jamays na este reffuzant sans preiudice de plus ample droict dudict de la Roche requerant que ledict Deydie obeysse ausdictz arrestz protestant de tous despens dommaiges & interestz Ainsi signe Roche DE LAAGE pour ledict Deydie deman’ pour responces aux dupplicques dicelluy de la Roche dict que nonobstant le contenu dicelles dupplicques Ledict de la Roche est tenu promptement faire le partaige et mesmes des rentes et dommaines estans commungs entre lesd parties car ne se peult excuser de dire comme cy devant a dict et mesmes par ses deffenses au paravant les arrestz donnez entre lesd parties quil ignore les limittes des dommaines parce quil en a jouy sont dix ans passez comme faict de pnt’ par indivis avecques ledict Deydie Et iceluy Deydie nen a que jouy que puys troys ans en ca et est nouveau successeur Et ne peult estre si bien certiffie que ledict de la Roche Et quant ledict Deydie les vauldroyt scavoir fauldroyt quil sadoyssast aulx metayers qui font valoir des heritaiges et dommaines estant commungs Entre lesdictz Deydie et de la Roche Ausquell’ icell’ de la Roche se peult dresser pour les scavoir sil ne les scavoyt pour le regard des rentes
36, (Sept1 10, 1903)
et moulin ledict de la Roche ne sen peult excuser en ce quil dict ne pouvoir faire le partaige desd rentes que la jurisdiction ne soit partaige car la jurisdicition et les rentes nempeschent le partaige desd rentes dommaines et moulin parce que sont choses separees lhune de laultre Et pour respondre a ce que ledict de la Roche dict et requiert que icelluy Deydie obeysse aulx arrestz de la court dict que ledict Deydie ne requiert aultre chose que lexecution des arrestz de la court confirmatifz de la sentence par luy allegues par ses repplicques Et que suyvant iceulx ledict de la Roche fasse le partaige Et en ledict de la Roche declairera enquoy ledict Deydie ne obey ausdictz arrestz en le declairant luy ferra responce Et pour respondre au dire de Grymon de Montagrier escuyer seigneur de Mourates et Jehan de Montardit escuyer seigneur de Lascoux lesquels requierent et disent leur apartenir et estre distraict en leur faveur a chascun un unziesme partie de la jurisdiction de Montagrier comme leur ayant este adjuges par arrest Ledict Deydie dict que des le vingtseptiesme ianvier mil quatre cens nonante neuf (1492) par transaction faicte entre les predecesseurs desd de Montagrier et de Montardit les predecesseurs de Guy et Bertran Joubertz Et Pierre de Feydit Raymond
37, XIX (Sept1 10, 1904)
de Mourol Desquels Feydit et Mourol ledict Deydie avecques ledict de la Roche a le droict feust dict et accorde que nonobstant larrest allegue par lesdictz de Montagrier et Monardit que lesdictz de Feydit et Mourol et chascun deulx auroient telle cothite que lhung desdictz de Montagrier et Montardit quoy veu nonobstant le dire et arrest allegue par lesd de Montagrier et de Montardit execution dicelluy arrest ledict Deydie avecques ledict de la Roche doibt avoir telle cothite de ladicte jurisdiction pour le droict par luy acquiz desdictz Pierre de Feydit & Mourol et aultre droict comme il a desduict par ses repplicques Et ausd fins conclud pertinement et aulx despens dommaiges et interestz ainsi signe J de Laage POUR respondre au dire dudict Deydie faicte aulx dupplicques dicelluy de la Roche Dict icelluy de la Roche quil perciste en ce que cy devant il a desduict Disant ne pouvoir faire Ledict partaige des rentes et dommaynes que au prealable et avanttiere oultre ledict Deydie les declaire et expeciffie et mesmes lesdictz dommaines dont icelluy Deydie demande faire ledict partaige et quelle feudalite censine et charge ilz sont tenuz et de en faire monstree et que cest audict Deydie de se informer et scavoir les dommaines
38, (Sept1 10, 1905)
et limittes dont il pretend demander ledict partaige veu que ledict de la Roche certainnement ne les scayt ne limittes diceulx comme de ce soffre purger comme tousiours a offert Et que calomniensement il ne allegue ledict faict Et si ledict de la Roche en a jouy scovyt des effruictz et aultres quen luy donnoyt mais ne scayt les limittes Et ne scavroyt faire quant a ce ledict partaige Et aussi quant aux rentes dict aussi le partaige bonement ne se pouvoir faire que les cothitez des aultres conseigneurs ne soient distraictes car se ledict partaige des rentes se faisoit avant distraire les cothisez des conseigneurs de ladicte jurisdiction pourroit estre a ladvenir que les tenanciers des fief et tenanciers qui doibuent lesdictes rentes ceulx qui les deburoient audict Deydie seroient et pourroyent estre en la jurisdon’ dudict de la Roche Et pareillement ceulx qui les deburoient audict de la Roche seroyent et pourroient estre en la jurisdiction dudict Deydie que ne seroit requiz et seroit audict cas chose confuze Et quequessoit inutille et incommode et ladicte distraction desdictes cothitez desd conseigneurs de ladicte jurisdiction Et la liquidation et la monstree desdictz dommaynes et mestayeries preallablement faicte offre faire led partaige
39, XX (Sept1 10, 1906)
Suyvant la forme quil a este commance faire et partie des aultres dommaynes et biens estant commungs entre lesdictz Deydie et de la Roche et quand audict moulin offre faire Ledict partaige et nomme icelluy de la Roche pour son expert Jehan Grymonard escuyer seigneur de Frateaulx Ainsi signe Roche LEDICT Deydie en faisant responce au dire dudict de la Roche dict quil perciste en ce quil a desduict cy devant tant auparavant les sentence que arrestz et que nonobstant le dire dicelluy de la Roche il doibt obeyr a iceulx et en ce faisant faire le partaige suyvant les sentence et arrestz desquels est requiz lexecution et ne peult excuser ledict de la Roche de dire et allegue quil ne scayt les limittes des dommaynes et aultres biens que restent a partir sans luy en faire monstree au preallable par ledict Deydie car cy devant et des le dixseptiesme de jung mil cinq cens cinquante (1550) ledict de la Roche par ses deffences auroyt allegues mesmes faictz et excuses depuys lequel sen sont ensuyvis deulx arrestz Et des le vingttroyziesme feburier mil cinq cens cinquante troys (1553) ledict Deydie luy auroyt declaire les biens qui restent a partir Et dont il doibt
40, (Sept1 10, 1907)
faire partaige Ensemble par ses repplicques et dire des bier bailhe devers nous et de luy en faire la monstree requize dict non estre tenu veu que ledict de la Roche a jouy cy devant dix ans sont passez et sen seroyt faict mectre en possession par feu monsieur de Caldanet executeur de larrest en vertu duquel il tient ladicte quarte partie des biens dont ledict Deydie a aultres biens non partaigez Requiert ledict partaige suyvant les senten’ et arrestz Et se consent ledict Deydie que ledict de la Roche ne fasse ledict partaige si non que des biens quilz juoyssent par commung Et dont icelluy de la Roche sest faict mectre en possession Et quant ledict de la Roche vouldroyt que ledict Deydie luy fist monstree desdictz biens combien quil ne soit tenu offre la luy faire aulx despens dudict de la Roche et mener vous monsieur Le Commissaire sur les lieulx pource faire scavoir lesd limittes avecques les mestayers car luy il ne les scayt ny ne le sceust jamays comme il offre sen purger par serment Et pour le regard des rentes dict quil perciste en ce quil a par cy devant desduict Et le partaige de la justice ne peult empescher le partaige des rentes comme nayant rien commung lhung avecques laultre Et
41, XXI (Sept1 10, 1908)
que encores que lhune des parties ayt de la rente dans la justice de laultre ne pourteroyt dommaige a lhune ne a laultre Et ne y a inconvenient que ung seigneur ayt des rentes dans la justice dhung aultre comme ont plusieurs aultres seigneurs en ladicte justice de Montagrier Parquoy le dire dudict de la Roche nonobstant il doibt faire ledict partaige suyvant lesd sentence et arrestz a quoy conclud et aultrement pertinement Et a despens dommaiges et interestz Ainsi signe Chassaing GUY et Bertran Joubertz escuyers seigneurs de Montagrier pour une partie condeffendeurs contre messire Francoys Deydie chevalier pareilhement conseigneur dudict Montagrier demandeur lintroinement de certainns requeste Pour deffences disont quilz consentont a lintroinement de ladicte requeste Et a ce que la chastellanye terre et jurisdiction de Montagrier soit divisee entre les conseigneurs dicelle disant en oultre que procedant a ladicte division il doibt estre laisse apart et adivis a iceulx Joubertz de vingt deux parties le tout faisant une et demye Car par arrest de la cour du septiesme septembre mil quatre cens nonante deux (1492) desd vingt deux parties en auroit este adjuge ausdictz Joubertz ou a leurs anthenos une partie Et a Raymond Morot une aultre partie
42, (Sept1 10, 1909)
Et a Guilhaulme Roches une aultre partie Et a Pierre Feydic une aultre partie Et a Jehan de Montardit seigneur de Lascoux deulx parties Et a Rolland de Montagrier seigneur de Mourates deux que sont en somme huict parties Et parce que lesdictz Joubertz et Feydic auryent faict grandz fraiz audict procez Et pour aultre consideration certain temps appres Et le vingtseptiesme janvier mil quatre cens nonante neuf (1499) iceulx Joubertz Feydic de Montardit et Montagrier auroient convenu et transige du tout par lequel accord auroit este arreste que autant et si bonne part apartiendroyt ausd cothitez par ledict arrest adjugees et liquidees ausd Joubertz et Feydic que a iceulx de Montardit et Montagrier quest pour chascun diceulx quatre une partie et demye desd huict parties Et revenant pareilhement a une partie et demye dicelles vingt deux parties faisant le toutal de ladicte jurisdiction Et pour proceder a telle division iceulx Joubertz offrent eulx accorder dexpertz Et mesmes saccorder les expertz nommez par ledict messire Francoys Deydie qui sont les seigneurs de Montardit Dagonnac et de Soufferte Et par tant que besoing seroyt les nomment A quoy conclud et tout aultrement pertinement Ainsi signe G Gaultier ANDRE pour Grymon de Montagrier escuyer seigneur de Mourates conseigneur de la
43, XXII (Sept1 10, 1910)
seigneurie et chastellanye de Montagrier Et pour Jehan de Montardit escuyer seigneur de Lascoux Et aussi conseigneur desd seigneurie et chastellanye de Montagrier Dict et presuppose que a ung chascun deulx quoy que soyt a leurs anthenos et predecesseurs dont ilz ont droictz et tiltre par arrest de la souverainne court de parlement de Bourdeaulx leur seroit este adjuge a ung chascun deulx de vingt deux parties de lad seigneurie et chastellanye de Montagrier vingt deulx parties le tout faisant deux vingtdeuxiesmes parties revenant a ung chascun deulx a une unziesme partie que sont par consequent Deulx unziesmes parties Et ce des les septiesme septembre mil quatre cens nonante deulx (1492) que seroit este deuement execute Et desd cothitez respectivement tant par eulx que aultres en leur nom leurs anthenos et predecesseurs auroyent jouy par commung et par indivis avec les aultres conseigneurs Et dans les fins et limittes de lad chastellanye lesd de Montagrier et Montardit ont plusieurs cens rentes dommaynes et maisons tenuz noblement et plusieurs maynemens tenuz de leurs directitez et feudalitez droictz prerogatives
44, (Sept1 10, 1911)
et preminences comme conseigneurs en lesglise du present lyeu et aultres Endroictz De Ladicte chastellanye Et aux rivieres et rivaiges estans ou joignantz de ladicte chastellanye ensemble ledict de Montagrier a droict de vigierie au present lyeu et chastellanye de Montagrier hormis dans les bourg & croix de Sainct Victour Et par tant que messire Francoys Deydie chevalier seigneur de Riberac et dudict Montagrier en partie auroyt faict appeller et assigner en execution darrest lesdictz de Montagrier et de Montardit Et en partaige Et par consequent desd seigneurie chastellanye et justice de Montagrier Et /o/ protestation expresse de ne renuncer & desroger respectivement a leurs droictz preminances auctes’ et prerogatives Et leur laissant apart et adivis leurz cothitez ilz nauroyent empesche comme nempeschent ledict partaige offrant a ses fins saccorder dexpertz et arbitres et nomment de leur part les seigneur de Chermes de Chanteyrac Et de Meymin Ainsi signe H Andre GUY et Bertran Joubertz escuyers conseigneurs de Montagrier Disent pour Dupplicques avoir veu les dires de messire Francoys Deydie chevalier Et de Jehan de la Roche escuyer et de Grymon de Montagrier et Jehan de Montardit Aussi escuyers Et pour responce employent leurs
45, XXIII (Sept1 10, 1912)
Deffences Et affin que lesdictes parties ne puyssoit pretendre cause dignorance iceulx Joubertz les informent promptement du contract de transaction par eulx allegue Et parce quil est en ung livre et terrier lequel iceulx Joubertz ont journellement affaire requierent que ledict contract soyt par vostre clerc vidime parties presentes en deuement appellees Et ne contient verite /o/ correction ce que lesdictz de Montagrier et Montardit dient quilz ont tousiours jouy chascun dhune unziesme partie Car le faict diceulx Joubertz est au contraire et que eulx deulx ont tousiours jouy de pareille cothitez que lhung diceulx de Montagrier et Montardit Et que quant il estoit question de faire les fraiz de justice Et en prendre le proffict lesdictz Joubertz frayoient et prevoyent tel proffict que lhung diceulx De Montagrier et Montardit offrant ainsi le veriffier en cas insistance A quoy concluent et protestent de tous despens dommaiges et interestz Ainsi signe G Gaultier pour les seigneurs de Montardit et Dalemans ANDRE pour lesdictz de Montagrier et de Montardit /o/ protestation cy devant dictes de ne desroger et renuncer a leursdictz droictz & que lesd protestations soient repetees et reiterees a ung chascun et ce que cy appres sera faict Dict quil preciste en ce que lesdictz de Montagrier et Montardit ont desduict cy devant Et que
46, (Sept1 10, 1913)
actendue que ledict seigneur de Ribeyrac auroyt obtenu arrest contre le seigneur de Soubran en absence Et a desceu desdictz de Montagrier et de Montardit Et en ilz ne sont aulcunement nommez ne aultre ayant charge deulx dont ledict seigneur de Ribeyrac se offroyt demander lexecution contre ledict seigneur de Soubran par devant vous monsieur de Ferron conseilhier du roy en sa court souverainne de parlement de Bourdeaulx commissaire en ceste partie deppute Dient lesdictz Montagrier et Montardit que vous mondict seigneur de Ferron ne pouvez et ne debuez prendre cognoissance de leffaict de certainne pretendue transaction du vingtseptiesme de janvier mil quatre cens nonante neuf (1499) que lesdictz seigneur de Ribeyrac Guy et Bertran Joubertz escuyers et conseigneurs de Montagrier sefforcent alleguer et obicer Et /o/ protestations expresse de ne vous approuver en commissaire pour ledict respect Dient ladicte pretendue transaction ne pouvoyr ny ne devoir venir en consideration Car la pretendue transaction ne seroyt este oucques alleguee en procez et procedure dont les arrestz desquels et demandes lexecution seroyent prononnz Aussi la pretendue transaction nauroyt oucques sorty effaict et non auroyent oucques ouy parler lesdictz de Montagrier et de Montardit ne les aultres conseigneurs de ladicte
47, XXIIII (Sept1 10, 1914)
presente jurisdiction de Montagrier & ne sen seroyent oucques aydez Et le procureur de lad jurisdiction de Montagrier mesmes auroyt dict et declaire quil navoyt oucques plus ouy parler de ledict pretendue transaction si nest puys peu de temps en ca Et ledict Guy Joubert voyant et cognoissant bien que ladicte pretendue transaction nauroyt oucques sourty effaict pour cuyder surprendre lesdictz de Montagrier et de Montardit se seroyt efforce leur en bailher puys peu de jours en ca deulx ou troys coppies appres toutes diverses et contraires lhune a laultre que argue et demonstre bien lad pretendue transaction navoir oucques sorty effaict Et de laquelle les aultres conseigneurs de la pnt’ jurisdiction ne leurs pretenduz anthenos Et predecesseurs ne se seroyent oucques aydez Comme dict est contre lesdictz de Montagrier et de Montardit ne contre leurs anctenos et pdecesseurs’ Et les officiers de la present jurisdiction ne aultres leurs predecesseurs nen ouyrent jamays plus parler ne lesdictz de Montagrier Et de Montardit Et contre lesquels lesdictz Deydie et Joubert ne leur predecesseurs ne sen seroyent aulcunement aydez comme ne pouvoyent veu ce que dict est Et que ledict de Montardit estoit
48, (Sept1 10, 1915)
myneur de vingt cinq ans Et ledict Guy Joubert son tuteur et seroyt aultrement par trop les surprendre Parquoy dyent comme par cy devant Ainsi signe H Andre LEDICT Deydie en faisant responce au dire desdictz de Montagrier et de Montardit Dict quil perciste en ce quil a par cy devant desduict et allegue Et que nonobstant le dire et arrest alleguez par ledict de Montagrier et de Montardit ledict Deydie avecques ledict de la Roche chascun pour ses cothitez comme ayant le droict de Pierre de Feydit Et de Raymond de Morel doibuent avoir semblables cothitez de la jurisdiction de Montagrier des cothitez adjugez aulx pdecesseurs’ desdictz de Montagrier et de Montardit lesd Feydit Joubert et Mourel par larrest allegue par lesdictz de Montagrier et de Montardit veue la transaction par ledict Deydie alleguee lequel ses predecesseur et ancteurs dont il a droict et cause et en vertu de ladicte transaction comme ayant le droict desdictz de Feydit et Morel ont jouy tenue et possede de semblables cothitez de ladicte jurisdiction que lesdictz de Montagrier et de Montardit Et dicelle transaction sestre aydez comme faict de present lacquelle veue nonobstant le dire desdictz de Montagrier et de Montardit Ledict Deydie doibt obtenir ses fins et conclusions pour ce regard
49, XXV (Sept1 10, 1916)
prinses sans preiudice de ses aultres droictz et cothitez et ne faict en rien ce que lesdictz de Montagrier et de Montardit dient navoir oucques ouy parler de ladicte transaction Car silz nen ont ouy parler seroit pour raison quil nestoyt question de partaige ladicte jurisdiction Et lon ne parle poinct dhung affaire jusques a ce quon en aye besoing Et affin que les sentence et arrestz dont est requiz lexecution soient executees ledict Deydie sans preiudice de sesdictz droictz quil a comme ayant le droict desdictz Feydit et Morel sur les cothitez par lesdictz de Montagrier et de Montardit demandees Et /o/ la protestation de la poursuyure et demander tant par devant vous monsieur le commissaire que en la court ou pardevant audes’ dont sera requiz ce pendent et jusques a ce que aultrement en soit ordonne mempeschant que pour le present lesdictz cothitez demandees par lesdictz de Montagrier et de Montardit Et que leur auroyent este adjugees par larrest par eulx allegue Ensemble ledict de la Roche comme ayant le droict de Guilhaulme Roches Et ausdictz Joubertz a chascun leur cothite contenue par ledict arrest sans preiudice du droitct que les parties respectivement pourroient pretendre par vertue de ladicte transaction
50, (Sept1 10, 1917)
ou aultrement leur soient bailhees apart et a divis sauf de pouvoir repecter lesdictz droictz Et /o/ lesd protestations Concluant Comme aultresfoys Et a despens dommaiges et interestz Ainsi signe Chassaing ANDRE pour lesdictz de Montagrier et de Montardit /o/ protestations expresse cy devant faicte de ne vous approuver en Commissaire pour le regard de la pretendue transaction que lesdictz Deydie et Joubertz de nouveau sefforcent alleguer par devant vous en faisant responce au dire desdictz Deydie et Joubertz Dient que lesdictz Deydie et Joubertz ne leur ancteurs et predecesseurs nauroyent oucques allegue la pretendue transaction ne monstree Et moings sen seroient aydez A ce moyen leur obsteroit quant daulcune en feroient apparoir la prescription et laps de temps de plus de cinquante cinq ans que lesdictz de Montagrier et de Montardit leur auroient obice et obicent Aussi quant aulcune sen trouveroit est grandement suspectionnee et faicte en lyeu champaistre comme pretendt sans cause raison ne apparence toutesfoys veu larrest par eulx desdict et execution dicelluy Et nest vray ne vraysemblable que les ancteurs
voir ici le mss. (2ème partie)
51, XXVI (Sept1 10, 1918)
Et predecesseurs desdictz de Montagrier Et de Montardit eussont vouleu desroger a leur arrest et execution dicel’ droictz et aultres quilz auroient en la seigneurie et chastellanye de Montagrier Parquoy dient que vous mondict seigneur Commissaire a lexecution des arrestz intronennz Entre lesdictz seigneurs de Ribeyrac et de Soubran de la pretendue transaction nen pouvez et nen devez prendre cognoissance si nest en adjugeant en laissant Esdictz de Montagrier et de Montardit et a ung chascun deulx une unziesme partie unze parties faisant le tout /o/ protestation toutesfoys quilz ont desduict par leurs premieres deffences joinct que la pretendue transaction ne seroit este oucques omologue par la souveraine court de parlement de Bourdeaulx ne par aultre Parquoy Dient et requierent comme cy devant Et demandent despens dommaiges et interestz Ainsi signe H Andre LEDICT de la Roche perciste Et dict quil na empesche & nempesche faire le partaige suyvant lesd sentence et arrestz des lieulx contentieulx et liquides commungs Entre lesdictes parties de ce que
52, (Sept1 10, 1919)
ledict de la Roche sera certiffie estre commung Entre iceulx Deydie et de la Roche combien quil ne feust tenu faire ledict partaige que au preallable ledict Deydie luy est faict monstree desdictz dommaynes et biens quil demande partaige toutesfoys icelluy de la Roche offre faire partaige desdictz dommaynes et mestayeries commungs entre lesdictz parties en pourtant chascun sa cothite des charges desdictz biens pourveu que ledict Deydie se consente que les mestayers et tenanciers declairent et monstrent les tenances heritaiges et dommaynes quilz tiennent a mestayrie ou aultrement desdictes parties Et que de ce lesdictz mestayers Et tenanciers fassent et prestent serment De monstrer et declairer lesdictz lieulx heritaiges dommaynes et tenances Et /o/ protestation que si pour ladvenir il y a et se trouve aulcuns biens plusque lesdictz mestayers et tenanciers nauront monstre que tout le droict que lesd mestayers et tenanciers pourroyent avoir au lyeu et biens quilz nauront monstre et declaire soient adjugez ausdictz Deydie et de la Roche chascun pour leurs cothithez Et que diceulx en soit faict partaige Entre lesdictz Deydie
53, XXVII (Sept1 10, 1920)
Et de la Roche Et quant au partaige desd rentes perciste Disant que la masse hereditaire liquidee il mempesche faire ledict partaige suyvant lesdictz sentence et arrestz tant de la justice liquidee que rentes Et laisser les rentes chascun a sa cothite de la justice et chascun en sa part ou se trouveront Disant que ainsi faire se doibt protestant de tous despens dommaiges et interestz de la demeure Et contre ceulx qui sont cause que ledict de la Roche naye peu et ne puisse faire ledict partaige Et quant au requiz et dire dudict Deydie contre les aultres Conseigneurs icelluy de la Roche employe en ce faict et pourroit faire pour luy se remectant du tout a la discretion de justice Et sans preiudice de plus ample droict que ledict de la Roche a et pretend avoir ausd seigneuries succession et biens contencieulx Ainsi signe Roche ET ADVENANT lheure de troys heures appres midy ou envyron presentz lesdictz seigneur de Ribeyrac assistant a luy lesdictz Laage Monthouzon et Chassaing Lesdictz de Lascoux de Mourates et ledict Clugnac ledict Bertran Joubert tant pour luy
54, (Sept1 10, 1921)
que pour ledict Guy Joubert en sa personne et ledict Pierre Roche pour ledict seigneur de Soubran avoms procede a la prelation de nostre sentence dont la teneur sensuyt ENTRE messire Francoys Deydie chevalier seigneur de Ribeyrac demandeur en execution darrest dune part Et Jehan de la Roche escuyer seigneur de Soubran deffendeur Guy et Bertran Joubertz Aussi escuyers seigneurs de Montardit et Alemans Grymon de Montagrier escuyer seigneur de Morates Jehan de Montardit escuyer seigneur de Lascoux aussi deffendeurs daultre VEU les arrestz du vingtdeuxiesme dapvril mil cinq cens cinquante troys (1553) trentiesme daoust mil cinq cens cinquante quatre (1554) procedure faicte pardevant nous Et procez verbal de feu maistre Francoys de Caldanet conseilhier du roy en ladicte court Ordonnoms que lesdictz arrestz seroit executez scelon leur forme et teneur en ce faisant avoms condempne ledict seigneur de Soubran faire Le partaige des biens den est question suyvant larrest du vingttroysiesme dapvril mil cinq cens cinquante (1550) Sentence du vingtneufiesme de jung mil cinq cens quarante quatre (1544) inseree au procez verbal dudict feu de Caldanet le tout suyvant aussi Larrest du trentiesme daoust mil cinq cens
55, XXVIII (Sep1 10, 1922)
cinquante quatre (1554) sera neaulmoings au preallable distraict par provision pour et au proffict desdictz Joubertz de Montagrier et de Montardit cinq parties de vingtdeux parties icelles vingtdeux parties le tout faisant Et du surplus de ladicte jurisdiction Ledict de Soubran fera deux loctz suyvant La Sentence dudict de Caldanet Et ledict Deydie laultre loct par appres suyvant ladicte sentence Et seront audict de la Roche bailhees les cothitez a luy adiugees par les arrestz et offertes par ledict Deydie Scavoir est une dixseptiesme quest une vingtdeuxiesme du tout ensemble une quatorziesme partie de huict parties du tout lesd vingtdeux le tout faisant Et du surplus desdictes huict parties de quatorze vingt une partie Oultre la quarte partie du reste quil prendra en faisant les loctz le tout suyvant les arrestz et executions cy devant faictes Et sans desroger a icelles fera aussi ledict de la Roche partaige tant des rentes molins que aultres dommaynes qui restent a partir Et se purgeront les mestayers et tenanciers de biens & loyaulment declairer les limittes et confrontations desd lyeulx Et pour faire tout ce que dessus se accordent
56, (Sept1 10, 1923)
les parties dexpertz Et iceulx feront venir demain heure de midy ou plustost silz peulvent Et au surplus pour le regard desd cothitez distraictees par provision Appoinctoms lesdictz parties contraires sans retardement de lexecution dudict arrest articuleront leurs faictz partout le jour et sur iceulx feront prenne dheure en heure pource faict leur estre faict droict par nous ou par la court nostre rapport faict a icelle comme il apartiendra par raison Despens reservez en fin de cause Ledict Clugnac a proteste den appeller Ledict Roche a aussi proteste dappeller Sembleblement ledict Chassaing a proteste sans preiudice de ce Ledict seigneur de Ribeyrac a nomme pour espertz le seigneur de Soufferte Et Montardit Dagonac Et lesdictz de Lascoux Et Mourates ceulx quilz ont cy devant nommez Led de la Roche le seigneur de Frateaulx Et par ce que lesdictz de Lascoux et Mourates se craignent ne pouvoir fiere des leurs ont nomme labbe de Chancelade Jehan de Lafilolie seigneur de Buree Helyes de la Porte seigneur de Chanteyrac ET ADVENANT lheure de quatre heures ou envyron se comparut par devant nous ledict Pierre Roche pour ledict seigneur de Soubran qui nous a remonstra les
57, XXIX (Sept1 10, 1924)
cothitez a luy aparten’ ne luy avoir este entierem’ adiugees par notre sentence Et lesquelles cothitez il mist devers nous de telle teneur Sensuyt les droictz et cothitez que ledict Roche a pour le present ez biens de feu Jehaniquet de Bourdeilhe premierement la quatorziesme partie pour une legitime et une quatorze vingtziesme pour ladicte legitime plus la quatriesme partie du reste desdictz biens sans preiudice de plus ample droict que ledict de la Roche pretend avoir ausdictz biens plus une vingtdeuxiesme partie de vingt deux parties de la justice dudict Montagrier vingt deux parties faisant le tout plus sa part et cothite des cothitez contentieuses Entre lesdictz Deydie de la Roche de Montagrier de Montardit et Joubertz Ce qui a este par nous communique audict de Laage Chassaing et Monthouzon lesquels ont dict que en evenement que par les arrestz ledict seigneur de Soubran monstre plus amples cothitez luy avoir este adiugees en execution sur ce faicte ilz offrent icelles cothitez telles que luy seront este bailhees luy estre bailhees Et que a icelles les expertz y ayant louilh et luy en faisant raison Ce que avoms ordonne seroit insere en nostre proces verbal ce que a este par nous communique audict Roche procureur Dudict
58, (Sept1 10, 1925)
seigneur de Soubran qui a dict que en ce faisant il se contente ET ADVENANT les vingtiesme desdictz moys et an heure de troys heures appres midy ou environ sont comparuz par devant nous lesdictz seigneur de Ribeyrac de Laage Chassaing Et Monthouzon Illec ledict de Laage a dict que led Roche procureur dudict seigneur de Soubran luy auroit bailhe certain dire contenant le partaige auquel il nous a bailhe sa response SURQUOY avoms appoincte que ledict Roche viendra declairer sil sentend ayder dicelluy dire Et sil a icelluy bailhe Et verra aussi ladicte response pour y dire ce quil appartiendra Et luy sera signiffie par nostre clerc SENSUYT le dire que en dict icelluy Roche avoir bailhe audict seigneur de Ribeyrac SENSEN scavoer les tenen’ que Guilhaulme ses soeurs Trygalan de Giron et son frere et leurs maisons pour une partie Et Francoys Nardon Prudel ung nomme le Souliard avecques leurs maisons pour une aultre partie portant chascun ses charges Et ce sans preiuduce de plus ample droict quil peult ou pourroyt apartenir audict de la Roche Et ce sans comprendre le droict de legitime quant aulx rentes et feudalite dicelle mestayers SENSUYT la response dudict
59, XXX (Sept1 10, 1926)
seigneur de Ribeyrac Ledict Deydie Dict que oultre la mestayerie de Senzens il y a plusieurs aultres mestayeries moulins rentes communes & subiectes au partaige desquels et de la justice suyvant la sentence du feu monsieur de Caldanet et arrestz de la court confirmatif dicell’ Ensemble vostre sentence donnee sur lexecution desd sentence et arrestz ledict de la Roche doibt faire deulx loctz du tout lhung desquels ledict Deydie en doibt opter lhung Et de laultre icelluy Deydie en doibt faire deulx comme offre faire et bailher audict de la Roche le choix de lhung diceulx toutesfoys ledict de la Roche nobeist faisant seulement partaige de lhune desd mestayeries quest la mestayerie de Senzens Parqouy icelluy Deydie requiert que ledict de la Roche soit contrainct a peinne de dix mille livres applicquables moictie au roy et moictie audict Deydie faire promptement icelluy partaige offrant neaulmoings que en ledict de la Roche vouldra faire deulx loctz de toutes les mestayeries et moulins subiectz au partaige Et aultre deux loctz des rentes et deulx loctz de la justice distraict ce que faict a distraire opter lhung desdictz loctz Et de laultre luy en faire deulx lhung desquels iceluy
60, (Sept1 10, 1927)
de la Roche optera A quoy conclud et demande despens dommaiges et interestz pour le retardement dudict de la Roche Ainsi signe J de Laage ET peu appres sest comparu devant nous ledict Roche qui a requiz veoir icelle responce qui luy a este communiquee Aussi a dict quant audict dire bailhe au seigneur de Ribeyrac quil lavoit bailhe au procureur dudict seigneur de Ribeyrac pour y adviser non aultrement pour preiudice a sa partie ET ADVENANT lheure de cinq heures ou envyron lesdictes parties ont miz vers nous certains accordz signe de eulx et leurs procurs’ concernantz partie desdictz partaiges nous requerant iceulx inserer en nostre proces verbal dont la teneur sensuyt LEDICT Deydie et de la Roche ont accorde que quant au partaige des mestayeries que sont Senzeins Tarratin Leport Et le moulin de Souzet reserve la rente fonciere deue dudict moulin ausdictz seigneurs qui par entier demeurera audict Deydie ladicte mestayerie de Senzeins La Beneychie Vaulobe tout par entier leurs appan’ et deppendences en tout droict de feudalite et directite aparten’ ausdictz seigneurs et tout ce que pourroit apartenir par commung ausdictz Deydie et de la Roche
61, XXXI (Sept1 10, 1928)
ausdictz villaiges de Senzeins La Beneychie Et Vauloube Et tout ce que deppend diceulx villaiges et mestayeries de Senzeins et des aultres mestayeries de Monrichon Tarratin que les tienens tiennent le port et ledict moulin sauf la rente dudict moulin ledict Deydie en fera deulx loctz desquels ledict de la Roche en optera ung et laultre demeurera audict Deydie et lesdictes parties payeront chascun pour son regard la rente deue aux aultres seigneurs si aulcune en est deue de ce qui leur demeurera en partaige en ce que ledict de la Roche a renunce au droict de legitime a luy adiugee sur ledict moulin de Souzet lequel veult quil soyt partaige Entre lesdictz parties comme le restant dudict moulin le tout sans preiuduce des aultres droictz des parties et pour le regard des rentes et justice comme entre lesdictes parties ledict de la Roche fera le partaige suyvant lesd sentence et arrestz Ainsi signe Francoys Deydie J de la Roche Chassaing et Roche ET ADVENANT le vengtungiesme desdictz moys et an heure de douze heures appres midy ou envyron presentz lesdictz Chassaing les seigneurs de Mourates Et Lascoux Avoms receu le serment des seigneurs de Soufferte Et Buree qui ont jure que loyaulment
62, (Sept1 10, 1929)
ilz assisteront audict partaige et division Et en dieu et leur conscience ilz y vacqueront le mieulx quilz pourront Et le plus justement que faire se pourra Et peu appres sont comparuz lesdictz seigneur de Ribeyrac assistant a luy ledict de Laage et Chassaing Ledict Roche pour ledict seigneur de Soubran Ledict de Mourates et Lascoux en leur personne Et ledict Clugnac Ledict Bertran Joubert tant pour luy que pour ledict seigneur de Montardit Ce faict ledict seigneur de Ribeyrac par lorgane dudit de Laage a miz vers nous le second loctz que feust hier larreste que il feroyt suyvant laccord des parties Ce requerant ledict Roche a este ordonne que ledict seigneur de Ribeyrac delivrera audict seigneur de Soubran les instrumentz des choses que luy demeureront en son loct Et du tout sen purgera Et avoms appoincte que ledict Roche verra ledict loct et declairera promptement lequel il entend choisir Ledict Roche a choisi le loct quil a signe et faict signer a la damoyselle de Soubran illec presente Et ce requerant ledict de Laage avoms ordonne que ledict seigneur de Soubran par tant que mestrer seroyt viendra demain constituer procurer speciallement pour faire lesdictz loctz et partaige Et proceder a tout ce que
63, XXXII (Sept1 10, 1930)
doibuent proceder les expertz et speciallement comme sil y estoit present Et avoms ordonne que respectivement les mestayers et tenanciers des lieulx choisiz par lesdictz loctz viendront prester serment esdictes parties pour recognoistre lesdictz lieulx Et pour ce faire seront assigner par devant nous SENSUYT la teneur desdictz lyeulx CEST le partaige que messire Francoys Deydie chevalier seigneur de Ribeyrac faict a Jehan de la Roche escuyer seigneur de Soubran Des moulins de Souzet reserve la rente fonciere Et ce qui est deu ausdictes parties sur le moulin de Sales les mestayeries du Port Morichon et Terratin que les Thiviers tiennent le tout party en deulx loctz pour lhung desquels ledict Deydie mect le moulin de Souzet Et ce quest deu ausdictz parties sur ledict moulin de Sales la mestayerie de Monrichon reserve la rente fonciere deue a cause du moulin de Souzet Ainsi signe Francoys Deydie J pruverau Roche pour avoir choisi pour ledict de la Roche led loct et pour laultre loct mest la mestayerie du Port et Terratin Ce que les Thiviers tiennent le tout en la qualite /o/ les charges que lesdictes choses se trouveront estre chargees sans pourter aulcunne garantie lhune partie a laultre Desquels deulx loctz ledict Deydie bailhe le choix audict de
64, (Sept1 10, 1931)
la Roche en ladicte qualite Et sans aulcunement comprendre les maisons heritaiges bestails et aultres choses aparten’ a son particulier dudict Deydie Ainsi signez Francoys Deydie J pruverau Roche pour avoir laisse pour ledict seigneur de Soubran le loct audict Deydie Et Chassaing pour ledict seigneur de Ribeyrac ET ADVENANT le vingtdeuxiesme desdictz moys et an heure de quatre heures appres midy ou envyron sest comparu par devant nous ledict seigneur de Soubran Lequel a ratiffie ce que hier avoit este faict tant par ledict Roche son procureur que par damoyselle de Soubran sa femme et constitue speciallement ledict Roche pour procurer au parachevement dudict partaige promiz et jure avoir pour agreable ce que par luy sera faict ET ADVENANT Le vingttroysiesme desdictz moys et an heure de huict heures du matin ou envyron sont comparuz par devant nous ledictz de Laage et Monthouzon Lesquels ont dict suyvant noz appoinctementz precedentz avoir faict assigner devant nous les mestayers des lyeulx que luy sont obvenuz en partaige pour diceulx recepvoir le serment Et nous
65, XXXIII (Sept1 10, 1932)
presente Guilhaulme Eyrelli tant pour luy que comme pere legitime et administrateur de ses enfans Francoys et Nardon icelli freres Anthoyne icelli dict le picquart Pierre Margnot Jehan du Poulx dict trigalan poy pruvers lesquels appres avoir faict serment ont declaire estre mestayers de la mestayerie appelle de Senzeins obvenue audict seigneur de Riberac par partaige Et ont promiz et jure comme bons peres de famile Entretenir lesdictz lieulx et icelle entretenir comme est contenu en leur bailhete et recognoistre dudict seigneur de Ribearac toutesfoys et quantes que en seront requiz Aussi ledict seigneur de Ribeyrac a promiz et jure les entretenir en mesmes droict et libertez que seront contenuz par ladicte bailhete laquelle assignation avoms tenue au chasteau de Montagrier ou nous estioms remuez du confortement des parties a cause de la disposition de nostre personne et incommodite du lyeu ou estioms avant ET ADVENANT Lheure de und heure appres midy ou envyron sest comparu par devant nous ledict Monthouzon procureur pour ledict seigneur de Ribeyrac lequel as requiz que Jehan Martial et Francoys servatz pere et enfans
66, (Sept1 10, 1933)
mestayers de la mestayerie du Port prestent le serment de bon et loyaulment entretenir la mestayerie scelon leurs antiennes bailhetes Lesquels ont promiz et jure bien et loyaulment entretenir icell’ mestayerie scelon ladicte bailhete ancienne moyenant aussi que ledict seigneur y obeysse de sa part au contenu en icelle Et peu appres sest comparu par devant nous ledict Roche pour ledict de la Roche seigneur de Soubran et Jehan Coursolant tenancier du molin de Celas sur le fleuve de la Dronne qui est venu au partaige dud seigneur de Soubran auquel Coursolant avoms faict prester serment de continuer les payemens comme il avoit continue de faire lequel a faict le serment sans preiudice de ses aultres droictz et de ce quil en tient et suyvant les transactions et anciennes bailhetes et recognoissances Et ledict Roche pour ledict seigneur de Soubran a aussi promiz et jure lentretenir en ses droictz ET ADVENANT lheure de deulx heures appres midy ou envyron sont comparuz par devant nous ledict seigneur de Ribeyerac assistant a luy lesdictz de Laage Chassaing et Monthouzon Ledict seigneur de Soubran assistant au luy led Roche lesdictz Joubertz seigneurs de Montardit et Dalemans en leur personne Lesdictz seigneurs de Lascoux et Mourates en leur personne
67, XXXIIII (Sept1 10, 1934)
assitant a eulx ledict Clugnac Ledict de Laage a requiz et somme toutes les parties de declairer silz entendent approuver le lyeu ou sommes au Chasteau de Montagrier lui ont dict approuver ledict lyeu Et lavoir approuver cy devant Et ainsi lavoir declaire audict de Laage Ce faict ledict de Laage a dict que les partyes se sont accordez de expertz pour iceulx accorder sur la present division requerant que les expertz present rapportent vers nous ce quilz ont faict pour ce veu prendre telles conclusions quil verra estre affaire Et que les parties declairent silz ont accorde desdictz expertz LEDICT seigneur de Soubran a accorde et avoir accorde cy devant et ou il ne pourroyt fiere de son expert que il consentait esdictz seigneurs de Soufferte Et Buree et envers a present ainsi accorde a ce quilz en feront ou ont faict jusques a present Aussi lesdictz seigneurs de Lascoux Et Mourates ont dict se accorder desdictz expertz desdictz Soufferte et Buree Lesdictz Joubertz en ont aussi accorde desdictz expertz Lesdictz seigneurs de Soufferte et Buree ont dict y avoir advise et parle ez ungs et aultres toutesfoys que ledict seigneur de
68, (Sept1 10, 1935)
Lascoux estoit en different Leur avoms enjoinct en communicquer Ensemble et mectre vers nous leur rapport pour icelluy veu y estre procede comme de raison Et peu appres sont comparuz devant nous lesd parties et leur conseilh comme dessus et lesdictz seigneurs de Buree et Soufferte expertz accordez par les parties Et illec ont dict en avoir communique et estre quasi daccord mais ilz en vouloient communiquer ung peu davantaige Et appres le mectroyent vers nous ET ADVENANT lheure de quatre heures ou envyron se sont comparuz par devant nous lesdictz de Laage et Monthouzon pour ledict seigneur de Ribeyrac Et ledict Roche pour ledict seigneur de Soubran Et illec ledict de Laage nous a requiz que ledict Roche fasse venir son expert pour distraire la part quil dict apartenir du loct de Roches Ledict Roche a dict quil ne scavroit et nest tenu de ce faire sans veoir la distraction des aultres conseigneurs requerant delay pour y respondre plus amplement SURQUOY avoms appoincte que ledict Roche verra ladicte distraction par tout le jour pour icelle veue par ampres estre procede comme de raison Et peu appres sest comparu par devant nous Guilhon Coursolant et Giron Coursolant contenanciers du moulin de Senzeins qui est obvenu a la part dud
69, XXXV (Sept1 10, 1936)
seigneur de Soubran lesquels ont jure de bien et loyaulment payer les debuoirs acoustumez Et entretenir le contenu en la bailhete sur ce faicte sans preiudices toutesfoys a leurs aultres droictz Et ledict Roche pour ledict seigneur de Soubran a respectivement promiz les entretenir en leurs droictz et satisfaire de son couste au contenu en ladicte bailhete ET ADVENANT Le vingtquatriesme desdictz moys et an heure de sept heures De matin ou envyron sont comparuz par devant nous ledict seigneur de Lascoux assistant a luy frere Anthoyne de Montardit abbe de Chancelade Lequel de Chancelade nous dict et declaire que ledict seigneur de Lascoux estoit apellant de la transaction produicte par Guy Joubert escuyer seigneur de Montardit requerant son dire estre insere en nostre proces verbal Et peu appres sest comparu par devant nous ledict Monthouzon pour ledict seigneur de Ribeyrac requerant que Giron et Anthoine Valades contenanciers de la mestayerie de Senzeins prestent serment de bien et loyaulment entretenir les heritaiges quilz tiennent comme bons peres de famile ce que ilz ont promiz Suyvant leur bailhete Et ledict Monthouzon pour leduct seigneur de
70, (Sept1 10, 1937)
Ribeyrac a aussi promiz et jure les entretenir en leurs droictz ET ADVENANT lheure de huict heures ou envyron sont comparuz par devant nous ledict seigneur de Soubran assistant a luy ledict Roche Lesdictz de Laage Chassaing & Monthouzon pour ledict seigneur de Ribeyrac Et ce faict ledict de Laage a requiz que ledict seigneur de Soubran fist venir son expert pour proceder a la distraction quil entend faire du loct de Roches Ledict de Soubran a dict que il fera venir son expert par tout le jour et cependent ne entend empescher sans desroger a ses arrestz et aultres droictz que ne soit procede par les aultre expertz Scavoir est les seigneurs de Soufferte et Buree ou le sien ne sera venu ce jourdhuy consent que tout ce que les aultre en feront soit vallable Aussi ce requerant ledict Roche avoms condempne ledict Monthouzon comme collationnaire de feu maistre Guilhaulme Monthouzon delivrer tous instrumentz quil a veue luy audict seigneur de Soubran concernantz ses partz et cothitez ET PEU appres sest comparu par devant nous ledict Roche pour ledict seigneur de Soubran qui nous a illec presentez Anthoine dict Thony Coursoulant Jehan Coursoulant dict Joachin Coulant
71, XXXVI (Sept1 10, 1938)
Coursoulant contenanciers du moulin de Souzet obvenu au loct et partaige dudict seigneur de Soubran lesquels avoms faict jure de bien et loyaulment payer doresnavant les debuoires acoustumez suyvant leur bailhete et sans preiudice de leurs droictz Aussi ledict Roche a promiz pour ledict seigneur de Soubran les entretenir en leurs droictz suyvant ladicte bailhete lequel Anthoyne dict Thony Coursoulant a faict ledict serment tant pour luy que pour Mariete Philippe Catherine Leonarde Coursoulantz filhes et heritieres de feu Penot Coursoulant leur pere LEDICT de Laage illec present a dict ne entendre empescher ce que dessus mais requiert que jusques au jour du partaige que susdictz rendent conte audict seigneur de Ribeyrac du passe pour le regard de ses cothitez Aussi ledict Roche pour Ledict seigneur de Soubran a faict mesmes requien’ LESDICTZ Coursoulantz ont dict avoir rendu conte deppuys ung moys en ca Et deppuys le moulin ne moulou a cause des reparations necessaires quant a la part ducit Anthoyne et ledict Jehan Coursoulant dict aussi avoir rendu bon conte audict procureur et que
72, (Sept1 10, 1939)
son moulin na moulou fers deppuys jeudy LEDICT Roche a somme les susdictz obeir au contenu en la transaction dactee du dixiesme septembre mil cinq cens trente (1530) Lesdictz Coursoulantz ont dict quilz requeroient veoir la transaction et delay po’ y venir dire ce quil apartiendra ET ADVENANT lheure de deulx heures appres midy ou envyron sont comparuz par devant nous ledict seigneur de Ribeyrac assistant a luy lesdictz de Laage Chassaing et Monthouzon Lesdictz seigneurs de Mourates et Lascoux Lesdictz Joubertz en leur personne et ledict seigneur de Soubran assitant a luy ledict Roche son procureur Ledict de Laage a dict que les expertz il y a troys jours sont appres accorder les distractions suyvant nostre sentence toutesfoys a ce quil entend Ledict seigneur de Soubran differe laccorder par ce pour le seigneur de Ribeyrac il offre pour obvier ez fraiz faire deulx loctz de toute la justice de Montagrier et donner a toutz les conseigneurs tant au seigner de Soubran que aultres loption de lhung des deulx loctz et en prendre lautre obte que la moictie dune unziesme partie du loct quilz prendront et obteront luy soit laisse a part de proche
73, XXXVII (Sept1 10, 1940)
en proche protestant de tout Despens dommaiges et interestz Ledict Guy Joubert seigneur de Montardit tant pour luy que les aultres conseigneurs de Mourates et Lascoux dict quilz se contentent de ce quil aplen par les expertz dont toutes parties sont daccord leur estre bailhe Et pour autant que ladvis des expertz ne seroit suivy requiert nostre sentence estre executee protestant de tout Despens dommaiges et interestz contre quil apartiendra Aussi ont accorde toutes les parties mesmes le seigneur de Soubran quil se accordoit de ce que en feroient Lesdictz expertz sur icelles distractions LEDICT Roche pour ledict seigneur de Soubran sans preiudice de ses droict Dict quil se accordoyt quant ez distractions au dire des expertz Et ont aussi toutes les aultres parties proteste de leurs aultres droictz Aussi dict ledict seigneur de Soubran quil entend que ledict droict du couste de Roches luy soit distraict Et pour proceder ez Distractions requises par ledict seigneur de Soubran du droict de Roches et legitime se sont accordez
74, (Sept1 10, 1941)
Ledict seigneur de Soubran du seigneur de Buree illec present Et ledict seigneur de Ribeyrac dudict Guy Joubert seigneur de Montardit et pour eviter a plus grandz fraiz et mizes Lesdictz seigneurs de Ribeyrac et Soubran deppuys en mesmes instant se sont accordez du seigneur de Mourates Et Montardit illec present pour expertz pour bailher audict de Soubran a part tous et ung chascuns ses droictz tant de Roches legitimes que quarte partie du restant de proche en proche et plus commodement que faire si pourra Et ainsi lont promiz et jure avoir pour agreable ce que par eulx sera faict Lesdictz seigneur de Riberac et Soubran Ce faict prester le serment Esdictz seigneurs de Mourates et Montardit de bien & loyaulmenmt proceder a ladicte visite distraction et partaige Et le plus loyaulment que faire se pourra Et ont promiz lesdictz de Soubran et Ribeyrac avoir pour agreable ce que par lesdictz arbitres et expertz en sera faict a peinne De tous Despens Dommages et Interestz Ainsi signe Francoys Deydie J de la Roche
75, XXXVIII (Sept1 10, 1942)
ET ADVENANT Le vingtcinqiesme desdictz moys et an heure de cinq heures vers le soir ou envyron sont comparuz par devant nous ledict seigneur de Soubran assistant a luy ledict Roche son procureur Et illec presentz lesdictz de Laage et Chassaing pour ledict seigneur de Ribeyrac par ledict seigneur de Soubran a este dict quil auroit entendu que ledict seigneur de Ribeyrac avoit faict donation de ses biens a son filz ou nepveu parce ce quil faicte seroit nul De Laage Dict que donation na este faicte des choses contentieuses Et que ledict seigneur de Ribeyrac est auve qui a bien dequoy guarantir le tout entierement et quil est legitime administrateur de son nepveu Ce faict lesdictz seigneurs de Montardit et de Mourates ont mis vers nous leur rapport par eulx signe Contenant ladicte division Entre lesd parties que avoms reveu et ordonne seroit insere en nostre proces verbal Et icelluy illec avoms faict lire presentz les susdictz maistre Jehan Girard de Langlade pour ledict de
76, (Sep1 10, 1943)
Soubran illec present a
requiz veoir ledict partaige et rapport et delay jusques a demain heure de sept
heures du matin pour y dire ce quil apartiendra que luy avoms bailhe Ledict
Chassaing a proteste de tous despens dommaiges et interestz Et se sont purgez
moyenant serment Lesdictz seigneur de Montardit et de Mourates avoir en dieu et
conscience vacque loyaulment audict partaige
SENSUYT la teneur dudict rapport NOUS Guy Joubert escuyer seigneur de Montardit
et Grymon de Montagrier aussi escuyer seigneur de Mourates arbitres et expertz
pour faire le partaige de la justice de Montagrier touchant les cothitez Et ce
qui est demeure par indivis Entre messire Francoys Deydie chevalier seigneur de
Riberac Et Jehan de la Roche escuyer seigneur de Soubran lesquelles cothitez et
droict de lad justice estant commune entre lesdictz Deydie et de la Roche avoms
partaige comme Sensuyt PREMIEREMENT demeurera audict de la Roche pour la
quatorziesme partie et de quatorze vingtz une de huict parties les vingt deulx
faisant toute la justice et pour une vingtdeuxiesme partie de toute ladicte
77, XXXIX (Sept1 10, 1944)
justice comme ayant le droict de Guilhaulme Roches Et pour la quarte partie du reste questoit en commung entre les susdictz SCAVOIR des la maison des hoirs de Jehan Chanau dict barricquet qui est joignante a la maison neufue de Pierre des Vergnes allant toute la rue que lon va de ladicte maison jusques a la maison de Mathurin Bourliere des laquelle maison dudict Mathurin Bourliere Et icelle comprenant Ensemble les maisons des hoirs de Thene Gaultier et Helyes Bonliere dict le laquay Philip Bonliere dict le rat Et la maison et jardoin des hoirs de feu maistre Denys Foct jusques au quarre dudict jardoin Et devers La maison de maistre Jehan Monthouzon Et dudict quarre de jardoin allant toute la rue que lon va dudict quarre de jardoin vers la maison des hoirs de feu maistre Guillaulme Monthouzon appelle la tour des roches Et dillec allant tout le chemin par lequel lon va dudict lyeu vers le moulin de Rocheyrel laissant les villages de Montouphy et Noujarez a main gauche Et la justice qui demeure audit de la Roche a main
78, (Sept1 10, 1945)
droicte jusques a ung grand rouchier estant aupres des prez des Valliers Et dans lesdictz prez Et dudict rouchier droict au fleuve de ladicte Drone Et de lautre couste des ladicte maison des hoirs dudict Jehan Chanauld dict le bourricquet passant entre ladicte maison le jardoin desdictz hoirs Et la maison jardoin et aysinnes que senleyent tenir les hoirs de feue Francoyse Petit dicte la lilyen allant tout droict jusques au chemyn par lequel lon va de la croix pierre vers le molin du Pont Et dillec allant tout ledict chemyn jusques audict moulin du Pont laissant de ce couste ce qui demeure audict de la Roche a main gauche avecques tout son chasteau aysinnes & foussez dicell’ Et audict Deydie demeure aussi tout son chasteau aysines et foussez dicelluy et tout le reste de ladicte justice Et ce qui estoit commung Entre lesdictz Deydie et de la Roche sans preiudice des aultres droictz desd parties Et du droict et cothitez de nous de Jehan de Montardit et de Bertran Joubert escuyers Lesquelles cothitez ont este distraictes du partaige desd Deydie
79, XL (Sept1 10, 1946)
Et de la Roche Ainsi signez Guy Joubert G de Montagrier ET ADVENANT Le vingt sixiesme desdictz moys et an heure de neuf heures du matin ou envyron sont comparuz par devant nous pour ledict seigneur de Ribeyrac Lesdictz de Laage Chassaing & Monthouzon Et pour ledict seigneur de Soubran lesdictz Danglade et Roche ses procureurs et advocat Et illec Ledict Danglade a miz vers nous certain dire lequel illec a este communicque audict de Laage et Chassaing pour y dire ce quil apartiendra promptement ET ADVENANT Lheure de une heure appres midy ou envyron sont comparuz par devant nous lesdictz Danglade Et Roche pour ledict seigneur de Soubran Et lesdictz de Laage Chassaing et Monhouzon pour ledict seigneur de Ribeyrac Et illec ledict de Laage a miz sa responce au dire dudict Danglade miz ce matin vers nous qui a este illec communicque aud Danglade pour y dire la plus promptement quil pourra ce quil apartiendra ET ADVENANT Lheure de quatre heures ou envyron Lesdictz de Mourates de Lascoux Bertran Joubert
80, (Sept1 10, 1947)
seigneur Dalemans ont miz le rapport des expertz signe des parties vers nous dont la teneur Sensuyt CEST le partaige de la justice de Montagrier et ce qui a este distraict dicell’ en faveur des soubz nommez PREMIEREMENT est demeure a Grymon de Montagrier pour son partaige de ledictz justice Le chasteau de Mourates Et ce quest entre les chemyns par lesquels lon va du puy de la Brande en la parroisse de Brassac vers le boys appelle de Cenzelas Et jusques a la jurisdiction de Sainct Just de ce couste Et de lautre couste des le chemyn par lequel lon va dudict puy de la Brande jusques a la grange de Francoys Boycel estant dans les appartenances de la Feyte Et passant soubz le puy appelle Montouphy Et des ladicte grange et allant tout le chemyn par lequel lon va de ladicte grange dudict Boycel vers Saint Bibye Et jusques a ung aultre chemyn par lequel lon va du villaige de Lafourest vers Renamond jusques au chemyn par lequel lon va de Montouphy a Bourdeilhe Et jusques a la
81, XLI (Sept1 10, 1948)
Quarreforche des terres de Lonlaigue et de lad quarreforuche allant tout le chemyn que lon va au moulin de Rocheyrel Et jusques a ung aultre chemyn que lon va de Rocheyrel a Lonlaigue Et a ung grand rouchier estant joignant ausd chemyn et dudict rouchier tirant tout droict a la riviere de la Dronne Aussi este laisse aud seigneur de Mourates le droict de pescher et de faire pescher depuys ledict moulin de Rocheyrel jusques au moulin de Renamond en ce que ledict seigneur de Mourates a quicte a messire Francoys Deydie chevalier seigneur de Riberac et a Jehan de la Roche escuyer seigneur de Soubran tout le droict de vigerie et plassaige que ledict de Montagrier pourroit pretendre et que luy pourrait apartenir au lyeu du bourg de Montagrier Et a chascun desdictz Deydie et de la Roche chascun en sa justice Et a Jehan de Montardit escuyer seigneur de Lascoux des la Font du Port allant tout le chemyn par laquelle lon va de ladicte fontaine au ruisseau de Jalleilh Et dillec allant tout le long dudict Jalleilh jusques a la divise dentre le villaige de Villote et la Creze Et dillec allant tout droict et passant entre ledict villaige de Vilotte et le villaige la Creze allant jusques au chemyn que lon
82, (Sept1 10, 1949)
va de Ribeyrac a Saint Victour Et au prez la maison de Peyrichon de la Sayras laissant ladicte maison hors le partaige dudict Montardit Et dillec allant jusques audict lyeu de Sainct Victour Et jusques audevant de la porte de leglise dudict lyeu Et dillec allant tout le chemyn que lon va dudict Sainct Victour vers le Brueilh de Sainct Meard et jusques au dessoubz de la vigne dudict Deydie Et au chemyn estant dessoubz ladicte vigne Et dillec allant tout le chemyn par lequel lon va dudict lyeu vers la fontainme du bourg de Sainct Victour Et de ladicte fontainme allant tout droict jusques a la fontainme du Mayne de Serioyels laissant la Brugiere dans la justice dudict Montardit Et de ladicte fontainme allant tout droict jusques au chemyn que lon va dudict lyeu a Brassac et jusques a la divise Des parroisses dudict Brassac et Sainct Victour Et dillec montant tout droict au Puy de Pargnant et jusques a la divise des villaiges de Montardit Et la ledict villaige de la Vallade demeurant
83, XLII (Sept1 10, 1950)
entierement audict de Montardit Et a Guy Joubert escuyer seigneur de Montardit le chasteau de Montardit avecques tout le villaige et aparten’ dicelluy Et jusques aulx chemins que lon va du villaige de La Guionie au village de Boysset et du villaige de Senzeins au moulin de Veynat et dudict moulin allant tout le chemyn que lon va dudict moulin alamont et avec les aparten’ de la Vallade Et avec le pre que ledict Joubert a acquis des Voluoys Et avec les apartenances du Repaire et avec le chemyn que lon va de la Pause a la Tour Blanche Et a Bertran Joubert escuyer seigneur Dalemans des le chemin que lon va du gue de la Conche a la divise dentre les prez des Tarrades et les Forthous Et des ladicte divise passant entre ledict villaige des Tarrades Et le maynement du Puy jusques au chemin qui faict divise entre le villaige de Rivieres Et le villaige de Las Combas Et allant tout dudict villaiges des Rivieres et le prez des Serioyels Et jusques a la Dronne Et jusques a la chapelle de Douchapt Et lesquels de Montagrier Montardit et Joubertz prendront
84, (Sept1 10, 1951)
du couste des aultres jurisdictions que cell’ dudict Montagrier jusques aulx limittes Et aultres jurisdictions Ainsi signez Francoys Deydie Guy Joubert G de Montagrier Jacques Joumar comme arbitre et expert J de Montardit B Joubert J de Fillolie comme arbitre et expert Sans preiudice des droictz et cothitez que moy soubz signe pourroyt pretendre et avoir sur les susd parties de la susdicte justice J de la Roche Et ADVENANT Lheure de cinq heures ou envyron sont comparuz par devant nous pour ledict seigneur de Ribeyrac Lesdictz de Laage et Chassaing Et pour ledict seigneur de Soubran lesdictz Danglade et Roche Et illec ledict Danglade a miz vers nous sa response laquelle veue par ledict de Laage a este preciste en son premier dire Et illec veu sommairement lesdictz dires offres et consentementz Et sans preiudice des droictz dont ledict de Soubran a proteste Aussi sans preiudice des aultres droictz dudict seigneur de Ribeyrac Avoms condempne lesdictes parties entretenir le
85, XLIII (Sept1 10, 1952)
contenu ez rapportz des expertz et ordonne que suyvant le contenu en iceulx rapportz toutes parties respectivement seront mizes en possession des cothitez contenues par lesdictz rapportz et suyvant iceulx seront limitez et boynes plantees et miz Ce faict ledict de Laage a requiz que ledict seigneur de Soubran eust a faire le partaige des rentes et icelluy bailhast demain heure de une heure appres midy Ledict Danglade dict que il ne le scavroit faire sans que ledict seigneur de Ribeyrac luy communicquast les rolles et extraict dicelles rentes Et illec Monthouzon a communicque quelques pieces audict Danglade qui les a prinses Et appres plusieurs alterrations des parties Avoms ordonne que ledict de la Roche viendroyt faire ledict partaige sapmedy matin heure de sept heures Led Chassaing a proteste de tout Despens dommaiges et interestz Et semblablement led Danglade veu que presentement on ne luy communicque que les pieces SENSUYT la teneur desd dires miz vers vous LEDICT de la Roche Dict que le rapport faict par les seigneurs de Montardit et Mourates nest suffizant
86, (Sept1 10, 1953)
concidere mesmes quilz ne faict aulcune mention du droict de vigerie apartenant audict de la Roche au bourg et parroisse de Sainct Victour ny de une maison et cothite quil a aud bourg de Sainct Victour Combien ce que dessus soit este tousiours reserve audict de la Roche par tous les procez Et a ceste cause requiert ledict de la Roche que pour eviter difficulte lesdictz droictz et choses reservees Ensemble ses aultres droictz que luy ont este cy devant reservez par les arrestz cy devant donnez Et aultres quil pretend avoir esdictz biens et chastellanye de Montagrier Dict aussi ledict de la Roche que lesdictz seigneurs arbitres auroyt fally et erre Car au lyeu de bailhier audict de la Roche la sixieme partie de huict parties les vingtdeux parties faisant le tout de la justice et vigerie de Sainct Victour comme ayant le droict de Guilhaulme et Jehan Roches Lesdictz seigneur arbitres ont seulement bailhe aud de la Roche la vingtdeuxiesme partie de ladicte justice pour ce regard a celle cause requiert ledict erreur et faulte estre repare Et luy en estre faict droict Et
87, XLIIII (Sept1 10, 1954)
Ladicte sixiesme partie comme dessus luy estre bailhee apart et adivis Dict aussi icelluy de la Roche quil a plusieurs des tenanciers desdictz Deydie et de la Roche qui sont subiectz aller mouldre au moulin de Relvamyer dict de Souzet qui seroit demeure en partaige audicte de la Roche avec ses appendences et deppenden’ requiert quil soit dict et consenty par ledict Deydie quil nempeschera lesdictz subiectz pour ladvenir de aller mouldre audict moulin nonobstant quilz soient en sa seigneurie et nempeschera ledict de la Roche aulx autres droictz dudict moulin appendences et deppenden’ dicelluy reserve toutesfoys la rente fonciere pour raison du moulin done ausdictz Deydie et de la Roche requiert en oultre daultant que en faisant ledict partaige des dommaynes de la seigneurie de Montagrier auroyt este dict que les dommaynes qui demeureroient ausdictes parties chasun pour son regard leurs seroient bailhees en droict de justice quil soit dict que ledict de la Roche tiendra tous les dommaynes que luy sont demeurez par ledict partaige en droict de justice Et en tout avennement requiert que ce que dessus luy soit reserve Avant Ledict
88, (Sept1 10, 1955)
Deydie ne vouldroyt accorder et que en monstrant par ledict de la Roche luy en soit faict droict protestant en cas dissistance de tous Despens dommaiges et interestz Et en tout evennement quil ne seroit faict droict audict de la Roche sur ce que dessus et que on se voulcist arrester entierement au partaige faict par lesdictz arbitres Ledict de la Roche provoquant et appellant de lordonnance desdictz arbitres comme appelle pour ses grief employe ce que dessus Ainsi signe Langlade pour ledict de la Roche De Laage pour icelluy Deydie dict que led dire et requisitoire dudict de la Roche est superflust et impertinent /v/ correction car en premier lyeu quant a ce quil dict le rapport des seigneurs de Montardit et Mourates estenz accordez expertz et arbitres par lesdictes parties nestre souffizant par ce quilz nont faict aulcune mention du droict de vigerie du bourg de saint Victour ne dune maison etr cothite estant audict bourg aparten’ audict de la Roche combien que ce luy eust este
89, XLV (Sept1 10, 1956)
tousiours reserve par le procez Respond que lesdictz expertz avoient seulement charge de partaige la justice Et non aultre chose Aussi par le dire mesmes dicelluy de la Roche ce que dessus luy auroit este assez reserve Et telle repetition neust de rien pour reserver que de remplir le pappier ou parchemyn toutesfoys pour contenter ledict de la Roche icelluy Deydie luy faict declaration derechef quil nentend lempescher en ladicte vigerie dudict Sainct Victour ne en la cothite de la maison quil a audict bourg Et a ce que led de la Roche dict plus lesdictz expertz avoir erre en ce quilz nont bailhe audict de la Roche la sixiesme partie de huict parties les vingtdeux parties faisant le tout de la justice et vigerie de Sainct Victour comme ayant le droict de Guilhaulme et Jehan Roches Ainsi luy ont donne seulement une vingtdeuxiesme partie pour ce regard Et a ce moyen requiert telle erreur estre reparee Et en icelluy reparant luy laisser apart et adivis ladicte sixiesme partie Respond que leditz expertz luy ont faict beaucoup de grace Et que sils avoyent faire tel partaige Et
90, (Sept1 10, 1957)
que ledict Deydie ne se feust accorde de eulx icelluy de la Roche nauroit si bonne part quilz luy ont laisse Et lesdictz arbitres ont bien cogneu et considere et garde tout les droictz dudict de la Roche Aussi et faulx /v/ correction que une sixiemse partie de huict parties vingtdeulx parties le tout faisant de la justice dudict Montagrier apartient audict de la Roche pour le droict et cothite diceulx de Roches car tel droict nest que une vingtdeuxiesme partie dicelle justice comme apport par larrest donne en la cour le mil quatre cens nonante deux (1492) Entre le feu seigneur de Montagrier et lesdictz De Roches Et par toute la present execution Ledict de la Roche na demande plus grande cothite pour tel droict que ladicte vingtdeuxiesme partie Et la verite est telle quil ne luy en apartient plus grande cothite Et quand luy en apartiendroyt plus grande cothite pour ledict droict des Roches il faudroyt quil sadressast aulx aultres conseigneurs qui ont prins les cothitez sur lesquelles il demande ladicte sixiesme partie Lesquelles cothitez il a accorde leur
91, XLVI (Sept1 10, 1958)
estre bailhees PLUS a ce que ledict de la Roche requiert que les justiciables dudict Deydie subiectz aller mouldre au moulin de Souzet a luy laisse par le partaige faict entre lesdictes parties des dommaynes soyent declairez estre subiectz aller mouldre audict moulin Et que ledict Deydie ayt a se consentir
RESPOND que cella ne consernt en rien le faict des expertz Et consent que icelluy de la Roche jouysse dudict moulin en la forme et maniere quil luy a este laisse par le partaige desdictz dommaynes et quil en jouysse avec ses droictz sauf le droict dicelluy Deydie En oultre a ce que icelluy de la Roche dict que en faisant le partaige des dommaynes de ladicte terre de Montagrier auroyt este dict que les dommaynes que demeureroyent audictes parties leur seront bailhees en droict de justice Et que a ce moyen il requiert quil soit dict que les dommaynes que sont demeurez audict de la Roche par ledict partaige luy apartiennent en tout droict de justice Respond que cella na este oucques accorde entre lesdictes parties Ainsi a este accorde par exprez que lesd expertz larroyent a chascune desdictes parties leur cothitez de ladicte justice dune tenue en joignant Et iceulx expertz ont laisse a icelluy de La Roche au plus beau plus commode et plus
92, (Sept1 10, 1959)
fertil endroict de ladicte terre le tout contigu les cothitez dudict de la Roche Et du couste que luy meme a demande Et a present pour inculquer et involver le tout il veult faire des enclaves aux cothitez dudict Deydie de sorte que se seroit asservie et absubiectie la part eschenz a icelluy Deydie PARQUOY nonobstant le dire dicelluy de la Roche dict tel partaige faict pat lesdictz arbitres debuoir tenir Et les parties estre condempnees a icell’ entretenir et assignation estre donne aux parties a comparoir dheure en heure sur les limittes et distraictz desdictes cothitez pour figer et planter bornes affin de perpetuelle memoyre et debvier aux alterrations qui pourroient souldre entre lesdictes parties pour cause desd limittes PAREILHEMENT requiert que en parachevant et donnant fin a lexecution des arrestz de la court Et de vre’ Sentence donnee sur lexecution diceulx soit enjoinct audict de la Roche a peyne de mille livres tournoises faire le partaige des rentes communes entre lesdictes parties et mectre incontinent et sans delay les loctz dicelles rentes par devers vous A ce que icell’
93, XLVII (Sept1 10, 1960)
Deydie puisse opter et choisir lhung diceulx Et de laultre en faire deulx et en bailher loption dhung diceulx audict de la Roche A quoy conclud et demande Deppens dommaiges et interestz Ainsi signe J de Laage LANGLADE pour ledict de la Roche perciste et accepte du pretendu dire dudict Deydie en ce que pourroyt servir audict de la Roche et non aultrement Et mesmes en ce que ledict Deydie dict nempescher ledict de la Roche en la vigerie de Sainct Victour ne enla maison & cothite que ledict de la Roche a au bourg et parroissse de Sainct Victour requerant seulement acte de ce que dessus et consentement dudict Deydie Et pour le regard de la cothite que led de la Roche pretend en la justice dud Montagrier et Sainct Victour comme ayant le droict de Jehan et Guilhaulme Roches Ledict de la Roche dict quil requiert seulement que en tout evennement et toutefoys et quantes que il monstreroyt du droict luy soit reserve comme il auroit tousiours requiz par cy devant requiert en oultre Ledict de la Roche acte de la declaration faicte par ledict Deydie en ce quil dict quil nentend empescher que ledict de la Roche ne jouysse
94, (Sept1 10, 1961)
du moulin de Sauzet avec ses apartenances et deppencences en la forme et maniere quil luy auroit este laisse par le partaige faict entre lesdictes parties Et quil avoyt acoustume de jouyr sans ce que le droict de la justice que ledict Deydie pourroyt avoir pour raison dudict moulin puisse en rien empescher des aultres droictz cy devant pretenduz et desduictz par ledict de la Roche Requiert davantaige ledict de La Roche en tout advennement quil monstreroyt du faict par luy cy devant allegue scavoir quil avoyt en justice ce que leur demeureroyt en partaige luy soit pretendu sur les dommaynes que luy sont demeurez par ledict partaige luy soit reserve et sauf de le pouvoir poursuyvre Ensemble ses aultres droictz quil auroyt cy devant alleguez par le procez Et que luy pourroient apartenir en lad seigneurie et justice Et pour le regard du partaige des rentes de la seigneurie de Montagrier Dict ledict de la Roche nempescher led partaige et a ses fins requiert que ledict Deydie aye exhiber et communicquer audict
95, XLVIII (Sept1 10, 1962)
de la Roche les terriers confisz et aultres pappiers quil a par devers luy desdictes rentes sans lesquels terriers et pappiers susdictz ledict de la Roche ne pourroyt faire aulcuns loctz ne partaige Convenant ausdictz fins Et aulx deppens dommaiges et interestz Ainsi signe Langlade EN oultre ledict Roche pour led seigneur de Soubran a propose certainne demande contre Anthoyne Coursolant et ses consors Jehan Giron et Guilhon et Celas Coursolandz illec presentz requerant quilz eussent a y deffendre Lesquels ont dict estre gens rustiques despourveuz de conseilh requierant delay pour dire ce quil apartiendra dans troys jours Avoms appoincte quilz verroyent ladicte demande que leur a este illec communicques et en viendroyent a Sapmedy prochain heure de huict heures lesquels nous ont remonstre quilz vouloient entretenir a ladicte bailhete ancienne Et quand a ladicte demande leur seroit impossible en avoir du conseilh si promptement SENSUYT la teneur de ladicte demande mise par devers nous JEHAN de la Roche escuyer seigneur de Soubran et en partie de Montagrier demand & en sommation et entretennement de contraict
96, (Sept1 10, 1963)
Contre Anthoyne dict Thonny Marielhe Philippe Catherine Leonarde Coursoulandz filhes et heritieres universelles de feu Penot Coursouland leur pere ab intestat Jehan dict Joachin Giron dict dondarre Guilhon Dict vessec et Ceulas Coursoulandz deffendeurs pour sa demande dict que des le dixiesme jour de septembre Lan mil cinq cens trente (1530) par feu Jehan de Bourdeilhe escuyer seigneur de Montagrier et de Chambrelhac Et Helyes Coursouland dict farrade tant en son nom que desdictz Giron et Jehan Couroulandz fraires deffendeurs Et Philippe Porrote leur mere et administraresse ledict Jehan present feust faict et passe contraict entre les susdictz /v/ pactes et conventions contenues audict contraict Scavoir que lesdictz Helyes Coursoland dict tarrade pour la moitie et pour lesdictz Giron et Jehan pour laultre moitie dudict moulin de Reglemee dict Sauzet recogneurent tenir ledict moulin dudict seigneur et luy bailher et rendre conte de la moitie des moldures grains et emolnmans provenans audict moulin et iceulx mener et pourter audict Chasteau dud
97, XLIX (Sept1 10, 1964)
Montagrier Ensemble tout le poisson que se prendroyt lors et pour ladvenir aud moulin et peychieurs dicelluy plus grand que de demy pied Aussi lesdictes parties seroient quictes et francz quant a leur regard de mouldre audict moulin sans prendre aulcune mouldure Et avecques ce lesd Coursoulandz et leurs successeurs que seroient lesdictz deffendeurs en partye diceulx seroient tenuz tenir garny Et ediffie ledict moulin Et tous instrumentz meubles et aultres choses app’rtes Et necessaires audict moulin a leurs propres coustz Despens Et de faire les pons bons et vallables dhung couste et dautre larges audict moulin pour aller audict moulin pour passer et repasser bestes chargez pour aller audict moulin Et tenir les chemyns pavez Et iceulx curer pour aller audict moulin dhung couste et daultre que debuoyent avoir faict dans le jour et feste de la nativite Sainct Jehan Baptiste lors prochaine dans lequel temps debuoient faire une ordr commune pour mectre lesd mouldures
98, (Jun1 10, 1753)
dudict moulin Et ce /v/ la charge que /v/ deffault de ce faire et tenir lesdicts partes ledict seigneur de Bourdeilhe et les siens pouroyent prendre ledict moulin comme les leurs propres aud cas sans figure de procez Et aussi estoient tenuz Lesdicts Coursoulandz tenir audict moulin gens de bien de bonne vie pour faire valloir ledict moulin aux pactes susdicts Et de prester le s’ment de fidalite destre bons et loyaulx Ensemble aultres qui gouverneroient ledict moulin tant pour lors que pour ladvenir audict de Bourdeilhe et a ses successeurs que seroit ledict demandeur a present suyvant le partaige faict en execution de larrest entre luy Et messire Francoys Deydie Si dict ledict demandeur que en ce faisant soyent lesdictz deffendeurs comme heritiers des susdictz et tenanciers dudict moulin quilz soient condempnez entretenir ce que dessus suyvant led contraict aultrement Et /v/ deffault de ce quil soyt audict demandeur promiz de prendre ledict moulin a sa main sans figure de procez Et dicell’ en faire a son plaisir et volonte Et de rendre conte et prester le relicqua de ce quilz ont prins et quilz nont entretenu ledict contraict ausd fins Courlnd’ suyvant le contraict Et aultrement
99, L (Jun1 10, 1754)
pertinement et aux despens dommaiges et interestz et restitution de fruictz Ainsi signe Roche ET ADVENANT le vingthuictiesme desdictz moys et an heure de huict heures du matin ou envyron sont comparuz par devant nous lesdictz de Laage Chassaing et Monthouzon pour ledict seigneur de Ribeyrac Et lesdicts Danglade et Roche pour ledict seigneur de Soubran Ledict de Laage requist que ledict seigneur de Soubran eust a bailher et mectre vers nous le partaige des rentes suyvant noz appoinctementz precedentz Ledict Danglade dict avoir faict diligence veoir les pieces a luy monstrees et quil seroit impossible faire tel partaige non seulement dans troys jour mais aussy dans ung moys Et requiert delay de deulx moys actendu que en ne scavroit si promptement y vacquer Ledict de Laage dict ny avoir lyeu bailher tel delay veu la procedure que a este faicte jusques icy les arrestz y intervennz la procedure devant nous faicte en execution darrest Et actendu que ledict seigneur de Soubran a heu cy devant les tuters Ledict Danglade a perciste au contraire requerant luy estre
100, (Jun1 10, 1755=1756)
promiz proceder par censures ecclesiasticques contre ceulx qui luy detiennent les tiltres en les scavent ce que illet luy avoms permiz SURQUOY avoms appoincte que ledict seigneur de Soubran viendra bailher les loctz desdictes rentes suyvant les arrestz precedentz et Sentences tant dudict feu seigneur de Caldanet que nostres Dans lundy heure de une heure appres midy Ledict Danglade a dict ny consentir et protesta dappeller Et ce faict ce requerant ledict Chassaing avoms presentement donne assignation audict seigneur de Soubran illec present pour veoir planter boynes au present bourg Et dillec pour planter les boynes a la part dudict seigneur de Mourates et ce a lheure presente Ce faict ce requerant lesdictz Deydie de Laage et Chassaing nous transpourtames de nostres logiz en la rue publique dudict Montagrier et audevant la maison des hoirs de feu Jehan Chanard Dict bourricquet en illec compareurent ledict seigneur de Soubran en personne avecques ledict Roche son procureur Et par lesdictz Deydie Chassaing et Monthouzon ses procureurs et suyvant le partaige faict de la justice de la jurisdiciton de Montagrier commensames
voir ici le mss. (3ème partie)
101, LI (Jun1 10, 1757)
a planter bornes dentre ledict seigneur de Ribeyrac et de la Roche Et au prez de ladicte maison fismes planter et affiger par terre une borne de boys faisant division de ladicte justice laissant le chemyn de ladicte grand rue par commung entre lesdictes partes aulx endroicts quelles sont joingnantes et de lad borne tirant tout droict vers et jusques a ung aultre chemyn qui est par le dessoulz dudict bourg de Montagrier par lequel lon va de la croix pierre vers le moulin du Pont Et dillec nous en allasmes touts ladicts grand rue jusques et audevant la maison de Estiene Tremolines laissant la justice dud seigneur de Soubran a main droicte et icelle dudict seuigneur de Ribeyrac a main gauche et illec fismes planter et affiger une aultre borne de boys au prez de la maison de Mathelm Bouliere Et entre icelle maison et les foussez z aysinnes que lesdictz Chassaing et Monthouzon disoient apartenir audict seigneur de Ribeyrac comme luy ayant demeure en faisant le partaige du Chasteau de Montagrier Et ledict de Soubran dict que entre ladicte maison et lesd foussez et aysinnes y avoyt ung chemyn pour
102, (Jun1 10, 1758)
aller de ladicte grand rue vers le lyeu appelle de la Mayade de la Magdalene laquelle borne fismes planter sans prejudice des droicts des parties Et dillet allasmes jusques a laultre quarre de la maison dudict Mathurin Bouliere en illec et aupres dudict quarre de ladicte maison fismes planter une aultre borne de boys et ung peu plus haut et aupres dhung petit jardoin tenant a ladicte maison fismes planter une aultre borne de boys Et dillec allasmes jusques et au pres de la maison des hoirs de feu Heliet Bouliere dict le laquay en illet fismes planter une aultre borne de boys Et dillec allasmes jusques et audevant la porte de la maison des hoirs de feu maistre Denys Feuet pbte’ en illec et aupres dhung murraille qui faict fermure au jardoin des hoirs audict Feuet Et dillec allasmes et passames entre led jardoin et les foussez et aysinnes du chasteau dudict seigneur de Ribeyrac et jusques aupres dune murrailhe qui faict fermure entre les foussez et aysinnes desdictz seigneur de Ribeyrac et de Soubran en illec fismes planter une aultre borne de boys en passant par lequel lyeu led seigneur de Soubran a dict laysinne estant des
103, LII (Jun1 10, 1759)
Le jardoin dudict Feuet jusques a la borne de son jardin neuf estre a luy comme estant des aysines et precloutures de son chasteau Et lors ledict Monthouzon a declaire que si ledict lyeu est du partaige dudict seigneur de Soubran et aysines du chasteau suyvant le partaige vieulx dudict Chasteau quil ne empesche poinct que la justice ne soit a luy Et dillec allasmes jusques au quarre du jardoin desdicts hoirs dudict de Feuet et au devant la porte de la maison dudict Monthouzon en illec fismes planter une aultre borne de boys Et dillit allasmes jusques et audevant les maisons des hoirs de feu maistre Guilhaulme Monthouzon et de Philip Bouliere dict le rat en illec et au pres dhung petit tartre estant et joingnant au chemyn que lon va de Montagrier a Brassac fismes planter une aultre borne de boys Ledict seigneur de Soubran nous dict que ladite borne estoit dans sa feudalite a caus de son droict de Roches requerant luy estre reserve ce que a este si aulcun en y a du consentement dudict Monthouzon comme procur’ dudict Deydie Et dillec allasmes jusques et au quarre de la vigne de Michel et Helyes
104, (Jun1 10, 1760)
Gravaulx en illec fismes planter une aultre borne de boys Et dillet allasmes et passames tout le chemyn que lon va dudict Montagrier a Montouphy en illec assignames et a tous aultres droicts ledict Roche procureur dud’ seigneur de Soubran pour veoir plantes les aultres bornes aulx endroicts et lieulx faisant division de ladite justice entre lesdicts seigneurs de Riberac et de Soubran Et estant aupres la maison de Louis Brachet dict farolle en absence dudict Roche procureur dudict seigneur de Soubran fismes planter une aultre borne de boys au pres le jardoin et vigne dudict Bruchet Et dillec allasmes tout ledict chemyn et jusques a ung quarre de la vigne de ceulx de Corne’guerre estant des appartenances du villaige de Noyaret en illec fismes planter une aultre borne de boys Et dillec allasmes tout le chemyn dud’ quarre four vers le villaige de Combe chave et jusques au quarre des terres des villaiges de Monthouphy et George en illec fismes planter une aultre borne de boys auquel plantement de toutes lesdicts bornes assista Grymon de Montagrier escuyer de Mourates
105, LIII (Jun1 10, 1761)
expert pour ledict seigneur de Soubran a faire ledict partaige de ladicte justice et jurisdiction de Montagrier avecques Guy Joubert escuyer seigneur de Montardit par ladvis duquel seigneur de Mourates Et suyvant le partaige par eulx faicts lesdicts bornes feurent plantees Et dillec allasmes tout le chemyn que lon va dud’ quarrefour vers le moulin de Rocheyrel jusques au quarre des terres et coderc en chaufert de ceulx de Lonlaigne auquel quarre fismes planter une borne de pierre par Francoys Boyssel laquelle faict division entre la justice dudict seigneur de Ribeyrac et de Soubran Et aussi dudict seigneur de Mourates pareilhement aussi entre la justice dudict seigneur de Soubran et de Mourates et du consentement desd’ seigneurs de Ribeyrac et de Mourates illec present commandasmes audict Francoys Boyssel aller planter deulx bornes entre les justices dud’ seigneur de Ribeyrac et de Mourates lhune au quarre des terres du villaige de la Feyte et aupres la grange des hoires de Leonard Boyssel et lautre a lautre quarre des
106, (Jun1 10, 1762)
terres dudict villaige de la Feyte au pres de la grange dudict Francoys Boyssel Lesquelz lyeulx nous feurent ainsi speciffiez par les parties illec presentes en leurs procureurs Et dillec nous en allasmes disner au chasteau dudict seigneur de Mourates Et a lappres disner dudict jour lesdicts seigneur de Ribeyrac et de Mourates avecques lesdicts Chassaing Monthouzon et Roche nous dirent eulx en aller planter des bornes Entre les justices desdicts seigneur de Riberac et de Mourates et incontinent appres lesdicts Chassaing et Monthouzon nous rappourtarent avoir marche ung aultre cheyne a ung quarre des terres dudict seigneur de Mourates et de Juillias Et dillec sen estoient allez tout le chemyn que lon va dudict quarrefour vers le villaige de la Coste jusques a ung aultre quarre des terres des Juillias ou ilz avoient faict marcher ung aultre arbre chayne pour borne Et dillec sen estoient allez jusques et au pres le villaige de Bouchilion ou ilz avoyent marche ung arbre chayne et ung aultre de pin estans dans la terre aparten’ audict seigneur de Mourates Et en
107, LIIII (Jun1 10, 1763)
marchant les dicts bornes avoyent laysse la justice dudict seigneur de Ribeyrac a main droicte et celle dudict seigneur de Mourates a main gauche et peu appres montasmes a cheval et nous en allasmes jusques au dict moulin de Rocheyreau apartenant audict seigneur de Mourates et jusques aulx prez des Valiers dans lesquels trouvames ung grand rouchier lequel fismes marcher pour divise et borne dentre la justice desdicts seigneur de Soubran et de Mourates laissant la justice dudict seigneur de Soubran a main droicte et cels dudict seigneur de Mourates a main gauche jusques au bort de la riviere de la Dronne en illec fismes planter et affiger par terre une borne de boys faisant mesmes division Et dillec nous en retournames audict lyeu de Montagrier et en nous en retournant et estant dans le grand chemyn par lequel lon va dudict moulin de Rocheyreau audict lyeu de Montagrier ledict seigneur de Mourates nous requist en presence desdicts Chassaing Monthouzon et Roche estre miz en possesion realle de ladicte justice a luy demeure en
108, (Jun1 10, 1764)
partaige avecques inhibition et deffence ausd’ seigneurs de Ribeyrac et de Soubran et tous aultres le troubler et empescher en icelle a peyne de deulx mille livres Et mesmes peynes estre faict commandement a tous les manans et habitans en icelle justice luy obeir et a ses officiers et luy prester serment en tel Cas requiz Et de sa part e offerst les tenir aulx franchises et libertes quilz ont acoustume par lesdictz Chassaing et Monthouzon pour led seigneur de Ribeyrac nous feust dict nempecher ledict seigneur de Mourates estre miz en possession realle de ce que luy est demeure en partaige de ladicte justice reserve audict seigneur de Ribeyrac hommaige a luy due pour raison de ce que ledict seigneur de Mourates tient en toute ladicte justice de Montagrier et parroisse de Brassac droict de riviere et aultres droictz a luy appartenantz en icelle justice demeure en partaige audict seigneur de Mourates En consentement desdictz Chassaing de Monthouzon et de Roche sans prejudice desdictz droictz nous mismes en possession realle ledict seigneur de Mourates de ce que luy est demeure par partaige en ladicte justice de
109, LV (Jun1 10, 1765)
Montagrier fismes inhibition et deffence ausd seigneur de Ribeyrac et de Soubran Et a tous aultres en general ne troubler et nempescher aulcunement ledict seigneur de Mourates en ladicte justice Et fismes commandement a Thene la croix Guilhem Jehan dict Trufieyras Pierre dict de Juby Jehan dict Jonasse Heliet filz de Jehan Pierre Arnault et grand Jehan Bonus y presentz obeyr audict seigneur de Mourates comme leur seigneur desdictz lyeulx dont lavoms miz en possession qui promisrent et iurarent estre bons subiectz aud seigneur de Mourates Et icelluy seigneur de Mourates promist et jura les tenir en leurs franchises et libertez et ce requerant led seigneur de Mourates luy octroyasmes noz lettres pour faire signiffier lesdictes inhibitions a qui bon luy semblera et commandement aulx habitans en ceste iustice de luy prester le serement au cas requiz Et dillec allasmes en ung villaige appelle Lonlaigue en ce requerant ledict Roche pour ledict seigneur de Soubran fismes commandement ez habitans dicelluy obeyr doresnavant audict seigneur de Soubran comme leur seigneur justicier Et Dillec
110, (Jun1 10, 1766)
allasmes jusques au quarrs des terres de ceulx de George de Montaufy En illec monstrasmes audict Roche procureur dudict seigneur de Soubran la borne de boys que avons faict planter audict quarre lequel Roche nous requist faire marcher ung arbre Serizier estant dans la terre de ceulx de George Et du couste de la justice dudict seigneur de Soubran lequel arbre serizier du consentement desdicts Chassaing etb Monthouzon fismes marcher en signe de borne Et dillec nous en retournames au lyeu de Montagrier et nous en retournant monstrames audict Roche toutes les bornes que avioms faict planter en son absence lequel appres les avoir veues ne dict aulcune chose et nempescha que lesdicts bornes ne feussent plantees audict lyeu ET ADVENANT le vintneufiesme desdictz moys et an heure de une heure appres midy ou envyron sont compareust par devant nous Bertran Joubert escuyer seigner Dalemans lequel constitua son procureur maistre Pierre la Faye pour prendre possession realle de son loct faire planter bornes sil estoit requiz
111, LVI (Jun1 10, 1767)
recepvoir le serement des subiects lequel t promist et iurei avoir pour agreable ce que par sondict procureur seroit faict en cest endroict ET ADVENANT lheure de deulx heures ou envyron sont comparuz par devant nouis ledict seigneur de Soubran en sa personne et Thony Giron Jehan et Guilhon Coursolandz tant pour eulx que pour leurs consors lesquels ont miz vers nous leurs deffences lesquelles avoms ordonne seroient communicquees aud seigneur de Soubran pour y dire ce quil apartiendra au plustost quil pourra Ledict seigneur de Soubran par lorgane de Guilhaulme de Monthouzon le vieulx a dict que lesdicts Coursolandz debuoient constituer procureur Qui ont dict non trouver Parce avoms en joinct a Guilhaulme Monthouzon le jeune leur servir de procureur Ledict seigneur de Soubran appres avoir veu lesd deffences a dict par lorgane dudict Guilhaulme Monthouzon le vieulx que nous devions cognoistre dicelle matiere comme deppendente de Larrest et execution dicell’ SURQUOY avoms appoincte en droict ledict procez sur les fins de non proceder & declinatoires Et a qui seulement en apartiendra La
112, (Jun1 10, 1768)
Cognoissance pour par nous en nostre rapport faict a la court y estre pourveu comme de raison Dont lesd Coursolandz ont proteste den appeller si nous voulions retenir la cognoissance du principal Ce faict en nostre presence lesd Coursolandz ont faict signer leurs deffences audict Guilhaulme Monthouzon le jeune daultant que ne estoient daulcun signoes SENSUYT la teneur desdicts deffences LESDICTZ Coursolandz deffendeurs et adjournez pardevant vous monsieur de Ferron conseilhier du roy en la court de parlement de Bourd a la requeste de Jehan de la Roche escuyer seigneur de Soubran et en partie de Montagrier demandeur en sommation Et aultrement requeste lentretenement de certain pretendu contraict DIENT quilz ont este mal et indeuement assignez par devant vous veue laction par Ledict Seigneur demandeur intentee Et la demande par luy faicte et bailhee par escript et que ladicte demande Et action na aulcune chose de commung avecques larrest bailhe entre ledict
113, LVII (Jun1 10, 1769)
Seigneur demandeur et aultres nommez par icelluy pour lexecution duquel vous mondict seigneur de Ferron avez este commiz & deppute par ladicte court comme lesdictz Coursoulandz ont entendu de laquelle execution darrest ne appandances dicell’ nest et ne peult estre laction par ledict de Soubran intentee Et par consequent vous ne pouvez et ne debuez soubz correction prendre cognoissance ne faire droict audict seigneur de Soubran surce quil demande Encore et suppose que les moulins mentionnez par sadictz demande luy soient entierement demeurez ce que lesd deffendeurs ignorent et ont juste cause ignorer et doibt surce luy semble ledict seigneur de Soubran se pourveoir contre lesdictz Coursolandz pour la poursuyte du contenu en sadicte demande par leur juge ordinaire et juge compectant par devant lequel lesdictz Coursolandz entendent desduyre et alleguer plusieures faictz pour leurs deffences et exceptione lors que led seigneur les poursuyvra lequel procez pourra avoir long traicte Et si lesd Coursolandz estoient contrainctz de respondre par devant vous fauldroyt que vous mondict seigneur
114, (Jun1 10, 1770)
fissiez sejour au present lyeu jusques a ce que ledict procez seroit instruict en quilz allassent playder et poursuyte ledict procez a vostre suyte a quoy ne y auroit et ne soubz correction propoz raison ne apparance Quoy veu dient debuoir estre relaxez de lassignation a eulx bailhce avec despens Ainsi signe G Monthouzon le jeune par commandement Desdictz Coursolandz y presentz ET ADVENANT Le dernier jour desdictz moys et an heure de huict heures du matin ou envyron presentz lesdictz Roche pour ledict seigneur de Soubran lesdictz de Laage et Monthouzon pour ledict seigneur de Ribeyrac ce requerans nous vouloir tranpourter de nostre logiz a ung chemyn que lon va de croix pierre vers le moulin du Pont et au pres du jardoin de maistre Pierre la Faye pour planter bornes entre la justice desdictz srs de Ribeyrac et de Soubran en illec et au prez de la murailhe qui forme le jardoin dudict la Faye fismes planter par terre une borne de boys a laquelle
115, LVIII (Jun1 10, 1771)
comme les parties se sont accordez la borne que avioms faict planter Sapmedy dernier aupres la maison des hoirs de Jehan Chanauld dict bourriquet vient Et dillec allasmes tout ledict chemyn et jusques au quarre de la terre appelle la Combe dudict seigneur de Ribeyrac auquel quarre fismes planter une aultre borne de boys et appres avoir faict planter ladicte borne de boys Lesdictz de Laage et Monthouzon nous requirent de faire planter une aultre a ung quarre de la terre de maistre Jehan Bouliere cure de Sainct Germain et joignant au chemyn que lon va de ladicte croix pierre vers ledicte moulin du Pont LEDICT Roche pour ledict seigneur de Soubran dict que ladicte borne ne debuoit estre plantee audict lyeu et endroict Ams au quarre de la vigne en treilhages de Jehan Bournilhaud Et qu ladicte borne dernierement plantee alloyt tout droict au fleuve de la Drone pres le pre dudict maistre Jehan Bouliere Et passant par le chemyn processional par lequel lon va de ladicte borne au quarre de la terre appellee la Blanchie LESDICTZ de Laage Et Monthouzon dirent que par le rapport Des
116, (Jun1 10, 1772)
seigneurs de Montardit et Mourates expertz estenz par lesdictes parties Lesquels ont faict le partaige de ladicte justice apert du contraire Surquoy nous revismes planter ladicte borne jusques a ce que uny surce lesd seigneurs de Montardit et Mourates Lesquels envoyasmes querir Et dillec nous en allasmes au prez le moulin du Pont en illec et prez le fleuve de la Drone et ung fousse qui forme le pre de Coulas Bouliere fismes planter une aultre borne de boys Et dillec lesdictz Monthouzon pour ledict seigneur de Ribeyrac Helyes Hugon et Guilhaulme Monthouzon pour ledict seigneur de Soubran passarent ladicte riviere de la Drone avecques ung petit bateau jusques et au dedans le pre dudict maistre Jehan Bouliere cure dudict Sainct Germain Lesquels en nostre presence et ce voyans ensemble Lesdictz de Laage et Roche plantarent une aultre borne de beys dans ledict pre Et au prez dhung houlmeau et dillec nous en retournasmes disner envyron lheure de midy en nostredict logiz de Montagrier ET ADVENANT Ledict jour heure de une heure appres midy ou envyron se compareurent par devant nous Lesdictz de Laage
117, LIX (Jun1 10, 1773)
Chassaing et Monthouzon pour ledict seigneur de Ribeyrac Et ledict seigneur de Soubran en sa personne avecques ledict Roche son procureur Lequel de Laage nous dict lesd seigneurs de Montardit et de Mourates experts a faire le partaige de la justice dentre lesd seigneur de Ribeyrac et de Soubran estre audict lyeu de Montagrier PARQUOY nous requist aller sur les lyeu en lesdicts avoyent bon le matin different de planter la borne auquel lyeu allasmes avecques lesd parties lesdictz seigneurs de Montardit et de Mourates Et estans prez le quarre de la terre appelle la Combe apartenant audict seigneur de Ribeyrac en avioms plante une borne de laquelle borne ledict de Laage pour ledict Deydie nous dict que de ladicte borne la divise de la justice dentre lesd seigneurs de Ribeyrac et de Soubran alloyt tout le chemyn que lon va de ladicte borne vers le moulin du Pont Et jusques a la borne plantee prez le fleuve de la Drone LEDICT Roche pour ledict seigneur de Soubran dict que ladicte borne en alloyt tout le chemyn processional jusques au quarre de la terre appellee la
118, (Jun1 10, 1774)
Blanchie Et dillec tout droict a la borne plantee prez le fleuve de la Drone SURQUOY nous unysmes lesdictz seigneurs de Montardit et Mourates lesquels ut ung chascun deux nous dirent appres avoir veu leur rapport cy devant bailhe et miz vers nous les boynes estre bien plantees Et par leur adviz veu et ouy leur dire fismes planter une aultre borne de boys au quarre de la terre de maistre Jehan Bonliere pbtr’ Et appres avoir plante ladicte borne ledict Monthouzon pour ledict seigneur de Ribeirac nous requist faire prester le serement a Jehan Tanxe et a Loys Brachet y presentz destre bons et loyaulx subiectz et de obeyr audict seigneur de Ribeyrac comme a leur seigneur justicier Et que icelluy Monthouzon pour ledict seigneur de Ribeyrac feust miz en possession realle de tout ce que luy est demeure en partaige en toute la justice de Montagrier ses appandances et dependances Et estre faict inhibition et deffence audict seigneur de Soubran illec present ne troubler et empescher en sa possession et jouyssan’ ledict seigneur de Ribeyrac de ce que
119, LX (Jun1 10, 1775)
Luy est demeure en partaige Aquoy led sre de Soubran ne incista poinct sans prejudice de ses aultres droictz Et nous mismes ledict Monthouzon au nom dudict seigneur de Ribeyrac en possession realle de tout ce quest demeure en partaige audict seigneur de Ribeyrac en toute la justice de Montagrier ses appandances et deppences fismes inhibition et deffence audict seigneur de Soubran et a tous aultres ne troubler et empescher led seigneur de Ribeyrac en ce que luy est demeure par sondict partaige a peyne de dix mille livres tourenoyses Et fismes prester le serement ausdict Tanxe et Brachet destre de bons et loyaulx subiectz et obeyr audict seigneur de Ribeyrac comme a leur seigneur iusticier Pareilhement requerant ce ledict seigneur de Soubran le mismes en possession realle de ce que luy estoit obvenu en partaige de ladicte justice de Montagrier Et fismes prester le serement a quelques personaiges illec trouvez Et fismes semblables inhibition dudict seigneur de Ribeyrac et a tous aultres sans prejudice des droictz de riviere lhomaige Et autres droictz que ledict seigneur de Ribeyrac pretend en ce qui est obvenu en partaige audict seigneur de Soubran et appres nous en
120, (Jun1 10, 1776)
retournames a nostre logiz ET ADVENANT Ledict jour en nostredict logiz heure de une heure appres midy ou envyron se compareurent par devant nous lesdictz de Laage Chassaing et Monthouzon pour ledict seigneur de Ribeyrac lesquels nous requirent que ledict Roche y present pour ledict seigneur de Soubran bailhast le partaige et loctz des rentes suyvant nos appoinctementz precedentz lequel Roche incontinent nous bailha certain dire et requist que ledict seigneur de Ribeyrac y fist responce promptement lequel dire communicquames ausdictz de Laage Chassaing et Monthouzon pour y venir dire et respondre presetement ce que bon luy sembleroyt Et incontinent appres se comparust par devant nous ledict seigneur de Ribeyrac en personne avec lesdictz de Laage Chassaing et Monthouzon Et ledict Roche pour ledict seigneur de Soubran Lequel de Laage nous bailha certain aultre dire respondant au dire bailhe par ledict Roche pour ledict seigneur de Soubran VEU Lesquels dires appoinctasmes que ledict seigneur de Soubran viendroyt exhiber
121, LXI (Jun1 10, 1777)
Et mectre vers nous ledict loct et partaige des rentes dans huictaine appres la feste de Sainct Martin diver prochainement venant pour tous delays et sans esperance dau’e delay sauf a faire droict audict seigneur de Ribeyrac de tous despens dommaiges et interestz et requisition dudict de Laage dont luy sera faict droict sans aultre forcension ne commination et sans que soyt plus mestier declairer aulcune chose ez parties et a faulte dobeyr par ledict seigneur de Soubran en estre faict nostre rapport a la court en par nous y estre pourveu comme de raison Dont ledict seigneur de Ribeyrac a protester dappeller Et de tous deppens dommaiges et inerestz Parailhement aussi ledict Roche pour ledict seigneur de Soubran a proteste dappeller SENSUYT la teneur desdictz dires ROCHE pour ledict Jehan de la Roche escuyer seigneur de Soubran et de Montagrier en ses parties Dict comparoir par devant vous monsieur de Ferron commissaire en ceste partie sans prejudice de son appel interiecte et a interiecter et sans icell’ couvrir Et /v/ partaige desdictes rentes est de grand consequence luy ont estez de present communicques par ledict Deydie
122, (Jun1 10, 1778)
Lesquels il ne luy seroyt possible de veoir ne faire veoir dans ung si brief delay que luy a este bailhe et moings dans ledict delay pouvoir estre informe de la Scituation commodite ou incommodite desdictes rentes comme il offre se purger par serement Et aussi navoir veu jamais lesdictz tiltres et terriers daultant quil estoit lors a la guerre pour le service du roy ou il auroyt demeure ung long temps Et mesmes auroit este prins par les gens de Lempereur audictes guerres ou il seroit aussi demeure long temps Et a ceste cause nauroyt peu mectre ordre audict affaire joinct aussi que despuys les arrestz qui ont estez cy devant bailhez en la court pour faire les susdictz partaiges Il y a heu pluisieurs aultres incidentz que ont estez sur ce faictz et vuydez Dont Sensuyt que ledict seigneur de Soubran na este de son couste aulcunement en demeure comme nest de present Et neaulmoings offre se purger par serement quil ne demande poinct aulcun delay calomnieusement et frustatoirement pour sevyr ou delayer lexecution de larrest Ainsi pource que ledict delay luy est
123, LXII (Jun1 10, 1779)
necessaire requerant delay de deulx moys en aultre bon et compectent delay pour faire ledict partaige offrant dans le susdict delay icelluy partaige faire Et en il nauroyt obey que ledict arrest soyt execute a ses despens Et de tant que ne luy vouldriez bailher le susdict delay proteste de rellever susdict appel et des atamptatz Ainsi signe Roche ET QUE De Laage pour ledict Deydie a dict que veu les delays precedentz quil ne y a lyeu donner autre delay audict de la Roche pour faire ledict partaige des rentes joinct quil y a unze ans quil est condempne a faire led partaige quest pour responce a ce que ledict de la Roche dict avoir demeure au service du roy au faict des guerres et prisonnier que ne pourroyt estre en tout troys ans Et pour responce a ce que dict que na veu les tiltres a luy communicques rescentement et quil nestoit informe diceulx Dict que ledict de la Roche en maistre Condroy son procureur auroyt heu communicquation desdictz tiltres et iceulx gardez depuys le second jour de mars mil cinq cens cinquante troys (1553) jusques au second daoust appres ensuyvent que sont cinq moys parquoy
124, (Sept1 10, 1965)
Dict icelluy de la Roche ne se pouvoir excuser de faire ledict partaige et quil luy doibt estre enjoinct en executant les sentence et arrestz precedentz faire led partaige promptement a peyne de dix mille livres ou de privation de tout le droict et cothite quil pretend ausdictes rentes Et en nous vouldrioms bailher aultre delay audict de la Roche que seroyt ung quart delay que nous et le conseilh dudict Deydie debuoms demeurer sur les lieulx aux despens dicelluy de la Roche Car icelluy de la Roche ne feroyt jamays executer led arrest a quoy Conclud et aulx despens dommaiges et interestz Ainsi signe J de Laage Et neaulmoings led Monthouzon procureur dudict Deydie a offert exhiber audict de la Roche toutes les cedes de recognoissances et aultres contraictz quil a devers luy comme collationnaire de feuz maistre Denys Fort et Guilhaulme Monthouzon affin que ledict de la Roche naye excuse de faire ledict partaige Ainsi signe J Monthouzon ET ADVENANT Ledict jour heure de troys heures ou envyron
125, LXIII (Sept1 10, 1966)
Ce requerant lesdictz Monthouzon pour ledict Deydie et Pierre de la Faye procureur de Bertran Joubert escuyer seigneur Dalemans nous en allasmes de notre logiz au pres le villaige de Tarrades en la parroisse et justice de Montagrier pour faire planter bornes entre la justice desdictz seigneurs de Ribeyrac et celle dudict Joubert Et illec estant fismes planter par terre une borne de boys au prez le chemyn que lon va dudict lyeu de Montagrier vers Ribeyrac et entre le pre de Laurans Maigne Et la terre de ceulx de Fourton Et appres avoir faict planter ladicte borne ce requerant ledict la Faye fismes jurer a Bernard et Roubert Maignas destre bons et loyaulx subiectz audict seigneur Dalemans et luy obeyr comme a leur seigneur & maistre Et dillec nous en allasmes tout le long des prez des Pichotes et les terres et prez des Fourthons jusques a ung quarre des prez desdictz Fourthons auquel quarre fismes marcher ung aubier pour borne et au pres la fontaine audict villaige de Forthon Et Dillec allasmes tout le chemyn qui faict divise entre le pre desdictz de Forthon et
126, (Sept1 10, 1967)
les terres de Pichote Et jusques a ung petit tertre quest en la terre de Jehanicet Maigne auquel tertre fismes planter une aultre borne de boys Et dillec allasmes tout ledict chemyn et jusques au quarre de la terre dudict Jehanicet Maigne auquel quarre fismes planter par terre une aultre borne de boys aulbier Et Dillec nous en allasmes tout ledict chemyn qui faict divise entre lesd Pichotes et Mayne du Puy jusques a ung arbre chayne qui faict divise entre la tere de Bernard Maigne Et ledict maynement Et Dillec allasmes tout ledict chemyn jusques a ung quarre de la terre dudict Bernard Maigne auquel quarre fismes planter par terre une aultre borne de boys et prez le chemyn que lon va de Souzet au Maynement du Puy Et Dillec allasmes tout ledict chemyn et jusques au quarre de la vigne des hoirs de maistre Guilhaulme Monthouzon auquel quarre fismes planter par terre une aultre borne de boys et entre ladicte vigne et les terres des Combes Et dillec allasmes tout le chemyn qui faict division entre les villaiges des Rivyeras et le villaige des Combes jusques a ung aultre chemyn que lon
127, LXIIII (Sept1 10, 1968)
va dudict Montagrier a Ribeyrac et au quarre dhune terre de revolte et Dillec va tout le chemyn que lon va dillec aulx tiblieres des Serieziels Et appres nous en retournasmes et en nous retournant passames par le villaige de Rivyeres auquel villaige se requerant ledict la Faye fismes prester le serement a Guilhon et Guilhem dict borde petis destre bons et loyaulx subiectz audict seigneur Dalemans et luy obeir comme leur seigneur justicier et pareilhement audict seigneur Dalemans destre bon seigneur et les tenir en leurs libertez que estoient auparavant Et dillec allasmes jusques a ung quarre de terre appelle la Clauze des Durous en fismes planter une borne de boys Et Dillec allasmes a lautre quarre de ladicte terre et prez le fleuve de la Drone en fismes planter une aultre borne de boys Et dillec nous en retournasmes a nostredict logiz et estant audict lyeu de Montagrier et au lyeu appelle la Mayade du Chasteau fismes prester le serement a Jehan Bouliere dict faber et a Chambauld Madamy y pnes’ requerant ledict Monthouzon pour ledict
128, (Sept1 10, 1969)
seigneur de Ribeyrac destre bons & loyaulx subiestz et obeyr audict seigneur de Ribeyrac comme a leur seigneur justicier Aussi fismes prester serement ce requerant ledict Roche pour ledict seigneur de Soubran a plusieurs desdictz habitans Scavoir est a Estienne Trimolines sergent royal a maistre Guilhaulme Lovucos Guilhem Magot Berthomyen Bouliere Helyes Hugon maistres Guilhaulme Monthouzon et Pierre la Faye qui promirent et iurarent estre bons et loyaulx subiectz audict seigneur de Soubran et de luy obeyr comme a leur sre justicier ET ADVENANT Le premier jour doctobre audict an heure de sept heures du matin ou envyron se compareust par devant nous ledict Roche pour led seigneur de Soubran lequel nous requist recepvoir le serement de Mathurin et Jehan Boulieres Chambault Jehan Arnanthon du Petit Breuilh puy Bouliere Chambault Solingeur y presentz lesquelz promirent et iurarent estre bons et loyaulx subiectz et obeyr audict seigneur de Soubran comme leur seigneur justicier et pareilhement led
129, LXV (Sept1 10, 1970)
Roche jura et promist pour ledict seigneur de Soubran les tenir en leurs libertez comme ilz estoient auparavant ET ADVENANT Lheure de neuf heures ou envyron ce requerans Guy Joubert escuyer seigneur de Montardit Jehan de Montardit escuyer seigneur de Lascoux Ledict Monthouzon pour ledict seigneur de Ribeyrac de nostre logiz nous transpourtasmes au lyeu appelle Vaulobe pour planter bornes entre la justice desdictz seigneurs de Ribeyrac et de Montardit Et illec estans en presence desd seigneur de Montardit et Monthouzon pour ledict seigneur de Ribeyrac fismes planter par terre une borne de boys a ung chemyn public par lequel lon va de ladicte borne vers le moulin de Veynac Et aussi de lad borne vers le villaige du Boysset et dillec allasmes tout le long du chemyn que lon va de ladicte borne vers ledict Boysset jusques au quarre de terre de Gerault Bertin auquel quarre fismes mercher ung serizier par borne Et Dillec allasmes tout ledict chemyn jusques et au quarre
130, (Sept1 10, 1971)
de la terre de Francoys Maziere en fismes planter par terre und aultre borne de boys Et Dillec allasmes tout ledict chemyn jusques au quarre des terre de Gerault Maziere et Loys Maziere dict rondan en fismes mercher par borne ung serizier estant dans les terres dudict Gerault Maziere et ung chayne dans la terre dudict Loys Et Dillec allasmes tout ledict chemyn jusques au quarre de la vigne dudict seigneur de Montardit en fismes planter une borne de boys qui faict divise dentre la justice desdictz seigneur de Riberac Montardit et Lascoux et Dillec allasmes tout ledict chemyn jusques a la divise des parroisses de Brassac et Sainct Victour en fismes une aultre borne de boys qui faict divise dentre la justice desdictz seigneurs de Ribeyrac et Lascoux tirant vers la font appelle du Mayne des Seriyels jusques au chemyn que lon va de Sainct Victour a Brassac Et dillec allasmes au pres du ruisseau appelle le Jalleux et a la divise des villaiges de Montardit et la Vallade lequel villaige de la Vallade et apartenances
131, LXVI (Sep1 10, 1972)
Dicelluy demeurent entierement en justice audict seigneur de Lascoux et le villaige de Montardit audict seigneur de Montardit en fismes planter une aultre borne de boys qui faict divise dentre la justice desdictz seigneurs de Montardit et Lascoux Et Dillec allasmes tout le long dud ruisseau jusques au quarre de pre dud seigneur de Montardit entre lequel et le pre de ceulx de la Farge fismes planter une aultre borne de boys et au prez ledict ruisseau de Jaleulx qui faict mesmes divise Et Dillec allasmes tout le long et entre lesd deux prez et jusques a laultre quarre desdictz deux prez et pres le chemyn que lon va du villaige de Montardit au moulin de Lascoux en fismes planter une aultre borne de boys Et Dillec nous en allasmes a ung chemyn quest entre le moulin de maistre Jehan la Faye et le moulin des Boucz appelle le moulin de Veynac ou fismes planter une aultre borne de boys qui faict divise entre la justice desdictz seigneurs de Ribeyrac et de Montardit
132, (Sept1 10, 1973)
Et des la borne ce jourdhuy par nous faicte planter au lyeu appelle Vaulobe Et venant tout le chemyn que vient de ladicte borne de Vaulobe jusques a la borne illec plantee Et dillec allasmes tout le chemyn que lon va de ladicte borne vers le villaige de Lamont jusques au quarre des terres du villaige des Plantiers ou avoms faict planter deulx aultres bornes de boys et de chascun couste de chemyn une Et Dillec allant tout le chemyn que lon va desd bornes vers ledict villaige de Lamont jusques a la justice de Cele et dillec nous en allasmes disner au chasteau de Montardit Lesquelles bornes ont este plantees en absence dudict seigneur de Lascoux ET ADVENANT Ledict jour heure de une heure appres midy ou envyron estans audict chasteau de Montardit se comparurent par devant nous en personne Ledict seigneur de Lascoux lequel dict et declaire tenir pour bon et vallable les bornes que avioms faict planter ce matin Et neaulmoings a dict que cy devant ledict seigneur de Ribeyrac luy auroit accorde en faisant le partaige
133, LXVII (Sept1 10, 1974)
de ladicte justice quil luy parmectoyt pescher et faire pescher en la riviere de la Dronne que faisoit au paravant le partaige de ladicte justice Aussi luy parmectoyt prendre sepultures et faire banc en leglise de Sainct Victour appres que ledict seigneur de Ribeyrac auroyt prins et choisy lhung des constez de lad eglise et celluy que bon luy semblera Et semblables permitions auroyt bailhe a Bertran Joubert escuyer seigneur Dalemans Et incontinent ledict seigneur de Lascoux a requiz estre miz en possession realle de ce que luy est demeure en partaige de ladicte justice ce que fismes Et Ledict Monthouzon pour ledict seigneur de Ribeyrac a au tout accorde mesmes quant ez droictz de pescher et aultres honeurs de leglise ET ADVENANT Ledict jour ledict seigneur de Montardit nous requiert que ledict Chambault Jehan dict Valadon Pierre et Jehan dict Janchon des Vergnes luy eussent a prester le serement destre ses bons et loyaulx subiects et quil feust miz en
134, (Sept1 10, 1975)
possession realle de ce que luy estoit demeure en partaige de ladicte justice Ce que fismes Et lesdictz des Vergnes promirent et jurarent destre bons et loyaulx subiectz audict seigneur de Montardit Pareilhement aussi Ledict seigneur de Montardit a promiz et jure destre leur bon seigneur Et les tenir en leurs franchises et libretez comme au paravan’ ilz estoient Et ce faict nous en partismes pour revenir en nostre maison ou arrivasmes le quatriesme jour doctobre et receusmes pour noz vacquations et scalaires par les mains dudict Monthouzon procureur dudict seigneur de Ribeyrac La somme de quarante huict escuz Et nous fismes au retour nos Despens sur ladicte somme ET ADVENANT Le vingtungiesme jour de novembre audict an en la ville de Liborne y sceant le parlement Se compareust par devant nous Maistre Pierre Deybrailh procureur dudict seigneur De Ribeyrac lequel requist suyvant noz derriers appoinctementz nous estans sur les lyeulx que ledict seigneur de Soubran eust a remectre le partaige des rentes de la
135, LXVIII (Sept1 10, 1976)
Terre et Seigneurie de Montagrier Et ce a peinne de dix mille livres & de tous Despens dommaiges et interestz SURQUOY appoinctasmes que Ledict seigneur de Soubran viendroyt bailher le partaige desdictes rentes ou dire causes et raisons quil nestoit tenu Et ce a peyne de Cinq cens livres au premier jour Et luy seroyt signiffie Ce que feust faict par nostre clerc comme il nous relata parlant aud Ythier son procureur qui fist responce que presentement ledict seigneur de Soubran luy avoyt envoye ledict partaige lequel il verroyt Aujoudhuy pour ce faict le mectre par devers nous dans le lendemain par tout ce jour ET ADVENANT Le vingtdeuxiesme jour desdictz moys & an yssens de court Se compareurent par devant nous ledict Deybrailh pour led seigneur de Ribeyrac & ledict Ythier pour ledict seigneur de Soubran Et les comparitions faictes ledict Ythier obeyssant a nostre appoinctement precedent mist par devers nous les loctz & partaige desdictes rentes de Montagrier Requerant que led seigneur de Ribeyrac y dict ce que bon luy sembleroyt Et par ledict Deybrailh feust requis veoir lesdictz loctz & Delay de quinzqaine pour
136, (Sept1 10, 1977)
Iceulx communicquer au seigneur de Ribeyrac Et neaulmoings requist que commandement feust faict a peinne de deulx mille livres au procureur dudict seigneur de Soubran a qui nous estant sur les lyeulx Ledict seigneur de Ribeyrac auroyt faict bailher plusieurs instrumentz consernantz lesdictes rentes Iceulx rendre par ledict Ythier feust dict ne scavoir quant a luy que cestoit desdictz instrumentz SURQUOY Appoinctasmes que ledict Deybrailh verroyt lesdictz loctz Et y viendroyt deliberer a quinzainne & neaulmoings que commandement seroyt faict a peinne de cinq cens livres au procureur dud seigneur de Soubran qui auroyt retire lesdictz instrumentz consernants lesdictes rentes diceulx rendre & restituer dans troys jours ET Ledict jour deux loctz du partaige des rentes de la chastellanie de Montagrier faictz par ledict de la Roche feurent bailhez a Maistre Denys Symonet solliciteur dud seigneur de Ribeyrac lesquels loctz depuys auroyt remis par devers nous Desquels la teneur SENSUYT CE SONT les loctz
137, LXIX (Sept1 10, 1978)
Et partaiges des rentes que messire Jehan de la Roche chevalier seigneur de Soubran et de Montagrier en partie bailhe par devant vous Monseigneur Maistre Arnauld de Ferron Conseilhier du roy en sa court de parlement de Bourdeaulx Et commissaire par icelle deppute a messire Francoys Deydie chevalier seigneur de Ribeyrac Et ce suyvant vre’ appoinctement cy devant bailhe Et pour et affin que ledict Deydie joysse de lhung diceulx Et que laultre il fasse le partaige aud de la Roche Sans preiudice daultre plus ample rente & droictz que seroyent en la jurisdicition & seigneurie de Montagrier ses appendences et deppendences pour raison des rentes deues audict lyeu de Montagrier & Chasteau que led seigneur de Soubran nauroyt peu tronner ne partaiger Et aussi sans preiudice des Arreraiges loctz & ventes & aultres susdictz droictz sauf daugmenter ou diminuer ET PREMIEREME’ Catherine Magnane froment demy boyceau Jeuhanisson Thimon de Montagrier froment quatre boyceaulx Avoyne la troysiesme
138, (Sept1 10, 1979)
partie ung boyceau Les hoirs de Maistre Gauilhaume Monthouzon froment sept boyceaulx ung picotin ung tiers de picotin Avoyne deux boiceaulx Cinq picotins ung tiers picotin Argent treze soulz neuf den’ tourn’ Jehanne des Pres vefue de feu Jehan Centiur froment deulx boyceaulx et demy Avoyne ung boyceau et demy Argent trente six soulz Gellines troys Chappons ung Jehan Chappeau Argent Cinq soulz Gelline une Peyronne Thimonie vefue de feu Raymond Charle froment deux picotins Argent six den’ Penele Nougarete froment demy boyceau Argent vint cinq soulz Gellines quatre Chambault Mandany froment douze boyceaulx argent treze soulz neuf denier Gelline une Agnete Segnyve femme de Robert Brache Argent dix soulz tourn’ Gelline une Francoyse Petite vefue de feu Denys Granault Argent Cinq soulz tourn’ Mathurin Bouliere mareschal Argent sept soulz six den’ tourn’ Gelline une Jehan Symonie froment ung boyceau deux picotins Argent Cinq soulz six den’ tourn’ Gelline une Archambault Symonet froment demy boyceau Argent Cinq soulz six den’ tourn’
139, LXX (Sept1 10, 1980)
Coulas la Faye froment vingt troys boyceaulx Avoyne huict boyceaulx Argent Cinquante quatre soulz Gelline une Les hoirs de Francoys Fort froment troys boyceaulx et demy deux picotins Avoyne deux boyceaulx Chappons deux Francoys Moulin jardrinier froment ung boyceau Avoyne demy boyceau Gelline une Plus ledict Francoys Moulin ses nepveux Argent Cinq soulz tournoys Gellines deux Plus ledict Moulin froment Cinq picotins Leonard Fradet froment ung boyceau troys picotins Argent dix soulz six den’ tourn’ Gellines deux Journal ung Messire Jehan Bouliere pbre’ Cure de Sainct Germain froment quatre boyceaulx Argent seze soulz huict den’ tourn’ Gelline demye Maistre Jehan Rigondie en son vivant Declaira pour maistre Guilhaulme Bouliere froment Dix boyceaulx Argent Cinq soulz dix den’ tourn’ Gellines deux Francoys Joudy froment de cinq parties les deux dung boyceau Phillipon Courty froment demy boyceau Coulas Bouliere de Montagrier froment quatre boyceaux und picotin Penot Parceau froment troys boyceaulx Argent sept soulz six den’ tourn’ Gelline
140, (Sept1 10, 1981)
une Symon Mandany froment sept boyceaulx Avoyne quatre boyceaulx Argent six soulz dix den’ tourn’ Chappon ung Gelline une Guilhaulme et aultre Guilhaulme Mandanys froment sept boyceaulx et demy troys picotins Avoyne cinq boyceaulx Argent dix soulz dix den’ tourn’ Gelline une Chappons ung et la troysiesme partie de deux gellines Francoys Mandany froment troys boyceaulx et demy Avoyne deux boyceaulx et demy Argent quinze soulz Cinq den’ tourn’ la moitie dung chappon et la troysiesme partie de deux gellines Helyes Mandany froment ung boyceau et demy Avoyne demy boyceau ung picotin la septiesme partie dung chappon Et de la septiesme partie dune troysiesme partie de deux gellines Symon Mandany le jeune froment troys boyceaulx et demy avoyne deux boyceaulx et cinq picotins Argent Cinq soulz six den’ tourn’ Chappons demy Gelline demye Pey Maigne froment demy boyceau Jehan Maigne froment demy boyceau Gellines deux Argent vingt den’ tourn’ Arnauld Nougaret froment demy boyceau Argent six den’ tournoys Mathurin Mandany froment troys boyceaulx et demy Avoyne deux boyceaulx et demy
141, LXXI (Sept1 10, 1982)
Argent troys soulz six den’ tourn’ Chappon demy Gelline la troysiesme partie de deux gellines Loys Brache froment ung boyceau Martial Siuray froment six piccotins Avoyne six piccotins Argent Dix den’ tourn’ Pierre Bouliere froment sept boyceaulx et deux piccotins Pey Jacmes froment ung boyceau Argent six den’ tourn’ Jehan Tymon de Lajarige froment deux charges Argent Cinq soulz tourn’ Gellines deux Sebastien Bloy et son frere froment quatre boyceaulx Argent unze soulz six den’ tourn’ Avoyne ung boyceau et ung piccotin Jehan Mandany et son frere et nepveulx froment huict boyceaulx Avoyne quatre boyceaulx argent dix soulz tourn’ Chappon ung et la troysiesme partie de deux gellines Jehan de Puychar froment huict boyceaulx et demy Avoyne ung boyceau et deux parties de cinq faisant le tout de deux gellines deux gellines Loys de Lescure & Pierre Martial leurs consors froment demy boyceau deux piccotins Argent dix huict den’ tourn’ Ginete Bouffeyme vefue de feu Leonard Mandany froment ung boyceau Avoyne Cinq piccotins La septiesme partie de dix soulz la septiesme partie de deux gellines Jehan
142, (Sept1 10, 1983)
Bouliere dict le goujas et ses consors froment troys boyceaulx deux piccotins Avoyne deux boyceaulx Argent Cinq soulz tourn’ Chappon demy la huictiesme partie de deux gellines Symon Mandary et son frere froment dix boyceaulx deux piccotins Avoyne six boyceaulx Argent dix soulz troys den’ tourn’ Chappons ung la troysiesme partie de deux gellines Anthoyne Mandary & ses parsonniers que sont Estienne Et Marille Mandarys froment troys boyceaulx et demy Avoyne deux boyceaulx et deux piccotins argent Cinq soulz six den’ tourn’ Chappon demy Gelline demye Jehanisson Thimon du pible froment quatre boyceaulx Et la troysiesme partie dung boyceau anoyne Jehan Charle de Combe Mosnier et ses freres froment dix boyceaulx Avoyne Cinq boyceaulx Argent dix soulz tourn’ Gelline demye Pey Charle et son frere froment six boyceaulx et demy Avoyne ung boyceau Gelline demye Argent six soulz troys den’ tourn’ Loys Charle & son frere froment troys boyceaulx et demy Avoyne ung boyceau Argent douze den’ tourn’ Gellines la quatriesme partie
143, LXXII (Sept1 10, 1984)
dhune Ramonye Charle froment ung boyceau et demy Avoyne demy boyceau Argent dixhuict den’ tourn’ la quatriesme partie dhune gelline Jehan Symonie et ses freres froment ung boyceau deux piccotins Argent Cinq soulz six den’ tourn’ Gelline une Jehanne Fradete froment deux boyceaulx Avoyne ung boyceau Argent douze den’ tourn’ Chappon ung Loys Brache froment ung boyceau Martial Petit froment neuf boyceaulx Avoyne deux boyceaulx Jehan du Picq et son frere froment vingt boyceaulx & demy Avoyne quatre boyceaulx Argent quatre soulz tourn’ Gelline une Pierre Glonney & ses freres froment ung boyceau Avoyne demy boyceau Gelline une Maistre Jehan Monthouzon et Jehan son frere froment sept boyceaulx et demy Avoyne six boyceaulx Argent six soulz tourn’ Chappon demy gelline une Ledict maistre Jehan pour une maison quil tient a Montagrier Argent quatre soulz tourn’ LES TENANCIERS En villaige de Durou Philippon de la Combe et ses consortz & Gerauld Chassaigne froment six charges Argent neuf soulz tourn’ Gelline demye
144, (Sept1 10, 1985)
Anthoyne Coursouland et ses consortz Contenanciers du moulin de Souzet froment Douze boyceaulx Argent deux soulz six den’ tourn’ Gelline une Denys Gandilh son frere Et parsonniers froment quinze boyceaulx et demy argent sept soulz sept den’ tourn’ Gelline une LES TENANCIERS Du maynement de la Grange des Faures Mariote Bouliere femme de Helyes Hugon froment Cinq boyceaulx Avoyne ung boyceau et demy Jehan Bouliere dict de tourene froment Cinq boyceaulx Avoyne ung boyceau & demy Cathon Bouliere froment deux boyceaulx Avoyne ung boyceau Helyes Maigne dict pichot froment ung boyceau Avoyne ung boyceau Argent deux soulz tourn’ Guilhaulme & Leonard Vouldon dict de la balade froment ung boyceau Avoyne ung boyceau Argent deux soulz six den’ tourn’ Gelline une Guilhem Bouliere dict du petit goyas Avoyne cinq boyceaulx & demy Jehan Maigne dict pouche froment demy boyceau Avoyne deux boyceaulx Argent deux soulz tourn’ Gellines une Pierre Estournel & ses freres froment Cinq boyceaulx Avoyne Cinq boyceaulx Jehan Estournel froment deux boyceaulx Avoyne deux boyceaulx Argent deux soulz tourn’
145, LXXIII (Sept1 10, 1986)
Gelline une Anthoine Lixaudeau froment deux boyceaulx Avoyne deux boyceaulx Jehan Bouliere dict de bourgeys froment deux boyceaulx et demy Avoyne ung boyceau Pierre Brotin le vieulx froment deux piccotins Avoyne deux piccotins Argent troys den’ tournoys Francoys Souchier Avoyne deux piccotins Jehan Mandany dict rinault du grand gouyas Avoyne deux boyceaulx Gellines deux Anthoyne Montilhaud du Boysse Avoyne ung boyceau Gellines deux Jehan de las Ayras filz de Pelut froment ung boyceau Avoyne ung boyceau Anthoyne du Monlelh dict bourbonne froment ung boyceau Avoyne ung boyceau Argent deux soulz deux den’ tourn’ Gelline demye Leonard de la Brugiere mouton ung Jehan du Royeu dict talabente moutons deux Jehan de Freyssanges mouton ung BRASSAC Francoys de la Font froment quatre boyceaulx Argent sept soulz six den’ tourn’ Pierre Moulin froment deux boyceaulx Avoyne ung boyceau Argent dixhuict den’ tourn’ Gelline demye Pierre Arnault froment quatre boyceaulx Avoyne deux boyceaulx Argent troys soulz tournoys Gelline une Jehan de la Faye demeurent au villaige de la Guynie froment
146, (Sept1 10, 1987)
Cinq boyceaulx Argent quatre den’ tournoys Jehan de la Faye dudict villaige froment quatre boyceaulx Avoyne deux boyceaulx Argent cinq soulz tourn’ Gelline demy Helyez Faure du villaige des Plantiers froment six boyceaulx avoyne ung boyceau Argent douze deniers tourn’ Gelline une Jehan Estourneau froment ung boyceau et deux piccotins Avoyne demy piccotin Jehanet de Sainct Victours de Brassac froment deux piccotins Avoyne deux piccotins Argent douze deniers tournoys Jehan Cluhac de Puydautars et son frere froment sept boyceaulx et demy avoyne Cinq boyceaulx Argent quatre soulz six deniers tournoys Gellines deux Jehan Bourland Argent troys deniers tournoys Jehan Bouc de Brassac froment deux boyceaulx Maistre Bernard Genebey de Brassac son frere froment ung piccotin Argent deux soulz unze deniers tournoys Anthoyne Bouchillon du bourg de Brassac froment troys boyceaulx Argent douze deniers tournoys Jehan Cluhac de Fontanyac froment six boyceaulx et demy Argent quatre soultz tornoys Guynet Cluhac De Puydautars froment quatre Boyceaulx & demy Et ung piccotin Avoyne deux boyceaulx
147, LXXIIII (Sept1 10, 1988)
Argent deux soulz six deniers tournoys Gelline une Pey de Laulaigne du villaige de Biars et ses nepveux froment deux piccotins Francoys Barey froment ung boyceau Argent troys soulz troys deniers tournoys Maistre Jehan Burete et aultres heritiers de feu Helies Hugon froment vingt boyceaulx Avoyne quatre boyceaulx Argent vingt soulz tournoys Gelline une Jehanne Boyssonne femme de Estienne Somraneau Argent deux soulz six deniers tournoys Jehan Bouchillon froment douze boyceaulx Avoyne quatre boyceaulx Argent vingt soulz troys deniers tournoys Chappons ung Gelline une Pierre du Boys clerc de Brassac froment quatre boyceaulx Avoyne demy boyceau Argent deux soulz Pierre Laulaigne froment ung boyceau et demy Anthoyne Faure les Plantiers et ses consors froment quatorze boyceaulx Avoyne troys boyceaulx demy Argent Cinq soulz ung denier Gellines deux Arnauld Varalhon de Brassac sa femme froment deux boyceaulx et demy Avoyne deux boyceaulx Argent douze deniers tournoys Gelline demye Bernard Lagrosse des Plantiers froment ung boyceau Argent deux
148, (Sept1 10, 1989)
soulz neuf deniers tournoys Gellines une Pierre Monthouzon du Bourg de Brassac froment ung boyceau ung piccotin et demy piccotin Argent deux soulz six deniers tournoys Vincent Rebiere et ses consortz froment six boyceaulx et ung piccotin Argent dix soulz tournoys Gellines deux Marion Mazeliere femme de Penot Audiere de Puygouliers froment demy boyceau Marguit Lamye femme de feu Colas Mazelier froment deux boyceaulx Avoyne ung boyceau Argent quinze deniers tournoys Gelline une Micheau Estourneau es ses freres froment deux boyceaulx et demy Avoyne ung boyceau Jehanot Joubert du villaige de la Preveythie froment deux boyceaulx et demy Avoyne ung boyceau et demy Peyrot Joubert de la Preveytie froment huict boyceaulx et demy et deux piccotins Avoyne six piccotins Argent quatre soulz troys deniers tournoys Jehanot Estournel de Brassac froment sept piccotins Avoyne ung boyceau et deux piccotins Argent deux soulz neuf deniers tournoys Helyes Delpons de Cerre froment Cinq boyceaulx Avoyne ung
149, LXXV (Sept1 10, 1990)
boyceau Argent sept soulz six deniers tourn’ Gelline demye Messire Jehan Monthouzon de Brassac froment deux boyceaulx Argent deux soulz tourn’ Arnault Chou au nom de Mathurin Chou froment deux piccotins Amanyeu Delpoulx de Brassac Argent dixhuict deniers tournoys Puy Foncueau et ses freres Argent deux soulz huict deniers tournoys Amanyeu Hugon de Brassac luy et ses parsonniers froment dix neuf boyceaulx Avoyne deux boyceaulx et demy Argent deux soulz six deniers tournoys Gellines une Francoys Bouchillon du villaige Rouffia et son frere froment troys boyceaulx et deux piccotins Gellines une Argent quatre deniers tournoys Leonard Maziere de la Romeilhe froment troys boyceaulx Avoyne demy boyceau Argent Cinq soulz tournoys Pey Maziere dudict villaige froment troys boyceaulx Avoyne ung boyceau Anthoyne du Mas vefue de feu Jehan du Pic froment deuy boyceaulx demy et ung piccotin Avoyne deux boyceaulx Argent vingt deniers tournoys Gelline demye Francoys Maziere et ses consortz froment dix sept boyceaulx Avoyne Cinq boyceaulx Gellines troys Argent seze soulz tournoys Jehan Gay du Cornaguaire froment deux charges Avoyne huict boyceaulx
150, (Sept1 10, 1991)
Argent trente soulz tournoys Gellines quatre Mondy Dillat de Senzen froment demy boyceau Avoyne demy boyceau Argent quinze deniers tournoys Gelline demye Micheau Monthouzon froment sept boyceaulx et demy Avoyne six boyceaulx Argent six soulz tournoys Chappon demy Gellines une SAINCT VICTOUR Francoys Bouliere froment ung boyceau et demy Avoyne demy boyceau Argent quatre soulz tournoys Micote de Lasayras vefue de feu Peyre Rilhac froment ung boyceau et demy Gellines deux Leonarde Conzeau vefue de feu Helyes de Lasayras froment troys boyceaulx Jehan Petit dict bourgey des Rivieres froment trente deux boyceaulx Avoyne huict boyceaulx Argent trente quatre soulz tournoys Gellines quatre Jehan Bouffeynie dict polutmonde froment demy boyceau argent Cinq deniers tournoys Jehan Rouchault son frere froment ung boyceau et demy Martial Rouchault son frere froment deux boyceaulx Argent deux soulz six deniers tournoys Gellines la quatriesme partie dhune gelline Sicary Bouffeynie froment deux piccotins Pey
voir ici le mss. (4ème partie)
151, LXXVI (Sept1 10, 1992)
Rouchault son frere froment troys boyceaulx et ung piccotin Argent douze deniers tournoys Jehan Rouchault dict Coulhou froment quatre boyceaulx deux piccotins Avoyne ung boyceau Argent six deniers tournoys Martial Montilhault dict gualilhuac de Boysse et ses parsonniers froment seze boyceaulx Argent quinze soulz tournoys Gellines deux Jehan Rouchault du bourg de Sainct Victour froment ung boyceau et ung piccotin Rouly Revolte de Sainct Victour froment ung boyceau Argent deux soulz tourn’ Gellines une Peyrichon de Lasayras froment demy boyceau Jehan Revolte de Las Combas froment demy boyceau Argent douze deniers tournoys Jehan de Lasayras et ses freres froment quatre boyseaulx Avoyne deux boyceaulx et demy Gellines une Et la cinquiesme partie dhune Argent troys soulz troys deniers tournoys Hugue Serieygol froment dix boyceaulx Avoyne douze boyceaulx Argent vingt sept soulz six deniers tournoys Chappons ung Gelline une Chambault Serieygol froment dix boyceaulx Avoyne douze boyceaulx Argent vingt sept soulz six deniers tourn’ Gelline une Chappons ung SAINCT MEARD
152, (Sept1 10, 1993) Catherine du Ceyrou femme de Pierre Serba de Sainct Meard froment troys boyceaulx Avoyne ung boyceau Argent Cinq soulz tournoys Chappon la cinquiesme partie dhung Estisse Moyzete vefue de feu Denys du Ceyrou de Sainct Meard froment troys boyceaulx Avoyne ung boyceau Argent huict soulz tournoys Gellines une Marguerite Serba femme de Jehan du Ceyrou froment ung boyceau & demy Avoyne demy boyceau Chappon la cinquiesme partie dhung Francoys de Freyssergas & ses consortz froment vingt six boyceaulx Avoyne huict boyceaulx Argent vingt soulz troys deniers tournoys Chappons deux Gellines deux CELLE Coullas de la Faye de Celle froment deux boyceaulx et demy ung tiers de demy boyceau Argent deux soulz ung den’ tournoys Micheau de la Farge froment ung boyceau Argent neuf deniers tournoys Ythomie de Vouldon dict negre froment demy boyceau Argent quatre soulz tournoys Jehan de Lagemory froment ung boyceau demy et ung tiers de demy boyceau Argent deux solz unze deniers tournoys Guilhem de Lanion & ses freres froment douze boyceaulx Argent douze soulz ung denier tournoys Chapp’ deux Guilhem Bleyme Au nom de son pere
153, LXXVII (Sept1 10, 1994)
froment la tierce partie de deux boyceaulx et demy Argent huict deniers tournoys Anthoine Valeyrou de la Bleyne froment deux boyceaulx argent quatre deniers tournoys Helyes Bleyne son frere froment la troysiesme partie de deux boyceaulx et demy Argent huict deniers tournoys Leonard Vouldon froment demy boyceau Argent dixhuict deniers tournoys Arnaud Beau de Celle Argent quatre soulz tournoys Jehan Fontaud de Bertric froment deux boyceaulx argent dix deniers tourn’ TOUCANE SAINCT APPRE Pierre Brouillard et ses consortz froment deux boyceaulx Jehan Chasotte froment quatre boyceaulx Jehan Chazotte de Touscane Argent huict soulz six deniers tournoys Ainsi signe J de la Roche CE SONT Les loctz et partaige des rentes que messire Jehan de la Roche chevalier seigneur de Soubran et de Montagrier en partie bailhe par devant vous monsieur maistre Arnauld de Ferron conseilhier du roy en sa court de parklement de Bourdeualx et Commissaire par icelle deppute A messire Francoys Deydie chevalier seigneur de Ribeyrac & ce suyvant vostre appoinctement Cy devant bailhe & pour & affin que ledict Deydie Choysisse de lhung des deux Et
154, (Sept1 10, 1995)
que laultre il face le partaige audict de Laroche sans preiudice daultre plus ample rente & droictz que seroyent en la jurisdiction et seigneurie dudict Montagrier ses appandances et deppendences pour raison des rentes deues audict lyeu de Montagrier et chasteau ledict seigneur de Soubran nauroyt peu tronner ne partaiger Et aussi sans preiudice des Arreraiges loctz & ventes & aultre susdictz droictz sauf daugmenter ou diminuer ET PREMIEREMENT Jehan de Lacombe dict goudandan froment deux boyceaulx et deux piccotins Argent dix soulz tournoys Gellines deux Guilhem de Lacombe froment deux piccotins Argent cinq soulz tournoys Gellines deux tiers dhune Pierre et Jehan Quinzeneas argent Cinq soulz tournoys Et ledict Jehan froment deux boyceaulx demy et ung piccotin Argent deux soulz tournoys Les hoirs de Jehan Chaussepied froment ung boyceau argent treze soulz quatre deniers tournoys Guilhon Nougaret froment troys boyceaulx Argent quinze soulz tournoys Gellines une Anthoine Souchier et ses consortz froment Cinq piccotins Argent douze den’ tournoys George Rebiere froment ung boyceau Argent
155, LXXVIII (Sept1 10, 1996)
douze deniers tournoys Estienne Trimollines et ses consortz froment deux boyceaulx Les hoirs de Martial de la Faye Argent treze soulz tournoys Gelline une Maistre Jehan Maigne lyeutenant froment dix boyceaulx et demy Argent huict soulz neuf deniers tournoys Jehan du Prat Redon et ses consortz froment troys boyceaulx Argent deux soulz troys deniers tournoys Les hoirs de Estienne Garnault & leurs consortz froment quatre boyceaulx et demy et deux piccotins Argent troys soulz tournoys Les hoirs de Estienne Gontier froment deux piccotins Argent dix soulz six deniers tournoys Gellines deux Peyronne Tymonie froment quatre boyceaulx et demy Leonard Bouliere Argent dix soulz Gellines deux Pey de Lacombe et son filz froment deux boyceaulx et deux piccotins Messire Estienne Quinzenat froment ung boyceau Argent treze soulz six den’ tournoys Jehanne Chanarde vefue de fue Jehan froment demy boyceau Avoyne ung boyceau Argent troys soulz tournoys Jehan Voudru froment demy boyceau Argent six deniers tourn’ Jehan Brouillard pour raison de ses biens de sa femme froment deux boyceaulx et deux piccotins Anthoine Nougaret froment deux piccotins Argent vingt deux deniers tournoys Jehan Charles froment deux piccotins Messire Jehan Faure pbre’ Argent six soulz tournoys
156, (Sept1 10, 1997)
Gellines deux Jehanne Pasqui froment troys boyceaulx Pierre Maigne froment Cinq boyceaulx Avoyne troys boyceaulx ung mouthon ou sept soulz six deniers tourn’ Guilhem Mayet froment deux boyceaulx & demy Argent six soulz tournoys Marque Eysoline froment troys piccotins Gelline la tierce partie dhune Argent dixhuict deniers tournoys Maistre Jehan Maigne pbre’ et ses consortz froment Cinq boyceaulx Avoyne troys boyceaulx ung piccotin et ung tiers argent troys soulz tournoys Gellines deux et ung tiers dhune Jehan de Lair dict fenelon Argent douze deniers tournoys Gelline la tierce partie dhune Bertholmieu Bouliere Gellines deux Argent six soulz tournoys Peyronne Mandany femme de Jehan Blanchaud Argent Cinq soulz tourn’ Gellines une Loys Bouliere froment dix boyceaulx et demy et deux piccotins plus froment ung boyceau et deux piccotins Avoyne troys boyceaulx Argent huict solz tournoys Gellines une une annee et laultre ung chappon Jehan Bouliere dict taboury froment troys boyceaulx et deux piccotins
157, LXXIX (Sept1 10, 1998)
Avoyne ung boyceau Argent quatre soulz unze deniers tournoys plus six deniers tournoys Chappon demy Messire Helyes Deyguet pbre’ Et Guilhem Bouliere Et leurs consortz froment six charges Avoyne deux charges Argent soixante soulz tournoys Chappons six Plus ledict messire Helyes pour raison dhune vigne Argent deux soulz six deniers tournoys froment demy boyceau Argent quatre soulz tournoys Jehan Leynandot et son frere froment vingt boyceaulx Avoyne demy boyceau Argent vingt ung soulz tournoys Gellines deux Jehan Faure froment dix boyceaulx Avoyne neuf boyceaulx et demy Argent treze soulz tournoys Chappon ung Bertholmyeu Faure froment Cinq boyceaulx et demy Gellines une Argent unze soulz tournoys Helyes Petit froment neuf boyceaulx Avoyne deulx boyceaulx Gellines une Jehan Parade froment quatre boyceaulx et demy Avoyne troys boyceaulx et demy Argent sept soulz neuf deniers tournoys Estienne Maigne et ses freres froment dixhuict boyceaulx Avoyne
158, (Sept1 10, 1999)
Cinq boyceaulx Argent six soulz six deniers tournoys Leonard Maigne et ses freres froment treze boyceaulx Avoyne Cinq boyceaulx Gellines deux Argent Cinq soulz tournoys Leonard Delmech froment troys boyceaulx et demy avoyne troys boyceaulx et demy Argent cinq soulz tournoys la moictie dhune poule et le tiers dhung chappon Martial Delmech froment troys boyceaulx et demy Avoyne troys boyceaulx et demy Argent Cinq soulz tournoys La moictie dhune poule et le tiers dhung chappon Helyes Faure froment ung boyceau et demy Avoyne ung boyceau et demy Jehan Maziere et ses consortz froment deux charges Avoyne neuf boyceaulx Argent vingt soulz tournoys Gellines troys Thomas Symonet et ses consortz froment six boyceaulx Avoyne cinq boyceaulx Gelinnes deux Argent quatre soulz tournoys Anthoyne de Lacombe dict barbet et Jehan de la Chassaigne dict denier froment six charges Argent neuf soulz tournoys Gellines une et demy Jehan et Giron Courssoulandz freres comme contenanciers pour la moytie du moulin de Souzet froment
159, IIII XX (quatre vingt) (Sept1 10, 2000)
douze boyceaulx Argent deux soulz six den’ tournoys Gelline une Jehan Taysses et ses parsonniers froment quinze boyceaulx et demy Argent sept soulz sept deniers tournoys Gelline une Berthomyieu Bouliere froment sept boyceaulx Avoyne deux boyceaulx et demy Jehan et Micheau Boulieres froment Cinq boyceaulx avoyne ung boyceau et demy Bernard de Nougaret froment demy boyceau Gelline une Argent douze deniers tournoys Ythier Maigne Argent douze deniers tournoys Gellines deux Jehan de Laseyras ung mouton Berny Eyseliet Margarite Jacmes conjoinctz froment demy boyceau Gelline une Jehan Freyssengas dict jany de maynement du Breuilh de Sainct Meard mouton ung Leonard Jacmes du Creyssemon Gellines deux Thomas Maziere et sa femme froment demy boyceau Avoyne demy boyceau Martial Jammes du Creyssemon froment demy boyceau gelline une Pierre Glonney de la Combe mesnier Chappon ung Gelline une Raymond Charles Gelline une Jehan Maigne dict pouchet froment demy boyceau Argent sept soulz tournoys
160, (Sept1 10, 2001)
Pierre Barrailhon et ses Consortz de las Clausuras et les bayles froment deux boyceaulx Argent six deniers tournoys Anthoine Berty froment ung boyceau deux piccotins Argent dix deniers tournoys Leonard des Veruhes dict brethon froment demy boyceau Argent cinq deniers tournoys Jehan de Veruhes dict coquet froment demy boyceau Argent cinq deniers tournoys Les hoirs de Guilhaume Bout froment ung boyceau Argent douze deniers tournoys Les Montardis froment demy boyceau argent six deniers tournoys Audrien Hugon froment deux piccotins Anthoine du Boys dict charretier froment ung boyceau Marion Picauld froment deux piccotins Argent troys deniers tournoys Pierre & Bernard Coulaudz Argent deux soulz tournoys Les Conshiriers du Biard froment demy boyceau La Bolnante froment deux piccotins Martial Jammes du Creyssemon mouton ung Berny Visely de Creyssemon Gellines deux Thomas Maziere dud Creyssemon Gellines deux Jehan Montilhaud dict conchon froment ung boyceau Argent douze den’ tourn’ Gellines une Pierre de Freyssengas
161, IIII XX I (Sept1 10, 2002)
filz de feu Pichon mouton ung BRASSAC Francoys de Lassages du villaige de Rouffiac et ses freres froment demy boyceau Argent six soulz tournoys Francoys Bourie marchant de Brassac pour son pere froment quatre boyceaulx Avoyne deux piccotins Argent vingt ung denier tournoys Gelline demye Jehan Mazilier de Puydoutard froment deux boyceaulx Avoyne ung boyceau Argent quatorze deniers tournoys Gelline demye Anthoyne Duchier de Brassac froment ung boyceau et demy Argent quatre deniers tournoys Thomas Maziere du Creyssemon froment ung boyceau Avoyne ung boyceau Gellines deux Arn’ Crimeilher de Rouffiac froment deux boyceaulx Avoyne deux boyceaulx Argent troys soulz ung denier tournoys Gelline demye Anthonie Pradelle Comme mere de Pierre du Fichet froment deux boyceaulx Avoyne ung boyceau et demy Argent deux soulz tournoys Gelline demye Archambault Tholnnen clerc de Brassac et ses consortz froment trente neuf
162, (Sept1, 2003)
Boyceaulx et demy Avoyne dix neuf boyceaulx et demy Argent quarante huict soulz deux deniers tournoys Gellines quatre Anthoine Rey du villaige de Jarrigault de Brassac froment dix sept boyceaulx Avoyne Cinq boyceaulx Gellines deux Argent sept soulz neuf deniers tournoys Pierre dict perrot Coulaud de Gouyas du Brassac froment unze boyceaulx Avoyne ung boyceau Argent unze soulz tournoys gelline une Guilhem Coulaud froment troys boyceaulx Avoyne ung boyceau Argent six soulz tournoys Messire Thomas Barrailhon de Las Clauzuras froment ung boyceau Avoyne deux piccotins Argent quatre soulz tournoys Guilhem du Pouch de Brassac et ses Consortz froment douze boyceaulx demy et deux piccotins Avoyne neuf boyceaulx Argent quinze soulz tournoys Gellines deux Messire Jehan Coulaud pbre’ de Brassac froment deux piccotins Argent troys soulz deux deniers tournoys Jehan Bru du villaige de Batailhas et ses consortz froment deux boyceaulx et deux piccotins Avoyne
163, IIII XX II (Sept1 10, 2004)
neuf boyceaulx Gellines deux Argent huict soulz deux deniers tournoys Estienne Estourneazu et ses freres froment ung boyceau et demy Avoyne ung boyceau Argent douze deniers tournoys et la huictiesme partie dhune poule Durand Estourneau & ses Consortz froment neuf boyceaulx Avoyne Cinq boyceaulx Argent cinq soulz tournoys Gelline une Jehan Coulaud du villaige de Renamont Argent deux soulz six deniers tournoys Jehan Truffy du Plantier Argent deux soulz six deniers tournoys Gelline une Leonard de Las Beruhas du villaige de Charmes froment sept boyceaulx et demy Avoyne deux boyceaulx et demy Argent troys soulz six deniers tournoys et la quarte partie dhung chappon Anne Contesse femme de Jehan dict peyricou Crimeilher froment ung boyceau et demy Avoyne ung boyceau et demy Gelline demye Jehanne Grumondir femme de Jehan Moureau et ses seurs froment demy boyceau Avoyne demy boyceau Bernard Coulaud froment
164, (Sept1 10, 2005)
deux boyceaulx ung piccotin Avoyne ung piccotin Argent six soulz six deniers tournoys Bernard Malaret froment six piccotin Argent quatre soulz six deniers tournoys Jehan Malaret froment ung boyceau et deux piccotins Argent dixhuict deniers tournoys Jehan Lacroix du villaige du Pont froment deux boyceaulx Argent deux soulz tournoys Micheau Coulaud et son frere Argent douze deniers tournoys Estienne Bon Uz de Truffieras et ses Consortz froment cinq boyceaulx Argent Cinq soulz tournoys Gelline une plus pour raison dhung pre Argent Cinq soulz tournoys Maistre Micheau des Berulges pbre’ froment cinq boyceau et demy Avoyne ung boyceau et demy Argent huict soulz six deniers tournoys Chappon demy Raymond Estourneau de Brassac et son frere froment quatre boyceaulx Avoyne deux boyceaulx Argent six soulz tournoys Messire Leonard dees Berulges & son frere froment deux piccotins Messire Pierre Faure des Plantiers froment deux boyceaulx et demy Avoyne Cinq
165, IIII XX III (Sept1 10, 2006)
piccotins Argent douze deniers tournoys Jehan Mazelier de Brassac froment ung boyceau Jehan Mazelier de Puygontier froment demy boyceau Giron Balade de Senzen froment ung boyceau Gellines deux Francoys Mousnac de la Coste et sa femme froment dix boyceaulx Avoyne quatre boyceaulx Argent vingt sept soulz quatre deniers tournoys Gellines troys Blaise Charles et Loyse du Cheyron de Brassac froment dix boyceaulx demy et deux tiers de deux piccotins Avoyne dix boyceaulx et demy et deux tiers de deux piccotins Argent vingt troys soulz quatre deniers tournoys Chappons deux Jehan Boyssou de Pronneseys et ses consortz froment demy boyceau Argent quatorze soulz six deniers tourn’ Gellines une Leonard Boyceau de Bonnefont et ses consortz froment six boyceaulx Avoyne six piccotins Argent deux soulz six deniers tournoys Messire Pierre de la Faye de La Guyonie froment quatre boyceaulx Avoyne deux boyceaulx Argent Cinq soulz tournoys Gelline
166, (Sept1 10, 2007)
demye Jehanne Bon Uz femme de feu Leonard Faure des Plantiers froment deux boyceaulx et deux piccotins Avoyne demy boyceau Argent quatre deniers tournoys Gelline une Maistre Jehan Bourat pbre’ froment troys piccotins Avoyne troys piccotins Argent deux deniers tournoys Piertre Bourlan marchant froment deux piccotins Argent seze deniers tournoys Girauld Bertin le vieulx froment ung boyceau Argent Cinq soulz tournoys Messire Jehan Boysson pbre’ froment troys piccotins Argent Cinq deniers tournoys Pierre Bertin marchant froment neuf boyceaulx Avoyne ung boyceau Argent deux den’ tournoys Thevenot et Helyet Boyras de La trade froment deux boyceaulx et demy et ung tiers de piccotin Avoyne deux piccotins et ung tiers de piccotin Argent deux soulz tournoys Maistre Jehan la Faye Avoyne ung boyceau Argent deux soulz six deniers tournoys Et ledict la Faye en son nom froment demy boyceau Argent douze deniers tournoys Micheau Coulaud Argent douze deniers tournoys Pierre
167, IIII XX IIII (Sept1 10, 2008)
Clauzeau marchant froment six piccotins Argent douze deniers tournoys Gelline une Anthoyne Bouchillon et son frere froment six boyceaulx et ung piccotin Argent deux soulz tournoys Pierre Barrailhon de Brassac froment deux boyceaulx et deux piccotins Jehan de Sainct Victour de Brassac froment deux piccotins et demy Argent six deniers tournoys Francoys Lonlanye de villaige de Biart froment ung boyceau et troys piccotins Francoys Barrey froment deux piccotins Perrin Lonlanye du villaige du Biart froment ung boyceau et troys piccotins Pierre Lonlanye froment deux piccotins SAINCT VICTOUR Francoys Revolte du villaige de Las Combas et ses consortz froment quatre charges et sept boyceaulx Avoyne troys charges et ung boyceau Argent six livres quinze soulz torunoys Chappons quatre Gellines deux Plus ledict Francoys Revolte pour son chief froment ung boyceau et demy Argent quatre soulz tournoys Jehan Sirieygol oultre ce quil doibt du villaige de La Bougier froment demy boyceau
168, (Sept1 10, 2009)
et deux piccotins maistre Martial pbre’ Jehan Brugierts et leurs Consortz froment quatre charges Avoyne huict boyceaulx Argent quarante soulz tournoys Chappons deux Martin de Laseyras et ses consortz froment troys boyceaulx et demy Avoyne deux boyceaulx et demy Gelline une et la cinquiesme partie dhune Argent troys soulz troys deniers tournoys Jehanne Delpeuch vefue de feu Martial Vilote froment troys piccotins Argent quatre deniers tournoys Gelline une Cinquiesme partie Thene Delpeuch froment Cinq piccotins et la moictie dhung Argent huict deniers tournoys et pour leur cothite dhune poule quatre deniers tournoys Jehan du Puy dict larmet froment deux piccotins Argent deux deniers tournoys Francoys Sirieygol froment dix boyceaulx Avoyne douze boyceaulx Argent vingt sept soulz six deniers tournoys Chappon ung Gelline une Guilhem Sirieygol froment dix boyceaulx Avoyne douze boyceaulx Argent vingt sept soulz six deniers tournoys Chappon ung Gelline une Les hoirs de feu Martial Sirieygol froment unze boyceaulx Avoyne
169, IIII XX V (Sept1 10, 2010)
douze boyceaulx Argent vingt sept soulz six deniers tournoys Chappon ung Gelline une SAINCT MEARD Guilhem du Siron du port de Sainct Meard froment six boyceaulx Avoyne deux boyceaulx Argent dix soulz tournoys Chappon demy Jehan Servat froment douze boyceaulx Avoyne quatre boyceaulx Chappon ung Argent vingt deniers tournoys Jehan Puytoureau et Jehan Montilhaud froment douze boyceaulx Avoyne quatre boyceaulx Argent vingt soulz tournoys Chappon ung Giron Fargault Et Pey de la Vilania dudict port de Sainct Meard froment six boyceaulx Avoyne deux boyceaulx Argent dix soulz tournoys Chappon demy CELLE Geoffrey de Lamont du villaige de Lalounye de Celle froment ung boyceau Argent dix deniers tournoys Guilhem de Voudou de Celle froment deux piccotins argent six deniers tournoys Helyez et Ythonnet de Vouldou freres froment deux piccotins Anthoine Marcault et ses consortz froment demy boyceau Argent dixhuict deniers tournoys Guilhem de Lamont et ses
170, (Sept1 10, 2011)
freres froment douze boyceaulx Argent douze soulz ung denier tournoys Chappons deux Ython Audrieu et ses consortz froment troys boyceaulx et demy Argent douze deniers tournoys Micheau Faure de Celle froment douze boyceaulx Avoyne huict boyceaulx Argent treze soulz tournoys Gellines deux Leonard Prinsault froment ung boyceau et ung carthon Argent douze deniers tournoys Loyse Congule vefue de feu Anthoine Prychier de Celle froment demy boyceau Argent quatre deniers tournoys Pierre du Puy clerc de Bertric froment quatre boyceaulx Argent vingt deniers tournoys Touquane Et Sainct Apre Pierre Mionsette de Sainct Apre froment troys boyceaulx et demy Pey et Jehan Barailhons et leurs Consortz froment ung boyceau Argent deux soulz six deniers tournoys Guilhem Laneruhe de Touquane Argent quatre soulz tournoys Pey Barailhon et ses Consortz de Touquane froment deux piccotins et demy picotin Ainsi signe J de la Roche
171, IIII XX VI (Sept1 10, 2012)
ET ADVENANT Le neufiesme jour de decembre audict an heure de une heure appres midy ou envyron se compareust par devant nous en nostre logiz ledict Chassaing avec maistre Denys Symonet lesquelz mirent par devers nous certain dire par maniere de contredictz Contre les loctz bailhez par ledict seigneur de Soubran requerant que partie adverse les vist et y dict ce que bon luy sembleroyt Et que ledict dire et contredictz feussent incerez en nostre proces verbal SURQUOY nous Commissaire susdict ordonnasmes que ledict Ythier pour ledict seigneur de Soubran verroyt Ledict Dire Et y diroyt ce que luy sembleroyt Au premier jour Aultrement forcloz Ce que luy auroyt este signiffie et bailhe le double du tout lequel Ythier auroyt faict responce quil comparoistroyt par devant nous comme nostre clerc nous relata ET ADVENANT Le dixiesme jour dudict moys de decembre audict an yssens de court se compareurent par devans nous Scavoir ledict Chassaing pour ledict seigneur de Ribeyrac Et ledict Ythier pour ledict seigneur de
172, (Sept1 10, 2013)
Soubran Par ledict Ythier feust dict que presentement certain nostre appoinctement luy avoyt este signiffie avecques certain long dire dudict seigneur de Ribeyrac par lequel au lyeu de choisir lhung des loctz il debatoyt iceulx loctz A quoy il ne scavroit respondre sans avoir memoyres de sa partie requerant pour ce faire delay de quinzaine Par ledict Chassaing feust perciste au contraire Disant ny avoir lyeu bailher tel delay actendu quil avoyt solliciteur exprez me’ Denis Symonet illec present lequel surce par nous interroge jura estre exprez en la presente ville pour le present affaire SURQUOY Donnasmes delay audict Ythier pour deliberer audict dire de huictainne ET ADVENANT le unziesme jour desd moys et an yssens de la court se compareurent par devant nous lesdictz Chassaing pour ledict seigneur de Ribeyrac et ledict Ythier pour ledict seigneur de Soubran lequel Chassaing requist actendu que ledict seigneur de Soubran estoit en la present ville que le delay a luy bailhe de huictainne feust retrainct Et quil deffendict a son dire par tout le jour Par ledict Ythier feust inciste au contraire veu nostre appoinctement SURQUOY ordonnasmes que ledict Ythier viendroyt respondre dans troys jours ET ADVENANT le dixhuixtiesme
173, IIII XX VII (Sept1 10, 2014)
jour desdictz moys et an yssens de court se compareurent par devant nous ledict Chassaing pour ledict seigneur de Ribeyrac Et ledict Ythier pour leduct seigneur de Soubran lequel Ythier bailha ses deffences aux pretendus contredictz bailhez par ledict seigneur de Ribeyrac ez loctz que ledict seigneur de Soubran avoyt bailhe protestant de tous Despens dommaiges et interestz & retardement de lexecution lesquelles Deffences bailhasmes audict Chassaing pour y dire ce quil apartiendroyt au premier jour ET ADVENANT le vingt neufiesme jour du moys de janvier audict an yssens de court du matin se compareut par devant nous ledict Monthouzon pour ledict seigneur de Ribeyrac lequel mist par devers nous sa resonce par luy faicte au dire dudict de la Roche requerant icelle estre receue et que partie adverse la voye et y die ce que bon luy semblera SURQUOY nous Commissaire susdict receusmes ladicte responce et ordonnasmes que seroyt communicquer audict de la Roche pou y venir dire ce que bon luy sembleroyt au premier jour ET ADVENANT le lendemain trentiesme jour desdictz moys et an nostredict appoinctem’
174, (Sept1 10, 2015)
feust signiffie audict Ythier procureur dud seigneur de Soubran auquel feust bailhe le double de la responce bailhee par ledict seigneur de Ribeyrac lequel Ythier fist response quil comparoistroyt comme nostre clerc nous reffera SENSUYT La teneur desdictz Contredictz bailhez par ledict seigneur de Ribeyrac Deffences dudict Ythier Et responce dudict seigneur de Ribeyrac au dire dudict seigneur de Soubran CONTREDISENT Les pretenduz loctz Et partaige des rentes faictz par Jehan de la Roche escuyer seigneur de Soubran dict messire Francoys Deydie chevalier seigneur de Ribeyrac et de Montagrier que lesdictz loctz sont milz et tant impertinans et mal faictz que ledict seigneur de ribeyrac nest tenu en opter ne choisir aulcun et pour ad ce parvenir presuppose que par arrest de la court les troys quartes parties des biens laissez par le decez de feu Jehanicet de Bourdeilhe seigneur de Montagrier ont este adjugees a feue catherine de Stuer damoyselle Delaquelle ledict seigneur de Ribeyrac a le droict
175, IIII XX VIII (Sept1 10, 2016)
pour le regard de ladicte seigneurie de Montagrier et quant est de laultre quarte partie de la possession seulement en auroit este adjugee audict de la Roche Et despuys par plusieures arrestz Auroyt este dict quil seroyt faict partaige des rentes de lad seigneurie Et que ledict de la Roche en feroyt deux loctz & ledict seigneur de Ribeyrac choisiroyt Dict que ausdictes fins et pour faire deuement lesdictz loctz les tiltres terriers et pappiers sensitz auroyent este exhibez audict de la Roche qui les auroyt longement gardees Et appres faict et produit les pretenduz loctz qui restent a contredire Si dict que lesdictz loctz sont milz et tels que ledict seigneur de Ribeyrac nest tenue en opter ne choisir aulcun Imprimis de tant que combien les Cens et rentes de ladicte seigfnuerie soyent assizes et deuez sur tenuees et territoires monnantz et deppendentz de lad seigneurie et non sur personnes Toutesfoys par les pretenduz loctz faictz par ledict de la Roche il nen speciffie aulcune Aims seulement les personnes quil dict et pretend les debuoir & sans dire a cause dequoy parquoy sont impertinentz et nulz de toute nullite Car il est certain que les personnes sont libres et immunes de
176, (Sept1 10, 2017)
toute rente et servitude donc vient que par lesdictz loctz debuoit estre faict mention des rentes deues a ladicte seigneurie Et a cause desquelles sont deues en bien sil vouloyt faire mention des personnes dire et declairer a cause dequoy debuent lesdictes rentes Et acause desquelles tenues ca enim expressio plurimum potest monere vel retrahere optantem Car sil voyt les tenanciers nostre souffizantz au payement de la rente comme bien souvant advient ne les optera Secundo aliunde lesdictz loctz sont nulz car iceulx speciffie plusieurs personnaiges qui ne doibuent lesdictes rentes Et si ne possedent comme ne faisoient lors du Bailh desdictz loctz aulcuns heritaiges monnentz de ladicte seigneurie mesmement Blaise Charles Loyse du Cheyrou de Brassac Catherine Maigne Jehan Foucauld et plusieures aultres de sorte que quant ledict seigneur de Ribeyrac choisiroyt le loct la ou ilz sont escriptz cella ne luy reviendroyt a aulcun profict Et au contraire tiendroyt lyeu a laultre dautant de rents que luy seroyt manifeste deception Tertio sont nulz de tant quil y a plusieurs personnes speciffiees esd loctz
177, IIII XX IX (Sept1 10, 2018)
qui a cause de plusieurs tenues par eulx possedees de ladicte seigneurie doibuent plus grand rente & debuoir que ledict de la Roche na faict escrire esdictz loctz Et au contraire en y a nommez et comprins plusieurs qui doibuent moindre rente mesmement ou doibuent plus Berthomieu Boliere Mariote Bouliere Guilhem de la Combe maistre Jehan Faure et plusieures aultres Et plusieurs en doibuent moings mesmement maistre Jehan Maignon Estienne Maignon maistre Helyes Degier Leonard Maignon et ses freres Jehan laisse demgandy Et plusieurs aultres Quarto combien aujourdhuy soyt seulement question de partir et diviser les rentes de ladicte seigneurie et non les dommaines Car sont partaiges Ce neaulmoings a mys en ses loctz ceulx qui tiennent a mestairre dudict seigneur de Ribeyrac qui est aultant en effect que sil y avoyt mys les dommaines dudict seigneur qui ne doibuent Et ne sont subiectz a aulcune rente et cy devant ont este partaigez entre lesdictz seigneur de Ribeyrac et de la Roche Et cest tresbien garde ledict de la Roche dy mectre et inserer ses mestaiers Et mestaieries Postremo Ledict de la Roche a mys esdictz loctz plusieurs rentes & biens
178, (Sept1 10, 2019)
qui avoient este aliennez par feuz Dame Ysabeau de Sainct George mere dudict Jehanicet de Bourdeilhe Et par icelluy Jehanicet lesquelz ladicte feue de Stuer auroyt reconnertz a rachaptez & en son propre et prive nom Et despuys les auroyt cedez audict seigneur de Ribeyrac Scavoir est la rente des villaiges de la Treilhe et de Las Fayas qui auroyt este vendue a la Damoyselle de la Borye ou a ceulx dont elle auroyt heu le droict Six boyceaulx froment Cinq boyceaulx Et ung quarthon Avoyne Et deux gellines deulz par les hoirs de Jehan Maigne dict pouchet acause des villaiges de la Rousselie et la Peysie Six boyceaulx froment unze soulz six deniers tournoys deulz par Francoys Gandy acause du maynement de la Fortonie Aultrement appelle le Roc de Gandy laquelle rente ledict seigneur de Bourdeilhe Auroyt cedde par eschange au seigneur de Romefort Parquoy esdictz loctz ne vous devez arrester mais fault que ledict de la Roche les reface et quil paye les despens dommaiges et interestz souffertz par led seigneur de Ribeyrac Et quil pourroyt souffrir
179, IIII XX X (quatre vingt dix) (Sept1 10, 2020)
pour ladvenir pour lesdictz loctz navoir este deuement faictz combien il eust les terriers Et pappiers sensifz devers luy ausdictes fins Et toutes aultre plus pertmintz Et que vostre discretion advisera Conclud implorant en tout vostre bonnig office Ainsi signe Essenault La partie de Jehan de la Roche chevalier seigneur de Soubran et conseigneur de Montagrier defendeur a lencontre de Francoys Deydie chevalier seigneur de Ribeyrac demandeur en execution darrest Affin que par sentence de vous monsieur ou arrest de la court vre’ rapport faict a icelle les fins et conclusions dudict de la Roche ou telles autres que de droict en vostre discretion trop mieulx advisee luy soient adjugees dict ce que sensuyt Et PREMIEREMENT A ce que ledict seigneur de Ribeyrac a vouleu dire que de la quarte partie des biens delaissez par feu Jehanicet de Bourdeilhe seigner de Montagrier en auroyt este adjugee seulement la possession audict de la Roche Et que despuys auroyt este ordonne que ledict de la Roche en feroyt deux loctz Et que ledict seigneur de Ribeyrac choisiroyt Dict ledict de la Roche quil a
180, (Sept1 10, 2021)
este mainctenu en la possession & jouyssence de la quarte partie de tous et chascuns des biens delaissez par feu Jehanicet de Bourdeilhe en son vivant seigneur de Montagrier Et de Chantilhac Et oultre ladicte quarte partie ont este adjugez audict de la Roche les droictz de legitime Et quarte trebellianicq mentionnez par lesdictz arrestz Et oultre plus les acquisitions faictes par feu maistre Jehan de Bourdeilhe en son vivant prothonotaire du Sainct Siege appostolique en ladicte terre et chastellanye de Montagrier Et pour le regard des loctz que ledict Deydie dict ledict de la Roche avoir este condempne faire ledict de la Roche a obey et bailhez par devant nous qui ont este receuz Item et a ce que dict que pour faire deuement lesdictz loctz les tiltres terroirs et pappiers sensifz auroyent este exhibez audict de la Roche lequel les auroyt longement gardez Dict ledict de la Roche que combien quil aye par plusieurs et diverses foys pendent le procez requiz que feue Catherine de Stuer Damoyselle femme dudict feu Johanicet
181, IIII XX XI (Sept1 10, 2022)
en son vivant seigneur de Montagrier Et au lyeu de laquelle ledict seigneur de Ribeyrac Dict estre luy eust a exhiber les tiltres terriers et pappiers sensifz concernant la succession dudict feu de Bourdeilhe Ce neaulmoings elle ne ledict seigneur de Ribeyrac nauroyent jamays exhibe aulcuns terriers ne pappiers sensifz audict de la Roche Quoy voyant icelluy de la Roche auroyt requis par devant feu monsieur maistre Francoys de Caldenet en son vivant conseilhier en la court Et Commissaire par icelle deppute pour executer les arrestz obtenuz par ledict de la Roche estant ledict seigneur de Caldenet sur les lieulx que les ternanciers et Emphiteotes de lad seigneurie de Montagrier et Chambrilhac feussent assignez par devant ledict seigneur de caldenet pour declairer les centz rentes et debuoirs quilz debuoyent audict feu Jehanicet de Bourdeilhe Ce que ledict feu seigneur de Caldenet auroyt ordonne presentz voyantz et non contradisantz tant ledict seigneur de Ribeyrac que lad feue de Stuer Au moyen dequoy ledict seigneur de Soubran a faulte dexhibition desdictz pappiers sensifz auroyt este contrainct faire assigner par devant ledict seigneur de Caldenet les ternanciers & emphiteotes desdictes terres & seigneuries
182, (Sept1 10, 2023)
de Montagrier et Chambrilhac ce quil auroyt faict lesquelles tenanciers auroyent declaire moyenant serement les rentes et debuoirs quilz debuoyent acause de ladicte terre Et seigneurie de Montagrier le tout pour faire laquelle declaration et procedure led seigneur de Soubran auroyt despendu Cinq ou six centz livres ce quil neust faict si ladicte de Stuer et ledict seigneur de Ribeyrac eussent exhibe aulcuns terriers et pappiers censifs Ce quilz nont encores vouleu faire Parquoy de vouloir dire que les loctz sont nulz de tant que led seigneur de Soubran ne declaire les lyeulx pour raison desquels, lesdictes rentes sont deues ny a propos ne apparence en premier lyeu Car jamays ladicte de Stuer qui cestoit empare de tous les tiltres et enseignementz dudict Jehanicet de Bourdeilhe seigneur de Montagrier ne ledict seigner de Ribeyrac nont oucques vouleu exhiber audict de la Roche aulcuns terriers ne pappiers censifs quelques diligences et requisitions quil en aye sceu faire lequel de la Roche est nouveau successeur et a lopposite ladicte de Stuer sestoyt emparee comme dict est des pappiers
183, IIII XX XII (Sept1 10, 2024)
Censifz et terriers si aulcuns en y a offrant led de la Roche soy purger par serement quil na veu oucques aulcun terrier ne pappier censifz conten’ la declaration des biens subiectz au payment desd rentes desdictz terriers et seigneuries de Montagrier et Chambrilhac Preterea led seigneur de Ribeyrac se plainct sans interestz Car il a tousiours jouy ou ladicte de Stuer des rentes speciffiees et declairees par les tenanciers en ont faicte par devant ledict seigneur de Caldenet suyvant laquelle ledict seigneur de Soubran a faict lesdictz loctz Car sil eust trouve pour raison dequoy ilz debuoient lesdictes rentes leust faict mectre ITEM et a ce que dict que lesdictz loctz sont nulz par aultre moyen de tant que ledict seigneur de Soubran a Speciffieez et mis plusieurs personnaiges qui ne doibuent lesdictez rentes et ne possedent comme ne faisoient lors desdictz loctz aulcuns heritaiges Et quant il chausiroyt les loctz ou ilz sont escriptz ne luy reviendroyent a aulcun proffict Et au contraire luy tiendroyt lyeu Dict ledict de la Roche que ledict seigneur de Ribeyrac est sans interestz Car luy mesmes
184, (Sept1 10, 2025)
declaire quil est dict que ledict seigneur de Soubran fera deux loctz desdictes rentes et quil choisira Or sil est ainsy il poult choisir le loct auquel ne sont nommez ceulx quil p’tend ne debuoir aulcunes rentes ne tenir aulcuns lyeulx de ladite terre et seigneurie ITEM a ce quil dict que ausdictz loctz y a plusieurs personnes speciffiees qui acause de plusieurs Tenanciers par eulx possedees de ladicte seigneurie deburoient plus grand rente Et debuoir que ledict de la Roche na faict escrire esdictz loctz et en y a plusiers aultres qui douibuent moindre rente Dict led de la Roche quil a speciffie et declaire par loctz les Centz et rentes et aultres debuoirs que lesd Tenanciers ont declaires par devant ledict feu seigneur de Caldenet sans rien obmectre ny receller comme il se offre purger moyenant serement et de ce en aparoistra par ladicte declaration faicte par lesdictz tenanciers par devant ledict seigneur de Caldenet Et ledict Deydie est sans interestz Car comme il dict pretend cest a luy a choisir le p’mier loct Et sil pretend que les denommez en icelluy doibuent plus grand rente que celle
185, IIII XX XIII (Sept1 10, 2026)
quilz ont declaire les pourra contraindre dicelle payer voire de declairer les lyeux pour raison desquels lesdictz tenanciers et Emphiteotes doibuent ladicte rente suyvant la disposition de droict ITEM Et a ce que dict que Combien quil soyt seulement question de diviser les rentes de ladicte seigneurie et non les dommaines Car sont partaiges Ce neaulmoings ledict de la Roche a mys en ses loctz ceulx qui tiennent a mestaierie dudict seigneur de Ribeyrac quest en offert comme sil avoit miz les dommaines dict ledict de la Roche que les mestayers qui tiennent les dommaines qui ont este partys doibuent de tout temps et Danciennete plusieurs centz rentes acause de ladicte seigneurie de Montagrier lesquels Centz rentes nont jamays este partys Et par ce fault quilz viennent en partaige Parquoy a bonne et juste cause ledict seigneur de Soubran a mis & speciffie lesdictz centz et rentes deuz par lesdictz mestayers par lesdictz loctz ITEM a ce que dict ledict Deydie que ledict de la Roche a miz esdictz loctz plusieurs rentes et biens que avoyent este aliennez par feuz Dame Ysabeau de Sainct George mere dud
186, (Sept1 10, 2027)
Jehanicet de Bourdeilhe Et par icelluy feu Jehanicet lesquels ladicte de Stuer auroyt recouvert et rachaptez en son nom propre et prive Dict ledict de la Roche que en monstrant par partie adverse de son dire ledict sr’ de Soubran luy fera plus ample response ITEM a ce que dict que vous monsieur ne vous debuez arrester aux loctz faictz par led de la Roche mais fault que ledict de la Roche les refface et paye Despens dommaiges Et interestz par luy souffertz et quil souffrira pour ladvenir pour lesdictz loctz navoir este deuement faictz Combien quil eust les pappiers Et terriers Censifz devers luy Dict ledict de la Roche que soubz correstion de vous monsieur ny a lyeu de ordonner que ledict de la Roche refface lesdictz loctz ne pour raison de ce il ne doibt estre condempne en aulcuns dommaiges et interestz veu ce que dict est Et que literateris il aparoistra du dire dudict seigneur de Soubran et ledict seigneur de Soubran se offre quil a faict lesdictz loctz Au myeulx mal que luy a este possible Et quil ayt recelle aulcuns biens qui deussent venir en partaige Toutesfoys si led Deydie
187, IIII XX XIIII (Sept1 10, 2028)
luy veult exhiber aulcuns terriers et pappiers Censifz par lesquelles il apparoisse pour raison dequoy sont deues lesdictes rentes ledict seigneur de Soubran offre faire ce que de raison protestant comme il y cy devant proteste daugmenter ou diminuer lesdictz loctz p’testant des despens dommaiges et interestz Contre ledict Deydie requiert aussi luy estre permiz proceder par Censures et fulminations ecclesiasticques contre tous ceulx qui tiennent recellent et font a perdant les terriers pappiers Censifz et aultres enseignementz Consernant les biens et successions des terres Et seigneuries de Montagrier et Chambrilhac Et aultres biens acquiz par ledict feu maistre Jehan de Bourdeilhe en son vivant prothonotaire du Sainct Siege appostolique Conclud ledict seigneur de Soubran aux fins susdictes comme aultrefoys et demande Despens Dommaiges & Interestz requerant sur le tout justice luy estre administree Ainsi signe Galopin LEDICT Deydie perciste en ce quil a desduict cy devant Et que veu les Sentence et arrestz dont est requiz lexecution ledict de la Roche est tenue de faire partaige des rentes communes Entre
188, (Sep1 10, 2029)
Lesdictes partyes Et icelles rentes partaigez par Tenances Et non par personnes
ou speciffier les tenances que les personnaigez nommez par les loctz tiennent
de la feudalite desdictes parties Et ne se peult excuser icelle de la Roche a
ce quil dict que par plusieurs et diverses foys il auroyt requis que feue
Catherine de Stuer Damoyselle en son vivant dame dud Montagrier au lyeu de
laquelle ledict Deydie luy eust a exhiber les terriers pappiers censifz
Consernantz lesdictes rentes ce quelle ne ledict seigneur de Riberac nauroyent
jamays faict ne vouleu faire Dict que la verite est au contraire Car par
inventaire apparoistra que ledict Deydie a monstre et communicque par deulx
foys audict de la Roche sept registres & plusieurs Contractz en parchemyn
ausquels registres et contractz sont speciffiez les centz rentes & debuoirs
dont est requiz ledict partaige et les tenances pour raison desquelles sont
deues lesdictes rentes et debuoirs sont confrontees et mentionnees aux
recognoissances escerptes ausdictz registres quoy veu led de la Roche debuoyt
faire ledict partaige Et loctz par tenances et non par personnes
189, IIII XX XV (Sept1 10, 2030)
Et les loctz quil dict avoir faict suyvant les declarations faictes par les tenanciers devant feu monsieur de Caldenet Ledict Deydie dict que la verite est au contraire et en aparoistra par lesd declarations si ledict de la Roche les voult monstrer A ce quil dict que ledict Deydie est sans interest de dire que ledict de la Roche ayt miz par les loctz quil a faict plusieurs personnaiges que ne doibuent aulcune rente ausdictes parties Et daultres qui en doibuent plus et daultre moings pource que ledict Deydie peult choysir desdictz loctz et celluy quil verra en les personnaiges qui ne doibuent rente ne sont nommez Dict que en ledict de la Roche se vouldra consentir que ledict Deydie ayt toute la rente que les personnaiges nommez au loct quil prendra et choysira doibuent ausdictes parties et quil ne soyt tenu pourter garantie de la rente speciffiee par laultre loct audict cas icelluy Deydie offre en choisir & prendre lhung desdictz loctz et de laultre en faire deux et en bailher le choys audict de la Roche A ce que ledict de la Roche dict que les mestayers qui tiennent les dommaines qui ont este partiz & divisez doibuent de tout temps plusieurs Centz rentes acause de ladicte seigneurie de Montagrier lesquels centz rentes nont jamays este partiz
190, (Sept1 10, 2031)
Dict ledict Deydie que lors que le feu seigneur de Montagrier acquist les dommaines desdictes mestayeries par le contract faict entre ledict feu seigneur de Montagrier & mestayers est dict que lesdictz mestayers ne seroient tenuz payer aulcune rente audict feu seigneur de Montagrier et en faisant ledict partaige lesdictz Dommaines et mestayeries iceulx dommaines et mestayeries ont este layssez aux parties en la forme & qualite quilz estoyent dudict feu seigneur de Montagrier et comme est contenu par vostredict procez verbal A ce que ledict de la Roche dict quil a faict les loctz desdictes rentes au mieulx mal que luy a este possible et ne debuoir estre ordonne quil reface lesdictz loctz et estre condempne aux despens dommaiges et interestz Et que en ledict Deydie luy vouldra exhiber aulcuns terriers parlesquelz il apparoisse pour raison dequoy sont deues lesdictes rentes Dict ledict Deydie que nonobstant le dire dicelluy de la Roche il doibt estre condempne aux despens dommaiges et interestz et a reffaire lesdictz loctz veu la communication desdictz registres et tiltres par lesquelz appert pour raison de quoy lesdictes rentes sont deues A ce que ledict de la Roche dict que en luy monstrant
191, IIII XX XVI (Sept1 10, 2032)
des tiltres des alienations de rentes faictes par les feuz seigneur et dame de Montagrier et despuys recouvertes par ledict Deydie ou par feue Catherine de Stuer damoyselle dame dudict Montagrier delaquelle ledict Deydie a le droict respond icelluy Deydie quil offre luy en faire foy comme faict presentement de ceulx qui sont en sa puyssance et /v/ protestation de luy en monstrer daultres quant les aura reconnertz Et combien que ledict Deydie ne soyt tenu faire lesdictes premiers loctz Ce neaulmoings usant de bonne foy et pour eviter long procez sans preiuduce des despens dommaiges Et interestz par luy souffertz a faulte davoir bien faict lesdictz loctz Par ledict Roche icelluy Deydie offre faire deux loctz desd rentes communes entre lesdictes parties et lesdictz loctz faictz icelluy de la Roche les receulle augmente ou diminue comme bon luy semblera Et que appres icelluy Deydie en puysse prendre et choysir ung Et de laultre en faire deulx et en bailher le choix audict de la Roche nempeschant comme cy devant na empesche que ledict de la Roche ayt permission impetrer monitreu suyvant son requis Parquoy conclud
192, (Sept1 10, 2033)
comme aultrefoys Et aux despens dommaiges Et interestz Ainsi signe J de Laage ET ADVENANT Le tiers jour de mars audict an se compareurent par devant nous en la salle du pallays yssens de court lesdictz Deybrailh et Monthouzon pour ledict seigneur de Ribeyrac Et ledict Ythier pour ledict seigneur de Soubran Par ledict Desbrailh feust requis que ledict seigneur de Soubran feust forcloz de faire responce au dire dernierement bailhe par ledict seigneur de Ribeyrac et le procez estre appoincte en droict Et neaulmoings que ledict Ythier eust a luy rendre les pieces a luy monstrees a peinne de cinquante livres Et que par ledict Ythier feust dict navoir peu faire responce au dire dudict seigneur de Riberac parce que les parties estoient en surceance de saccorder requerant delay jusques a jeudy prochain pour ce fayre SURQUOY nous Commissaire susdict forcluasmes ledict seigner de Soubran de faire responce au dire dernierement bailhe par ledict seigneur de Ribeyrac & appoinctasmes le procez en droict surcriroyt jeudy prochain yssens de court Et delay requiz par ledict Ythier Et neaulmoings ordonnasmes que ledict Ythier rendroyt les pieces a luy monstrees par ledict
193, IIII XX XVII (Sept1 10, 2034)
Deybrailh dans ledict jour a peinne de cinquante livres ET ADVENANT Le cinquiesme jour desd moys & an se compareurent par devant nous en la salle du pallays yssens de court devers le matin lesdictz Deybrrailh et Monthouzon pour ledict seigneur de Ribeyrac Par ledict Deybrailh feust requiz que ledict seigneur de Soubran feust forcloz de responce au dire dudict seigneur de Ribeyrac Et le procez estre appoincte en droict comme aultrefoys Et neaulmoings que les peinnes de Cinquante livres feussent declairees contre led Ythier afaulte davoir rendu les pieces a luy communicquees Et que a double peinnes et de prison ledict Ythier feust condempne rendre lesd pieces SURQUOY nous Commissaire susdict forcluasmes ledict seigneur de Soubran de faire responce au dire dudict seigneur de Ribeyrac Et appoinctasmes le procez en droict comme aultrefoys Et les parties p’(ro)duyroient dans le lendemain yssens de court tout ce que bon leur sembleroyt Et en oultre a faulte davoir rendu par ledict Ythier les pieces a luy communicquees declairasmes les peynnes de Cinquante livres estre contre luy encernes Et que a doubles peynes ledict Ythier rendroyt
194, (Sept1 10, 2035)
lesdictes pieces surcryroit par tout le jour Et ledict jour ledict appoinctement feust signiffie audict Ythier qui fist response que monsieur Galopin auroyt les pieces Et quil ne actendryt aultre chose sinon quil eust faict comme nostre clerc nous reffera ET ADVENANT Le sixiesme jour desdictz moys et an se compareurent par devant nous en la salle du pallays yssens de court du matin lesdictz Deybrailh et Monthouzon pour led seigneur de Ribeyrac lesquels produyrent leur sac et pieces requerant leur production estre revue Et que ledict defendeur eust a produyre de sa part ce que bon luy sembleroyt par tout le jour aultrement forcloz Et le procez estre appoincte en droict comme aultrefoys Et neaulmoings que Ces peynes de Cent livres Contre led Ythier iudictes feussent declairees afaulte davoir rendu les pieces a luy montrees Et quil les eust a rendre a peyne de prison SURQUOY nous Commissaire susdict receufmes la production dudict seigneur de Ribeyrac et ordonnasmes que ledict seigneur de Soubran produiroyt
195, IIII XX XVIII (Sept1 10, 2036)
de sa part tout ce que bon luy sembleroyt par tout le jour aultrement forcloz & appoinctasmes le procez en droict comme aultrefoys Et declairasmes les peynes de cent livres estre enceurenes contre ledict Ythier a faulte davoir rendu les pieces a luy monstrees par ledict seigneur de Ribeyrac Et luy seroyt signiffie ce que feust faict qui fist response que ladvocat de sa partie nomme Galopin avoyt lesdictes pieces et quil ne actendryt sinon quil les eust rendues pour en appres les mectre par devant nous comme nostre clerc nous reffera ET ADVENANT le septiesme jour desdictz moys & an se compareurent par devant nous en la salle du pallays yssens de court lesdictz Deybrailh et Monthouzon pour ledict seuigneur de Ribeyrac qui requirent ledict seigneur de Soubran estre forcloz de production et quil eust a bailher contredictz si bon luy sembleroyt dans le lendemain Et neaulmoings que les peynes de Cent livres feussent encernes contre ledict Ythier a faulte davoir rendu les pieces a luy monstrees et executoire luy estre
196, (Sept1 10, 2037)
delivre & que ledict Ythier feust miz en la conciergerie de la court jusques a ce quil eust rendu lesdictes pieces SURQUOY nous Commissaire susdict forcluasmes ledict seigneur de Soubran de production et ordonnasmes quil bailheroyt contredictz si bon luy sembleroyt dans lundy prochain yssens de court & declairasmes les peynes de Cent livres eutre encerenes contre led Ythier a faulte davoir rendu audict seigneur de Ribeyrac ou a son procureur les pieces a luy monstrees et pour ladicte somme delivrasmes executoire audict demandeur contre ledict Ythier et ordonnasmes quil seroyt miz en la conciergerie de la court par le premier huyssier dicelle jusques a ce quil auroyt rendu lesdictes pieces sauf si les rendroyt dans le lendemain et luy seroyt signiffie ce que feust faict par nostre clerc audict Ythier comme il nous reffera qui fist responce quil estoit tousiours appres son advocat pour retirer lesdictes pieces et appres les avoir retirees les mecteroyt vers nous ET ADVENANT le neufiesme jour desdictz moys et an se compareurent par
197, IIII XX XIX (Sept1 10, 2038)
devant nous en la salle du pallays yssens de court lesdictz Deybrailh et Monthouzon pour ledict seigneur de Ribeyrac Et pour ledict seigneur de Soubran Damoyselle Jacquette de Pouvreau sa femme en personne assistant a elle ledict Ythier lequel Ythier mist par devers nous certain dire Et requist estre receu par ledict Deybrailh feust dict que le procez estoyt en droict et restoit a
receu par ledict Deybrailh feust dict que leprocez estoyt en droict et restoit a bailher Contredictz par ledict seigneur de Soubran qui requist en estre forcloz Et le procez estre appoincte en droict comme aultrefoys Et ledict seigneur de Soubran nostre recepvable bailher apresent aulcun dire si myeulx naimoyt payer vingt escuz de Despens pour les forcensions Et procez retarde SURQUOY nous commissaire susdict receusmes le dire dudict seigneur de Soubran Et ordonnasmes que ledict seigneur de Ribeyrac le verroyt & y diroyt tout ce que bon luy sembleroyt dans lendemain auquel luy seroyt faict droict des despens en jugeant le procez SENSUYT la teneur dudict dire bailhe par ledict seigneur de Soubran LA PARTIE de messire Jehan de la Roche chevalier seigneur de
198, (Sept1 10, 2039)
Soubran Et en partie de Montagrier defendeur a lencontre de Francoys Deydie chevalier seigneur de Ribeyrac demandeur en execution darrest pour Dupplicques icelluy de la Roche perciste offrant se purger par serement quil a faict lesdictz loctz au mieulx mal quil luy a este possible Et na recelle aulcuns biens qui deussent venir en partaige protestant diceulx augmenter ou diminuer Et pour le regard des contraictz a luy monstrez par ledict Deydie en dacte du douziesme de novembre mil cinq cens vingt sept (1527) huictiesme apvril mil cinq cens quarante ung (1541) Second jour de juillet mil cinq cens vingt ung (1521) vingt neufiesme octobre mil cinq cens trente troys (1533) seziesme de decembre mil cinq cens trente cinq (1535) Et vingt quatriesme novembre mil cinq cens Cinquante cinq (1555) Dict ledict de la Roche quil offre payer la quarte partie des sommes contenues par lesdictz contraictz en luy adjugeant la quarte partie des Centz et rentes contenues en iceulx contraictz /v/ protestation toutesfoys que si ledict de la Roche ou les siens pour ladvenir trouvoyent que lesdictes rentes
199, C (Sept1 10, 2040)
ayent este rachaptees par feuz Jehan dict Jehanicet de Bourdeilhe Et Ysabeau de Sainct George a qui apartenoyent lesdictz biens ou aultres en leur nom eulx vivant de pouvoir recouvrer desdictes sommes quil aura bailhees Et neaulmoings requiert led de la Roche quil luy soyt promiz proceder par censures et fulminations ecclesiatiques et sans nul exception autre tous ceulx et celles qui scavent icelles rentes avoir este rachaptees par ledict de Sainct George & lesdictz feuz de Bourdeilhe ITEM Et a ce que ledict Deydie dict que combien quil ne soyt tenu faire lesdictz premiers loctz Ce neaulmoings usant de bonne foy Et pour eviter long procez et sans preiudice des dommaiges et interestz par luy souffertz offre faire deux loctz desdictes rentes communes et desdictz deux loctz commungs entre lesdictz parties faictz que ledict de la Roche les preigne augmante ainsy que bon luy semblera Et que appres icelluy Deydie en puisse prendre et choysir ung Et de laultre en faire deux et en bailher le choix audict de la Roche Et dict led
200, (Sept1 10, 2041)
de la Roche quil accepte loffre dudict Deydie en ce que conserne le partaige desd rentes communes seulement sans preiudice des pactes et convention faictz entre lesdictes parties desdictes rentes Aussi sans preiudice de la recompance de huict charges de bled Argent et poulailhe de rente par ung ch’un an que ledict Deydie doibt bailher audict de la Roche et de augmenter ou diminuer en tout evennement quil se trouve moings ou plus de rentes que celles qui sont specifiees par lesdictz loctz Et de plus amples droictz que ledict de la Roche pretend sur lesdictes rentes et aultres biens delayssez par le decez et trespas de feu Jehanicet de Bourdeilhe en son vivant seigneur de Montagrier Concluand aux fins susdictes et demande despens dommaiges et interestz requerant sur le tout iustice luy estre administree Ainsi signe Galopin ET ADVENANT Le dixiesme jour desdictz moys et an se compareut par devant nous en la salle du pallays yssens de court Ledict Deybrailh procureur dud seigneur de Ribeyrac qui mist par devers nous la
voir ici le mss. (5ème partie)
201, CI (Sept1 10, 2042)
response aux dupplicques dernierment par ledict seigneur de Soubran bailhees Et neaulmoings requist le procez estre appoincte en droict comme aultrefoys SURQUOY nous Commissaire susdict receusmes ladicte responce & appoinctasmes le procez en droict comme aultrefoys Et peu appres ledict Ythier se compareut par devant nous lequel requist veoir ladicte responce bailhee par ledict seigneur de Ribeyrac parquoy ordonnasmes quil la verroyt SENSUYT la teneur de ladicte responce LEDICT Deydie faisant responce aux dupplicques dudict de la Roche perciste en ce quil a desduict cy devant et contenue en vostre procez verbal lequel veu dict devoir obtenir ses fins et conclusions avecques despens dommaiges et interestz Et pour respondre a ce que ledict de la Roche dict avoir faict au mieulx mal quil luy a este possible les loctz des rentes dont est requis le partaige Et navoir recelle aulcuns biens qui deussent venir en partaige protestant diceulx augmenter ou diminuer Dict ledict Deydie quil ne ignore poinct que ledict de la Roche ne dye verite en ce quil confesse avoir faict lesd loctz le mieulx mal quil a peu mais de tant
202, (Sept1 10, 2043)
il doibt perdre sa cause Car les devoyt faire les plus iustes et esgaulx quil pouvoyt et non iniustes comme il confesse disant les avoir faict le mieulx mal quil auroyt peu Et pour monstrer quilz ont este mal faictz ledict Deydie employe ce quil a desduict par ses contredictz et repplicques A ce que ledict de la Roche a dict quil offre payer la quarte partie des sommes contenues par les contraictz a luy communicquez en luy adjugeant la quarte partie des centz et rentes contenues en iceulx contraictz /v/ protestations toutesfoys que si ledict de la Roche ou les siens pour ladvenir tiennent que lesdictes rentes ayant este rachaptees par feu Jehan dict Jehanicet de Bourdeilhe et Ysabeau de Sainct George a qui apartenoyent lesdictes biens ou aultres en leur nom de pouvoir recouvrer lesdictes sommes quil aura bailhe Et quil luy soyt permiz impetrer monition Dict ledict Deydie quil na requiz que ledict de la Roche luy rendist ne paya la quarte partie des sommes que ont este bailhees par le recouvrement et acquisition desd rentes et de luy en adjuger le quarte
203, CII (Sept1 10, 2044)
partie ny a lyeu ne apparance et ledict de la Roche nostre recepvable ce requerir nempeschat’ que ledict de la Roche ayt permission dimpetrer monition suyvant son requisitoire A ce que led de la Roche dict quil accepte loffre dudict Deydie en ce que conserne le partaige des rentes communes seulement sans preiudice des pactes & conventions faictz entre lesdictes parties Dict ledict Deydie /v/ protestation cy devant dictes il offre faire led partaige en la qualite quil auroyt cy devant dict Et suyvant ledict offre par luy faict a cd que ledict de la Roche dict que aussi sans preiudice de la recompance de huict charges de bled avoyne et poulailhe de rente par chascun an que ledict Deydie doibt bailher audict de la Roche Et de augmanter ou diminuer et de plus amples droictz que ledict de la Roche pretend sur les aultres biens et rentes Dict ledict Deydie quil nest reffusant ne endemeure de bailher et faire audict de la Roche ce quil est tenu faire quand ledict de la Roche en monstrera Et quand aux aultres droictz quil pretend quand ledict de la Roche en fera demande ledict Deydie offre luy faire responce
204, (Sept1 10, 2045)
Et deffendre Si Conclud comme aultrefoys Et a despens dommaiges et interestz Esquels dict et requiert led de la Roche estre condempne actendu les delays et subterfuges faictz par icelluy de la Roche Et aultrement pertinement Ainsi signe Essenault ET ADVENANT le vingt sixiesme jour desdictz moys et an avant pasques nous procedasmes a la prelation de nostre sentence delaquelle la teneur sensuyt Ensemble de la signification faicte au procureur dudict seigneur de Soubran ENTRE Messire Francoys Deydie chevalier seigneur de Ribeyrac et conseigneur de Montagrier demand’r en execution darrest division et partaige dune part Et Jehan de la Roche chevalier seigneur de Soubran & dudict Montagrier defendeur daultre Peu par nous Arnault de Ferron Conseilhier du roy en sa court de parlement de Bourdeaulx Et Commissaire par icelle deppute en ceste partie les loctz faictz par ledict defendeur Contredictz reponce repplicques Dupplicques desd parties nostre procez verbal Et tout
205, CIII (Sept1 10, 2046)
ce que a este miz par lesdictes parties par devers nous & mesmes loffre faicte par ledict demandeur pour ses repplicques et acceptation dicelles par ledict deffendeur faictes en ses Dupplicques Et aultres dires des parties contenus par nostre procez verbal avoms ordonne & ordonnoms que ledict demandeur reffera et mectra par devers nous les loctz des rentes dont est question entre lesd parties au premier jour lesquels led deffendeur pourra veoir & a iceulx deliberer dans le huictiesme jour appres quasimodo prochainement venant aultrement et en deffault de ce faire forcloz et permiz aud demandeur ledict jour passe opter Et choysir sa moictie desdictes rentes Et partaiger laultre moictie sauf si appres avoir veu iceulx loctz de nouveau faictz ledict defendeur dict causes & raisons au contraire au premier jour le tout suyvant les sentences et arrestz surce internennz offers & consentementz susd & sur les aultres differendz desdictes
206, (Sept1 10, 2047)
parties ordonnoms quelles respectivement diront produyront et contradiront tout ce que bon leur semblera dans ledict huictiesme jour appres quasimodo aultrement forcloz et le procez appoincte en droict comme aultresfoys tous despens reservez en fin de cause Pronunce et donne a Bourdeaulx par nous Commissaire susdict en presence de maistre Pierre Deybrailh procureur dudict de Ribeyrac en absence dudict seigneur de Soubran et de son procureur le vingtsixiesme jour de mars mil cinq cens cinquante cinq (1555) Avant pasques Ainsi signe A de Ferron Le vingthuictiesme jour des moys et an escriptz au blanc le contenu en icelluy a este signiffie a maistre Jehan Ythier procureur de partie adverse qui en a heu coppie et faict reponce quil proteste den appeller par moy Ainsi signe Robert ET ADVENANT le vingthuictiesme jour desdictz moys et an avant pasques en nostre logiz se compareut par devant nous ledict maistre Denys Symonet pour ledict seigneur de Ribeyrac lequel mist par devers nous les loctz du partaige des rentes suyvant nostre sentence lesquels receusmes & ordonnasmes que seroyent communicquez audict seigneur de Soubran ou a son procureur pour iceulx veuz en venir dire ce quil apartiendra au premier jour SENSUYT la
207, CIIII (Sept1 10, 2048)
teneur desdictz loctz CE SONT les deux loctz faictz par messire Francoys Deydie chevalier seigneur de Ribeyrac et de Montagrier pour la plus grande partie des rentes communes et que doibuent venir en partaige entre ledict Deydie Et messire Jehan de la Roche chevalier seigneur de Soubran et dudict Montagrier en partie combienque ledict Deydie ne feust tenu les faire Et ce sans preiudice de ses despens dommaiges et interestz Et /v/ protestations cy devant dictes Et pour le premier et lhung desdictz loctz ledict Deydie mect les rentes et feudalite aparten’ par commung ausdictes parties pour raison des tenances estant ez parroisses de Montagrier et Brassac des le chemyn par lequel lon va du moulin de Salles a la porte Videl passant devant la maison de Pierre des Vernhes et tout le chemyn que lon va de ladicte porte de Videl vers et jusques au champt du bourg de Brassac passant devers la planche de La Guyonie et dudict champt du bourg de Brassac allant tout le chemyn que lon va dudict champt du bourg de Brasssac vers la croix piarre dudict Brassac Et de la croix piarre allant tout
208, (Sep1 10, 2049)
le chemyn que lon va de la croix piarre vers le villaige de la Brousse aultrement appelle de La Faye et jusques au villaige de Lamont en la parroisse de Celle passant entre ledict villaige de la Brousse et les villaiges des Plantiers et de Valchabrier comprenant audict present loct la rente deue acause dudict villaige de la Brousse lesquelles rentes tenances & feudalite demeurees au present loct ausd parroisses sont devers la ville de Lisle a main droicte Plus mect audict present loct les rentes et feudalite communes et ausdictes parties aparten’ ez parroisses de Touquane Sainct Apre Bertric Sainct Vivien et la rente a au eulx deue acause du villaige de Lamont en la parroisse de Celle ses appandances et deppandances et acause du villaige de la Reiounye en ladicte parroisse de Celle Et pour laultre loct mect toutes les aultres rentes et feudalite communes et devers ausdictes parties acause de tenances monnans de leur feudalite estant esdictes parroisses de Montagrier Brassac et Celle Ensemble toutes les rentes et feudalitez communez et apartenantz ausdictes parties acause Des tenances monnans de leur feudalite estant ez parroisses de Sainct Meard de Dronne
209, CV (Sept1 10, 2050)
Et Sainct Victour desquels deux loctz ledict Deydie offre en prendre et choysir lhung Et laultre en faire deux de lhung desquels ledict de la Roche en pourra prendre & choysir lhung le tout sans preiudice des despens dommaiges et interestz par ledict Deydie pretenduz contre ledict de la Roche nempeschant que en ledict de la Roche verra que ledict Deydie aura faict lhung desdictz premiers loctz avantaieux quil augmante ou diminue celluy que bon luy semblera Ainsi signe Deybrailh Et ledict jour les susdictz appoinctement et loctz feurent signiffiez aud Ythier procureur dudict seigneur de Soubran qui auroyt prins ung double desdictz loctz & faict responce quil les verroyt comme nostre clerc nous relata ET ADVENANT le vingt deuxiesme jour du moys dapvril mil cinq cens cinquante six (1556) appres pasques Se compareurent par devant nous en la salle du pallays yssens de court lesd Deybrailh et Monthouzon pour ledict seigneur de Ribeyrac Et ledict Ythier pour ledict seigneur de Soubran Par led Deybrailh feust dict avoir opte et choysy lhung des
210, (Sept1 10, 2051)
deux loctz des rentes cy devant faictz par ledict seigneur de Ribeyrac suyvant nostre Sentence du vingt sixiesme de mars dernier passe et de laultre loct en avoir faict deux Et comme est contenu par ung dire que ledict Deybrailh mist par devers nous requerant que ledict seigneur de Soubran choysist et optast lhung des deux presentement faictz dans ung brief terme Et pour le regard des despens dommaiges et interestz et aultres conclusions par ledict seigneur de Ribeyrac prinses suyvant ladicte Sentence pour tout dire & production auroyt employe nostre procez verbal Et ce quil auroyt desduict pour icelle Et requist que ledict de la Roche feust forcloz de production et le procez estre appoincte en droict Par ledict Ythier feust requiz veoir les loctz presentement bailhez par ledict seigneur de Ribeyrac pour opter choysir Dire Et contredire et delay de quinzainne et pour le regard des aultres conclusions par les parties prinses au procez requerant delay de troys jours SURQUOY nous Commissaire susdict receusmes le dire et loctz par ledict seigneur de Ribeyrac bailhez et ordonnasmes que ledict Ythier
211, CVI (Sept1 10, 2052)
pour ledict seigneur de Soubran les verroyt et en viendroyt choysir lhung et celuy que bon luy sembleroyt dire et contredire dans quinzainne et le jour passe permiz audict seigneur de Ribeyrac en prendre lhung et laisser laultre audict seigneur de Soubran Et pour le Regard des despens dommaiges et interestz Et aultres conclusions prinses audict procez forcluasmes ledict seigneur de Soubran de dire produyre et contredire & appoinctasmes le procez en droict comme aultrefoys surcroiroyt sil disoyt produisoyt & contredisoyt ce que bon luy sembleroyt dans troys jours SENSUYT la teneur desdictz deux loctz & dire bailhez par ledict seigneur de Ribeyrac LEDICT Messire Francoys Deydie chevalier seigneur de Ribeyrac et de Montagrier pour la plus grande partie demandeur sur execution darrest Contre Jehan de la Roche chevalier seigneur de Soubran et dudict Montagrier en partie suyvant vostre sentence de vingt sixiesme de mars dernier passe a opte et choisy le loct des rentes et feudalite et cell auquel sont les rentes de Sainct Victour
212, (Sept1 10, 2053)
Sainct Meard avec toutes les aultres rentes estant audict loct et des rentes estans en laultre loct ledict Deydie suyvant ladicte sentence en faict deux desquels ledict de la Roche en pourra choisir et opter ung comme sensuyt Et pour le premier ledict Deydie mect toute la rente et feudalite apartenant en commung ausdictes parties acause des tenances estans entre le chemyn que lon va de la porte Videl aux claux Lebret passant au devant la grange des hoirs de feu Helyes Bouliere dict le lacquay et dicelle allant jusques a la riviere de la Dronne passant entre les prez des Conbechaves et les prez et tenances des hoirs de feu maistre Jehan Bouliere et laultre chemyn que lon va de ladicte porte de Videl a la croix de Cappitaine et de ladicte croix de Cappitaine tout le chemyn que lon va de ladicte croix vers Touquane Plus toute la rente et feudalite apartenans en commung ausdictes parties acause des prez estans des le moulin du Pont de Touquane jusques au moulin de Bonnes et entre le fleuve de la Dronne et le
213, CVII (Sept1 10, 2054)
chemyn que lon va dudict moulin du Pont au moulin de Bonnes plus toute la rente & feudalite commune entre lesdictes parties et a icelles aparten’ acause du repaire noble et villaige du Petit Goujas ses appartenances Et deppendences les villaiges du Grand Goujas de Puy Reuilh Combe De Feydis avecques la rente deue acause de la vigne que les tenanciers dudict villaige et leurs consors ont prez chez Lauvergnac deppendent dudict villaige plus la rente acause des villaiges du mas Rouland Combechave le villaige de George borie de Vignoleas maynement de Peigueye la rente deue acause de la terre appelle des iustices et garene que les Reynaudz tiennent de la feudalite desd parties plus la rente et feudalite aparten’ ausdictes parties par commung entre elles acause des villaiges tenan’ des Puychardz & Bernichous que sont les maynement de Fontanil la Charboniere et Puy de Prade plus la rente deue acause dune vigne et terre que les Bloys et leurs consotz tiennent estant entre les tenances appellee du Petit Noujaret et la garenne que les Reynaudz
214, (Sept1 10, 2055)
tiennent la rente deue acause de la terre appellee de Feydis tenue par Loys Brachet dict farolle et ses consors joignant au maynement de la Chijarie la rente deue acause des villaiges et tenances appellez de Chars et mas Marnier tenue par Anthoyne Bouchillon maistre Micheau des Vernhes et aultres leurs consors la rente et feudalite apartenans ausdictes parties acause de neuf journeaux de terre tenue par les Renamondz en Conbelles et Braulhat plus la rente et feudalite deue ausdictes parties sur le villaige de Truffieres Et Reglemier leurs appartenances et deppendences tenue par les Bonus la rente et feudalite apartenant ausdictes parties acause dune vigne appellee en Pissechien que seuloyt estre tenue par les Fourels et est tenue a present par Bernard Coulant et aultres ses consors plus la rente et feudalite apartenant ausdictes parties acause des villaiges de Fonreal les deux Bessades la Chappolie Combas Guilhaumes la Reigne Puyruffe et les villaiges de Verret Chastandel et la Gorce tenuz par ceulx de Verret et leurs consors
215, CVIII (Sept1 10, 2056)
Plus la rente deue acause des villaiges de la Proeytie et Compostie et terres estans dans ledict villaige de la Compostie le Mayne du Bost les villaiges de la Brousse et le Pleyssac et toue la rente deue ausdictes parties acause dhune piece de terre appellee au Puy de la croix tenue par les Montouzon plus la rente deue ausdictes parties acause du villaige de Lamont et ses apartenances tenuz par Arnauld Lamont ses enfens et consors le villaige de la Rejouie la rente deue ausdictes parties acause des villaiges de la Borie de Grelous des Brouljaudz et du Trulh leurs appartenances et deppendences et la rente deue acause des prez des Soubrenatz et toute la rente deue ausdictes parties en la parroisse de Bertric la rente deue ausdictes parties acause de la maison neufue de Berthomieu Bouliere et acause de la maison et jardin de maistre Estienne Guinssenat et des maisons de maistre Jehan Faure et Jehan Chappeau dict de parquet et les maison et jardin de Guilhem Mayot Robert Brachet et Guilhon Chanard dict le negre Et les
216, (Sept1 10, 2057)
maison et jardins tenuz par Jehan & Denys Bouliers filz de Guyot et par Jehanne Barbe Et pour laultre loct ledict Deydie mect toutes les aultres rentes et feudalitez estans communes et aparten’ ausd parties et que seroyt demeurez au loct dont a present ledict Deydie a faict deux et desquelles loctz faict a present par ledict Deydie requiert que ledict de la Roche preigne et choysisse celluy que bon luy semblera dans ung brief terme lequelle passe et a deffault de ce faire luy soyt permiz en prendre ung et laisser laultre Et le tout sans preiudice des aultres droictz pretenduz par ledict demandeur Et en oultre requiert que ledict defendeur qui a tousiours fouy et delaye de faire ledict partaige et execution soyt condempne en tous les despens dommaiges et interestz par led demandeur faictz et souffertz a cause dicelle execution Et aultrement conclud pertinement & a despens et a ses fins requiert le procez estre appoincte en droict employant pour tout dire et production vtre’ procez verbal Ainsi signe Deybrailh
217, CIX (Sept1 10, 2058)
ET ADVENANT Le cinquiesme de may au susdict an la salle du pallais yssens de court Se compareurent par devant nous ledict Monthouzon pour ledict seigneur de Ribeyrac Et led Ythier pour led sre de Soubran Asistant avecques luy damoyselle Jacquete de Pouvreau femme dudict seigneur de Soubran Par ledict Monthouzon feust requis le dict defendeur estre forcloz de dire produyre et contredire aux deux loctz dernierement faictz par ledict demandeur Ensemble aux autres concluons’ par ledict demandeur prinses Et permis audict demandeur prendre lung desdictz deux loctz dernierement faictz suyvant nostre appoinctement procedant Et dicell’ loct quil prendra comme il offre faire estre mys en possession realle Ensemble de lautre premier loct par ce dict demandeur prins Et choysi Et pource faire nous en retourner sur les lieulx pour par achever ladicte execuon’ aux despens dudict seigneur de Soubran a faulte davoir faict le partaige des biens dont estoit question nous
218, (Sept1 10, 2059)
estans sur les lieulx Suyvant les senten’ et arrestz En suyvant le dire & offre faicts par ledict defendeur et estre faict comman’t aux tenanciers & emphiteotes des tenances a cause desquelles Sont deues audict demandeur les rentes droictz et fundalites audict demandeur demeures par ledict premier loct par luy prins et choysi ensemble en lung des autres dernierement faictz desqlz’ en offre prendre ung a faulte davoir choisy par ledict seigneur de Soubran lung desd deux loctz dernierement faictz Et inhibion’ & defence estre faicte audict defendeurs et Tous autres troubles ne empescher ledict demandeur en la possession et jouyssance deladicte rente & droictz apartenans audict demandeur Ensemble aux droictz preminences et auctorites audict demandeur apartenans en ce quest demeure par partaige audict demandeur en faisant le partaige de la justice de Montagrier et au juge procureur greffier et sergens dudict defendeur faire au dedans le destraict de la justice dudict demandeur aucuns actes exploictz
219, CX (Sep1 10, 2060)
ou criees a peyne de cinq cens livres tourn’ sans permition dudict demandeur ou de ses officiers offrant accepter par’eilles inhibions’ pour le regard dudict defendeur Et en oultre icelluy defendeur estre condempne en Tous les despens faictz sur lexecution des Sentence & arrestz dont a pnt’ estoit requis lexecuon’ et dommaiges et interestz souffertz par ledict demandeur a faulte davoir obey par ledict defendeur Suyvant le requis dudict seigneur de Ribeyrac si devant faict incere en nostre procez verbal Et que par ledict Ythier feust dict navoir peu recouvrer memoyres de sa partie requerant delay de huictine SURQUOY Nous commissaire susdict parties oyes forcluasmes ledict seigneur de Soubran de dire produire et contredire aux loctz dernierement faictz par ledict demandeur Ensemble aux concluons’ par luy prinses Et ordonnasmes que les parties mectroyent par devers nous tout ce que bon leur sembleroit pour en estre ordonne comme de raison dans huixtaine autrement forcloz Surcryroit
220, (Sept1 10, 2061)
Si ledict defendeur disoit produisoit & contredisoit Ce que bon luy sembleroit dans ladicte huictaine Et le jour passe Seroit faict droict parce que se trouveroit par devers nous Leut ledict Monthouzon pour ledict seigneur de Ribeyrac protesta de tous despens dommaiges et interestz ET ADVENANT Le treziesme jour desdictz moys et an se compareust par devant nous en la salle du pallais yssens de court ledict Ythier procureur pour ledict seigneur de Soubran Assistant avec luy damoyselle Francoyse de Pouvreau femme dudict seigneur de Soubran lequel Ythier mict par devers nous certain dire que receusmes et co’mmicquasmes audict Symonet Soliciteur dudict seigneur de Ribeyrac qui ne fist aucune response et ordonnasmes quil en viendroit du premier jour Lequel dre’ la teneur sensuyt LEDICT Messire Jehan de la Roche chevalier seigneur de Soubran et de Montagrier en ses p’ties contre Francoys Deydie chevallier sr’ de Ribeyrac en faisant responce a
221, CXI (Sept1 10, 2062)
certains pretenduz loctz & partaige des rentes de la chastellanie de Montagrier estant communes Entre led de la Roche & Deydie bailees par ledict Deydie par devant vous monsieur de Ferron conseiller du roy en sa court de parlement A Bourdeaulx dict que les loctz baillez par ledict Deydie pour raison des susdictes rentes communes Sont moings que suffisans et confuz et inpertinentz et non recepvables mesmement en ce quil ne nomme ne speciffie par iceulx aucune rente tenen’ ne tenantiers Aivs Seulement certaines parroisses & jurisdiction tant de Montagrier/ Celle/Bertric/ Brassac/Toucane/Sainct Victour/Lousignac & salle Sainct Vivien distant lung de lautre de deux ou troys lieux Et restant de ladicte jurisdiciton de Montagrier et sans nommer comme dict est la tenance Ny tenanciers desdictes parroisses ne nommer la rente qui pourroit estre deue A rais’ de ce et combien que ledict de la Roche eust faict cy devant la partaige
222, (Sept1 10, 2063)
desdictes rentes Et par icelluy nomme les rentes & ceulx que les debuoirent et que le partaige par luy faict feust bon et vallable Ce neaulmoings icelluy Deydie nauroit oucques voullu choysir lung diceulx Et de lautre en faire deux affin que led de la Roche eust peu choysir lung et en faire a son plaisir et volunte Et quil peult avoir son droict avis au lieu de ce faire auroit faict tel quel nul et impertinent partaige sans nommer ne speciffier comme dict est aucune rentes tenence ne tenantiers Et ne peult pretendre ledict Deydie aucun interestz en ce quil a voulu desduyre Ledict de la Roche navoir nomme Les tenances pour Lesquelles sont deues Lesdictes rentes des nommes aux loctz par ledict de la Roche bailles actendu et mesmement quil le y peult contraindre Lesdictz tenantiers Si bon luy semble et aussi quil a comme Il a confesse les terriers et papiers sensifz du chasteau dudict Montagrier estre devers luy en Sa garde et commande Parquoy dict ledict de la Roche que les loctz et partaige bailles par ledict Deydie
223, CXII (Sept1 10, 2064)
Sont moings comme dict est que suffisans et telz doibuent estre par Vous monsieur dictz et declaires et bailles par ledict de la Roche ledict Deydie doibt choisir lung diceulx et de laultre en faire deux et partaiger par moictie et bailler le choys audict de la Roche /o/ protestaon’ contenues ausdictz loctz percistant en iceulx Et en tout ce que cy devant a este par devant Vous desduyt Et aux despens dommaiges et interestz Et en oultre ledict de la Roche dict actendu que cy devant Il a este faict partaige de la justice de la jurisdicition de Montagrier entre ledict de la Roche et Deydie et que les rentes que pourroient compacter et apartenir audict de la Roche Seroient et pourroient estre entierement que quessont la plus grand partie dans la justice dudict Deydie Et Aussi les rentes que ledict Deydie pretend pourroient estre dans la justice dudict Roche A ceste cause Lesdictz Deydie et de la Roche et leurs tenenciers pourroient estre en debat et proces Et pour
224, (Sept1 10, 2065)
eviter les debatz proces raison de ce entre lesdictz de la Roche et Deydie ledict de la Roche dict et consent quil soit faict ung papier sensif entierement desd rentes communes de la justice de Montagrier Entre ledict Deydie et de la Roche Et appendences et deppenden’ dicell’ chasteau de Montagrier et icelluy faict quil Soit signe Tant par ledict Deydie que de la Roche Et icelluy papier faict entierement de ce quil se pourra trouver de toutes les rentes communes et Icelluy faict quil en soit distraict la part et cothite que pourroit compacter et apartenir audict de la Roche Et luy Soyent bailler et mises dans sa justice et autrement de proche en proche le plus commodement que faire se pourra et les autres rentes estans dans ledict papier faict entierement deviennent audict Deydie dans sa justice ou ailleurs en quelque part que se Soient O protestaon’ que
225, CXIII (Sept1 10, 2066)
Si se trouvoit a ladvenir autres plus amples rentes que celles que seront dans ledict papier estant communes tant en la justice desdictz Deydie que de la Roche
que ung chascun en puisse prendre et quereller son droict et cothite oultre celles qui ne Seront nommes par lesd papier Sensif faictz entierement disant que veu ce que dict est Il doibt ainsi par vous monsieur estre appoincte et ordonne Concluant aux susdictes fins et autres fins cy devant desduictes percistant en icell’ et autrement pertinement & a despens dommaiges et interestz Ainsi signe Galopin ET ADVENANT Le quinziesme jour desdictz moys et an Se compareurent par devant nous en la salle du pallais yssens de court maistres Symon Galopin et Jehan Ythier advocat et procureur dudict seigneur de Soubran en pnce’ dudict Deybrailh procureur dudict seigneur de Rybeyrac Lequel Galopin nous dict que par cy devant ledict
226, (Sept1 10, 2067)
seigneur de Ribeyrac auroit faict faire quelques loctz des rentes communes entre les parties Lesquelx loctz avoit mis par devers nous sans ce que en iceulx feussent contenuz les lieulx Subiectz ausdictes rentes ne que ausdictz loctz y eust aucune expecificaon’ ne confrontation diceulx Avis ceulx quil a faict et sont contenuz en ung feuillet et demy de papier sont autant confuz et impertinent que loctz pourroient estre Ausquels Il avoit delibere suyvant la memoire dudict seigneur de Soubran Laquelle deliberaon’ auroit este par nous receus ampres laquelle le soliciteur dudict seigneur de Ribeyrac dict quil avoit mis par devers nous lesdictz loctz desdictes rentes Ausquelx les lieulx subiectz ou paiement diceulx estoient a plain specifiez etr designez Ampres laquelle declaraon’ le procureur & soliciteur dusd seigneur de Soubran se seroit retire par devers nre’ clerc pour scavoir si ledict seigneur de Ribeyrac avoyt mys devers nous lesdictz loctz contrenant ladicte specification et declaraon’ des lieulx que
227, CXIIII (Sept1 10, 2068)
ledict soliciteur se jectoit et auroyt trouve quil ne y avoit aucune declaraon’ des rentes ne specification desdictz lieulx Et de tant que le conseil dudict seigneur de Rybeyrac pourroit produyre par devers nous autres que sur lesquelx Il a delibere et que parce moyen ledict seigneur de Soubran pourroit estre circonvenu nous auroit requis en pnce’ dudict Deybrailh procureur dudict seigneur de Ribeyrac et du solicituer aussi dud seigneur quil leur feust Entoinct monstrer & communicquer tout ce quilz en avoient ou auroient par devers nous au procur’ dudict seigneur de Soubran par tout le jour a peine de cinq cens livres ou a faulte de se faire les regecter et estre declaires pour non advenuz et que led seigneur de Ribeyrac ne sen poult ayder pour ladvenir PAR ledict Deybrailh feust dict navoir lesdictz loctz vray est quilz avoient este mys par devers nous et avoit passe en force de chose jugee et ledict Ythier en avoir eu le double et suyvant nostre sentence et appoin’ment
228, (Sept1 10, 2069)
ledict demandeur avoir opte et choisi lung desdictz premiers loctz et de lautre en avoir faict deux desquelx deux dernierement faictz requist comme cy devant que ledict seigneur de Soubran preigne ung ou Soit permys audict demandeur prendre lung et laisser lautre audict defendeur Parquoy nestoit tenu les luy monstrer mais quil les vid par les mains de nre’ clerc si bon luy sembloit lesquels les avoit inceres en nre’ proces verbal SURQUOY Nous commissaire Susdict ordonnasmes que ledict Deybrailh monstreroit au procureur dudict seigneur de Soubran par tout le jour a peyne de cent livres les loctz quil disoit avoir baille ou entendoit bailler ou lesdictes rentes estoient speciffiees et declairees ausquels ledict seigneur de Soubran pourroit opter dire et deliberer ez derniers desdictz loctz ce que bon luy Sembleroit dans troys jours ou a faulte de ce faire Par ledict Deybrailh pour ledict seigneur de Ribeyrac regectasmes
229, CXV (Sept1 10, 2070)
lesdictz pretenduz loctz que ledict seigneur de Ribeyrac pourroit produyre ou avoir produyt Ou ledict seigneur de Soubran neust respondu en eu le double diceulx ET ADVENANT le vingtungiesme jour desdictz moys et an se compareurent par devant nous en la salle du pallais yssens de court Led Deybrailh pour ledict seigneur de Ribeyrac Et ledict Ythier pour ledict seigneur de Soubran Par Ledict Deybrailh feust dict que veu nostre sentence appoin’ment consentement dudict defendeur Et tout ce que a este desduict par le proces que led defendeur estoit tenu opter et choisir lung des deux derniers loctz des rentes faictz par ledict seigneur de Ribeyrac ou a deffault de ce estre permis aud demandeur en prendre lung et laisser lautre audict defendeur Et ne peult enpescher ce que ledict defendeur a voulu dire que ledict seigneur de Ribeyrac nauroit confron’ Les tenances et speciffie la rente Car par lesdictz deux loctz dernierement faictz il avoit asses nomme
230, (Sept1 10, 2071)
Et especiffie les tenances et declaire la rente en disant que toute la rente et fundalite apartenant ausdictes parties pour raison des tenances et heritaiges nommes par le premier loct desdictz deux derniers loctz faictz qui est pour ung Et le reste des rentes demeurees audict loct dont on a este dernierement faict deux estoit pour lautre quoy veu dict debuoir obtenir Et estre mis en possession realle et actuelle des rentes et fundalite a luy demeurees par le loct quil auroit cy devant opte et choysi ensemble de lung des autres deux loctz dernierement faictz Et estre faict inhibion et defence audict defendeur et tous les autres le y troubler et enpescher Ensemble de le troubler et enpescher aux auctorites preminances a luy apartenant en la justice a luy demeure par partaige Et aux officiers dudict defendeur & autres faire au dedans la justice demeuree par partaige audict demandeur aucuns actes crides et exploictz a peyne de dix mille livres sans permission dudict
231, CXVI (Sept1 10, 2072)
demandeur ou de ses officiers et icelluy defendeur estre condemne en tous les despens faict jusques a present sur lexecuon’ des sentences et arrestz dommaiges et interestz souffertz par ledict demandeur a faulte davoir faict par ledict defend’r ledict partaige Et que par ledict Ythier feust dict et perciste en ce quil avoit desduict audict proces Et que les loctz par ledict seigneur de Soubran faictz estoient suffisans Tellement que ledict seigneur de Ribeyrac estoit tenu en opter et choisir ung et de lautre en faire deux Et en bailler le choys audict defendeur Et ny avoir lieu de condemner icelluy deffendeur en aucuns despens faictz sur ladicte execuon’ PAR Ledict Deybrailh feust perciste et dict du contraire Veu que les premiers Sont juges choisis optes et passes en sont de chose jugee Ainsi quil appert par nostre proces verbal SURQUOY Nous commissaire susdict parties oyes appoinct’mes le proces endroict comme autresfoys Et ordonnasmes qui en seroit
232, (Sept1 10, 2073)
dict droict de jour en jour dheure en heure ET ADVENANT Le huictiesme jour de jun audict an procedasmes a la prolaon’ de nostre senten’ en presance dudict Monthouzon procureur dudict seigneur de Ribeyrac et ordonnasmes que seroit communicquee audict Ythier procureur dudict seigneur de Soubran ce que fut faict par nostre clerc comme il nous relata quil fist response quil protestoit den appeller de laquelle sentence la teneur Sensuyt ENTRE Messire Francoys Deydie chlr’ seigneur de Ribeyrac demandeur en execuon’ darrest dune part Et Messire Jehan de la Roche chevalier seigneur de Soubran defendeur dautre VEU Les arrestz du vingthuictieme dapvril mil cinq cens cinquante troys (1553) trentiesme daoust mil cinq cens cinquante quatre (1554) Nostre procez verbal contenant le dire des parties Avons ordonne que papiers Sensifz sera faict des rentes communes entre lesdictes parties Et pour icell’
233, CXVII (Sept1 10, 2074)
faire senuniront lesdictes parties ung personnaige chascun dans troys jours lequel papier sensif faict sera signe desdictes parties ou leurs procureurs Et ce dans huictaine apres Et ce faict speciffiera particulierement ledict demandeur ez lotz que seront faictz des rentes dont est question entre lesdictes parties les rentes dans huictaine ensuyvant auquel jour et plustost si bon luy semble ledict demandeur defendra a la requision’ dudict seigneur de Soubran en ce quil auroit requis que les rentes estons dans sa justice luy demeurassent en son lot pareillement ledict defend’r defendra ez despens de lexecuon’ requis par ledict demandeur dans huict jour Aussi defendra ledict seigneur de Soubran a ce que led demandeur requiert inhibion’ particuliere luy estre faicte et a ses officiers faire aucune acte audedans la justice dudict seigneur de Ribeyrac Et
234, (Sep1 10, 2075)
requerant que ledict seigneur de Soubran cy nomme et fournisse ung autrement ou a deffault de ce faire quil en fust decheu et ordonne que ledict seigneur de Soubran optera et choisira lung des deux lotz dernierement faictz par ledict seigneur de Ribeyrac en la qualite quilz ont este faictz Et des autres ledict seigneur de Ribeyrac estre mys en possession realle et actuelle le tout suyvant son requis par luy faict cy devant SURQUOY Nous commissaire susdict receusmes le dire dudict seigneur de Ribeyrac Et ordonnasmes que ledict Ythier proc’ dudict seigneur de Soubran y feroit response demain yssens de court auquel seroit signiffie par nre’ clerc ce que fut faict parlant audict Ythier qui fist response quil parleroit a son conseil ET ADVENANT Le douziesme jour desdictz moys et an en la salle du pallais yssens de court se compareust par devant nous ledict Deybrailh pour ledict
235, CXIX (Sept1 10, 2076) (CXVIII manque. Le texte de 235 est la suite du texte ecrit sur le parchemin 234 (Sept1 10, 2075).)
seigneur de Ribeyrac lequel
requist en absence deffault dudict seigneur de Soubran et dudict Ythier son
procur’ Ledict seigneur de Soubran estre forcloz de response audict
dernierement baille par ledict demandeur Et le proces estre appoincte en droict
comme autresfoys SURQUOY Nous commissaire susdict forcluasmes ledict defendeur
audict dernierment baille par ledict demandeur et appoinctasmes le proces
endroict comme autresfoys et seroit signiffie nostre appoinctement audict
Ythier Et ledict jour nostredict appoinctement fust signiffie audict Ythier
procur’ dudict seigneur de Soubran lequel fist reponce quil comparoistroit le
lendemain matin yssens de court par devant nous ainsi que nre’ clerc nous
reffera ET ADVENANT Le treziesme jour desdictz moys et an en la salle du
pallais yssens de court se conpareust devant nous led
236, (Sept1 10, 2077)
Ythier pour ledict seigneur de Soubran lequel en absence dudict Deybrailh procureur dudict seigneur de Ribeyrac dict pour ledict de la Roche en premier lieu que de sa part suyvant nostre sentence du huictiesme jour du pnt’ moys Il nommait maistre Guillaulme Monthouzon pour faire et rediger par escript avec maistre Jehan de Monthouzon les papiers sensifz necessaires aux parties des choses dont estoit question Et pour recepvable a ce que ledict sr de Ribeyrac a dict despuys ladicte sentence que ledict seigneur de Soubran nest responsible a avoir sa cothite des rentes sinon au lieu et endroit que sera le lot quil doibt prendre et choisir Suyvant les sentence & arrest A ce respond ledict seigneur de Soubran quil employe et perciste au dire par luy derr’ baille et dict que actendu que la justice dudict seigneur de Soubran que luy a este baillee par ledict seigneur de Ribeyrac
237, VI XX (six vingt = CXX) (Sept1 10, 2078)
a part et particuliere a que ampres que le papier sensif sera faict et signe et que la rente que luy peult apartenit luy doibt estre baillee au lieu le plus commodement que faire se pourra pour le solagement des parties car ne seroit raisonnable quilz eussent lung lautre leurs rentes en la justice lung de lautre pour les commodites qui sen pourroient ensuyvir Et oultre que si le partaige qui a este faict par ledict Deydie tenoit soent pareillement confuz Et a ce que ledict seigneur de Ribeyrac requiert ledict seigneur de Soubran estre condemne ez despens de la pnt’ execution & dict ledict seigneur de Soubran quil ny a lieu avis doibt estre ledict seigneur led seigneur de Ribeyrac qui doibt y estre condemne veu ses subterfuges car ne se trouvra que de la part dudict seigneur de Soubran ayt este en demeure et quil naye faict son debuoir en tout et partout ce quil a este
238, (Sept1 10, 2079)
possible ainsi que appert par nre’ proces verbal et dict oultre estre prest prendre lun des lotz dernier faictz et quil ne veult empescher que ledict seigneur de Ribeyrac preigne lautre et quilz en soient respectivement mys en possession pour en jouyr le tout sans preiudice des autres droictz apartenans aud seigneur de Soubran et oultre a ce que ledict seigneur de Ribeyrac requier que inhibions’ et defences feussent faictes audict seigneur de Soubran et a ses officiers audict lieu de Montagrier ne faire aucuns actes au dedans sa justice dict ledict seigneur de Soubran quil seroit bien marry denpescher en ses droictz quant seront cogneuz et speciffiez requi aussi que mesmes inhibions’ feussent faictes audict seigneur de Ribeyrac et ses officiers faire le semblable pareillement
239, VI XX I (Sept1 10, 2080)
requiert ledict seigneur de Soubran que ledict seigneur de Ribeyrac ne se face intituller a leglise dudict Montagrier quant faict proclamer aucune chose pour luy monsieur Avis quant fera faire aucune proclamaon’ en ladicte eglise soyt nomme monsr’ de Ribeyrac et en partie de Montagrier actendu mesmement que ledict seigneur de Soubran est conseigneur et autres Et que inhibion’ & defence luy Soient faictes a peine de mille livre autrement le faire au vicant et autres ses officiers audict lieu aultre intitulaon’ aquoy conclud et autrement pertinement et a despens SURQUOY Nous commissaire susdict receusmes le dire dudict seigneur de Soubran Et ordonnasmes quil seroit communicque audict seigneur de Ribeyrac lequel y viendroit faire responce dans le lendemain Et ledict jour nre’d appoinctement fust signiffie aud
240, (Sept1 10, 2081)
Deybrailh procureur dudict seigneur de Ribeyrac lequel en eust ung double du dire dudict seigneur de Soubran ensemble de nostredict appoinctement et fist response quil obeyrat ainsi que nostre clerc nous reffera ET ADVENANT Le quinziesme jour desd moys et an en nostre logiz se compareust par devant nous ledict Monthouzon pour ledict seigneur de Ribeyrac lequel mist sa responce au dire dudict seigneur de Soubran par devers nous Laquelle receusmes et ordonnasmes que seroit communicquee audict Ythier procureur dudict seigneur de Soubran Laquelle il verroit et y viendroit faire response le lendemain yssens de court de rellence et en oultre ce requerant ledict Monthouzon ordonnasmes que la sentence inceree au proces verbal de feu monsieur maistre Francoys de Caldenet en son vivant conseiller du roy en ladicte court donnee sur ledict partaige
241, VI XX II (Sept1 10, 2082)
dez biens dont est question Seroit inceree en nostre proces verbal et Soit signiffie audict Ythier ET ADVENANT Le lendemain matin environ lheure de sept heures Seziesme desdictz moys et an nostredict appoinctement fut signiffie audict Ythier et baille Le double du dire dudict seigneur de Ribeyrac qui fist response quil verroit que restoit comme nostre clerc nous reffera SENSUYT La teneur de la response dudict seigneur de Ribeyrac ensemble de la sentence contenue audict proces verbal dud feu seigneur de Caldenet Pour responce a certain dire baille par le seigneur de Soubran le treziesme jour de jun dict Messire Francoys Deydie chlr’ seigneur de Ribeyrac quil accepte le dire dudict de Soubran en ce quil accepte choysir ung des derniers lotz faictz par ledict seigneur de Ribeyrac Et nenpescher incontinant apres avoir choisi que les parties
242, (Sept1 10, 2083)
respectivement soient mises en possession desdictz loctz quant est du surplus de son dire mesmement quant a ce quil dict quil doibt avoir ses rentes en sa justice et quil ne seroit raisonnable quilz eussent lung lautre leurs rentes en la justice lung de lautre Dict que en ce il est contraire a soy mesmes mesmement en ce quil se seroit contente de choisir lung desdictz lotz par led Deydie dernierement faictz aussi ny a il apparence Car la justice ne sensuie ne se peuvent cadere en ladicte seigneurie considere que de la justice de Montagrier divisee en vingt deux parties en apartient audict seigneur de Ribeyrac unze parties Et demye Et des autres cothites en apartient audict seigneur de Soubran cinq et demye Et les autres cinq apartiennent aux seigneurs de Mourates Lascoux Montardit et Alemans parquoy seroit impossible regler la rente scelon la justice et la fondalite des
243, VI XX III (Sept1 10, 2084)
lieulx a cause desquelz est deue la rente et meilleur en ung lieu que en lautre Et a ce que dict nestre tenu des despens de lexecuon’ dict ledict seigneur de Ribeyrac que o correction Il en est tenu veu les sentence de feu monsieur de Caldenet laquelle requist estre inceree en nstrd’ proces verbal arrestz confirmatifz delad sentence delays et surterfuges que ledict seigneur de Soubran a uze comme de ce vous aparoistra par vre’ proces verbal et production dudict seigneur de Ribeyrac Icelluy seigneur de Soubran doibt estre condemne ausd despens a ce que ledict seigneur de Soubran dict quil seroit bien marry enpescher ledict seigneur de Ribeyrac en ses droictz auctorites quant seront congnuez et specifiez Dict que par voz proces verbal et partaige faict de ladicte justice de Montagrier sesdictz droictz sont asses congnuez et specifies PARQUOY ledict de la Roche ne peult incister les inhibions’
244, (Sept1 10, 2085)
luy estre faictes Et a ses officiers le troubler et empescher en ses droictz auctorites preminences a luy apartenant et que peuvent apartenir a ung chascun en sa justice Et de sa part nenpesche inhibion’ luy estre faictes et a ses officiers enpescher ledict de la Roche en ses auctorites droictz et preminances a luy apartenant en sa justice A ce que dict est requis que ledict seigneur de Ribeyrac ne se face intituller en leglise dudict Montagrier quant faict proclamer aucune chose pour luy monsieur avis quant fera faire aucunes proclamaons’ en ladicte eglise soit nomme monsieur de Ribeyrac Et en partie de Montagrier Dict ledict sr que la demande dudict de la Roche est nulle et impertinente considere que ledict seigneur de Ribeyrac a beaucoup plus grandz droictz en ladicte terre seigneurie iurisdion’ et chasteau de Montagrier que ledict de la Roche ne les autres seigneurs Car aud
245, VI XX IIII (Sept1 10, 2086)
seigneur de Ribeyrac apartient des quatre parties les troys de ce qui est et a este en commung entre luy et ledict de la Roche reserve dune quatorziesme partie et de quatorze vingtz une de ce que apartenoit a Messire Archambaud de Bourdeille Et Ysabeau de Sainct George Pour le regard des chasteau et dommaines que luy ont este laisses adivis Et quant aux rentes ce quest liquide Et accorde Entre les parties et quant est de la justice et jurisdion’ de toute la terre de Montagrier en apartient de vingt deux parties unze et demye audict seigneur de Riberac davantaige leglise parrochialle dudict lieu Et les deux et les deux tierces parties au bourg apartenant audict seigneur de Ribeyrac en tout droict de justice comme est contenu par vre’ procez verbal et de la vient /per ratione maioris partis iurisdictionis autoritatis et commodi maiorem dicitus habere potestatem /L / sensinnis /S / ne autem
246, (Sept1 10, 2087)
/C de dona et /L maiorem /FF / de paris Et / L /n / de metatis/Lib / XII / quoy veu dict ledict seigneur de Ribeyrac ledict seigneur de Soubran nestre recepvable requerir lesdictes inhibions’ et dudict requisitoire icelluy seigneur de Ribeyrac debuoir estre relaxe avecques despens et les autres inhibions’ estrefaictes aux parties respectivement Et icelluy de la Roche debuoir choisir et opter lung desdictz deux derniers lotz suyvant son acceptaon’ Et de lautre ledict seigneur de ribeyrac ensemble de lautre des premiers lotz par luy pris et choisi estre mys en possession realle et actuelle nenpeschant que ledict de la Roche soit mis en possession du lot quil prendra Et choisira Et ausdictes fins conclud et aux despans dommaiges et intetrestz Ainsi signe Deybrailh ENTRE Jehan de la Roche escuyer seigneur de Soubran demandeur en execuon’ darrest dune part Et Catherine de Stuer damoyselle
247, VI XX V (Sept1 10, 2088)
dame de Montagrier defenderesse dautre Veu par nous Francoys de Caldenet docteur ez droictz conseiller du roy nostre sire en sa court de parlement a Bourdeaulx et commissaire par icelle deppute en ceste partie la requision’ faicte par devant nous par ladicte de Stuer ou me Jehan Monthouzon son procureur le seziesme du pnt’ moys de jun dire des parties concernans lad requision’ inceree en nostre proces verbal faict sur ladicte execuon’ consentement desdictes parties preste’ par devant nous le dixiesme dudict moys Avons ordonne et ordonnons que ledict demandeur fera faire dedans six sepmaines prochainement venant deux lotz des choses qui doibuent venir entre lesd parties en partaige et que icelle defenderesse pourra choisir celluy desdictz lotz que bon luy semblera et de lautre lot ladicte de Stuer
248, (Sept1 10, 2089)
en fera faire deux lotz desquelz ledict de la Roche pourra opter et choisir celluy que bon luy semblera le tout ensuyvant lesdictz consentemens pour ce faire estre procede au parachevement de lexecuon’ dudict arrest comme de raison Et pour proceder au parachevement assignons lesdictes parties a comparoir par devant nous en la salle du pallais royal de lombriere a Bourdeaulx yssens de court au jour par nous assigne a la requeste dudict de la Roche despens reservez en fins dexecuon’ prononce par nous commissaire susdict en pnce’ desdictes parties ou de leurs procureurs a Montagrier le vingt cinquiesme de jun mil cinq cens quarante quatre (1544) Ainsi signe F Caldenet ET ADVENANT Le Dixhuicitesme jour desdictz moys et an en la salle du pallais yssens de court se compareurent par devant nous ledict de Monthouzon pour ledict demandeur et damoyselle Jacquette Pouvreau femme dudict defendeur assistant avec elle ledict Ythier procureur dudict
249, VI XX VI (Sept1 10, 2090)
defendeur lequel mist par devers nous certain dire lequel ledict Monthouzon requist veoir pour y faire responce SURQUOY Nous commissaire susdict receusmes ledict dire dudict defendeur lequel communicquasmes audict Monthouzon et ordonnasmes quil y viendroit faire responce a troys heures apres midi dudict jour SENSUYT La teneur dudict dire dud defendeur PAR Ledict Ythier pour ledict seigneur de Soubran et en partie de Montagrier a este dict que en luy monstrant les lotz dernier faictz est prest en prendre ung a ce que led seigneur de Ribeyrac dict que ledict seigneur de Soubran a contrarie a soy mesme en ce quil se seroit contente de choisir lung desdictz lotz dict quil emploie ce quil a cy devant dict et que les arrestz de la court doibuent sortir leur effect et que lesd rentes et justice de ce quil demeurera aux parties doibuent estre baillees et faictes le plus
250, (Sept1 10, 2091)
commodement que faire se
pourra et sen reniect a nostre discection Et quand aux despens requis par
ledict seigneur de Ribeyrac Dict ledict seigneur de Soubran que cest led
seigneur de Ribeyrac qui y doibt estre condemne et au reste de ce qui est porte
par le dire dudict seigneur de Ribeyrac Dict ledict seigneur de Soubran quil
faict bien a recepvons avoir prins les concluons’ quil a prinses pour le regard
des inhibions’ esquelles perciste et ez despens dommaiges et interestz
Ainsi signe Ythier ET Ledict jour en la salle du pallais environ lheure de
troys heures apres midy se compareut par devant nous ledict Monthouzon pour
ledict seigneur de Ribeyrac qui dict avoir veu le dire dudict defendeur Et en
faisant responce a icelluy dict que cy devant il a mys les lotz par ledict
demandeur dernierement faictz par devers nous et quilz sont contenuz par nred’
proces
voir ici le mss. (6ème partie)
251, VI XX VII (Sept1 10, 2092)
verbal desquelz ledict Ythier a eu le double comme appert par nred’ proces verbal quoy veu icelluy defendeur est tenu opter et choisir lung par tout le jour et le jour passe estre permis audict demandeur en prendre lung et laisser lautre aud defendeur et les parties estre mises respectivement en possession chascun des loctz que leur seront demeures et affin que ledict defendeur ne puisse plus delayer conbien quil ne fust tenu Se consent quil soit baille de rechief ung aultre double desd deux lotz audict defendeur a ses despens Et que icelluy defendeur choisisse lung desdictz lotz par tout le jour suyvant La requis dicelle definition Et pour le regard des despens par luy requis et autres concluons par les parties prinses avoit perciste et perciste en ce quil a desduict par nostre proces verbal Disant devoir tenir veu les sentence arrestz
252, (Sept1 10, 2093)
de la court subterfuges dudict defendeur et ce qui na este faict et dict par led proces SURQUOY Nous commissaire susdict ordonnasmes que le double des deux lotz dernierement faictz par ledict seigneur de Ribeyrac seroit baille audict Ythier procur’ dudict seigneur de Soubran lequel viendroit choisir et opter dire produire et contredire ce que bon luy sembleroit dans le lendemain yssens de court autrement et a faulte de ce en deviendront forcloz et le proces appoincte endroict sur le tout comme autresfoys pour en estre ordonne corre’ rapport faict a la court comme de raison et seroit sgniffie audict Ythier ce que fust faict et baille le double dicelle ensemble desdictz lotz dernierement faictz par ledict seigneur de Ribeyrac qui les auroit prins sans faire aucune response ET ledict jour et an heure de cinq heures du soir en nostre logis se compareurent lesdictz de Pouvreau damoyselle et Ythier pour ledict seigneur
253, VI XX VIII (Sept1 10, 2094)
de Soubran par lequel Ythier en pnce’ dudict Monthouzon pour ledict seigneur de Ribeyrac a este dict que lacteptaon’ par luy faicte a ce matin de choisir des lotz dernierement faictz par led Deydie quil entend estre faictz apres le papier censifz faict par lesdictes parties et apres avoir obey par led Deydie a vre’ sentence et dernier appoinctement disant que preallablement doibt estre faict surce et pour le regard de ce que ledict Deydie a voulu defendre et dire que la cothite des rentes apartenant audict de la Roche ne doibuent estre dans sa justice et quil doibt choisir des lotz dernierment faictz par led Deydie ledict de la Roche perciste pource regard en ce quil avoit cy devant devant desduyt disant faire tresbien a recepvoir Veu le partaige faict de la justice & pour le regard des inhibions’ requises par ledict Deydie ledict de la Roche dict quant aux preminances et
254, (Sept1 10, 2095)
droict de leglise en ce que la justice dudict seigneur de la Roche y peult pretendre doibt comme de faire ceide la court et faire prester le serment et autres droictz et preminences de droict luy doibuent estre exceptees ensemble le droict de vigerie et droictz a cause de roches que ledict de la Roche pretend ez bourg et parroisse de Sainct Victour luy debuoir estre reservees et comme a luy apartenans particulierement sans preiudice et /o/ protestaon’ de ne renoncer a ses plus amples droictz cy devant deduictz et reservez a quoy conclud et au’ment pertinement et aux despens Par ledict Monthouzon feust requiz veoir ledicte dire dudict Ythier pour y venir faire responce ou dire ce quil apartiendroit le lendemain matin yssens de court SURQUOY Nous commissaire susdict ordonnasmes que ledict Monthouzon verroit le dire dudict Ythier et y feroit responce le lendemain yssens
255, VI XX IX (Sept1 10, 2096)
de court ET ADVENANT Le dix neufiesme jour desdictz moys et an en la salle du pallais yssens de court Se compareust par devant nous ledict Deybrailh pour ledict seigneur de Ribeyrac par lequel feust dict quil percistoit en ce quil avoit desduict cy devant Et que veu les deux acteptaons’ par ledict defendeur faictes les treziesme et dixhuicitesme des presant moys et an que icelluy defendeur doibt opter et choisir lung des derniers lotz faictz par ledict seigneur de Ribeyrac dont luy en auroit este baille de rechief le double suyvant son requisitoire Il estoit tenu opter et choisir lung diceulx et les parties respectivement estre mises en possession au’ment ce seroit tousiours a recoi’nancer Et pour le regard de ce que led defendeur auroit dict luy debuoir estre excepte de pouvoir faire ceide sa court et prester sermens en leglise dudict Montagrier par
256, (Sept1 10, 2097)
devant ses officiers dict ledict demand’r veu que leglise est en sa justice est demeure au dedans son lot combien quil eust baille le chois audict defendeur de pouvoir prendre sa cothite de iustice a luy apartenant en tel endroit quil vouldroit ne doibt estre reserve audict defend’r autre chose que ce que luy a este reserve en faisant le partaige de ladicte justice et comme estoit contenu par nostre proces verbal nenpeschant que en prenant pareatis dicelluy demandeur ou de ses officiers que les officiers dudict defendeur puissent faire prester lesd sermens en ladicte eglise ou autres actes judiciaires au dedans sa justice comme lieu enprunte percistant au surplus des concluons’ par luy prinses protestant des despens dommaiges et interestz desquels requist luy en estre faict droict Et pour toute production enplois nre’ proces
257, VI XX X (Sept1 10, 2098)
verbal et ce que avoit este par luy produict requerant que ledict defendeur feust forcloz de production dire et contredire & le proces appoincte endroict SURQUOY Nous commissaire susdict forcluasmes led defendeur de dire contredire et produyre & appoinctasmes le proces endroict comme autresfoys surcryroit par tout le jour & luy seroit signiffie ET ADVENANT Le lendemain matin vingtiesme jour desd moys et an nostredict appoinctement feust signiffie audict Ythier lequel fist responce que nonobstant le dire dudict Deydie lesdictz lotz doibuent estre faictz Suyvant nostre sentence et par ses procedens dires dont auroit fait mention ledict Deydie ledict de la Roche auroit tousiours entendu que ce feist suyvant nostredict sentence dernierement donnee & si esdictz dires na este mys Suyvant nostredict senten’
258, (Sept1 10, 2099)
a este une omission dicelluy qui la escript comme ledict Ythier nous auroit remonstre ledict jour parquoy il percistoit et dict que nonobstant chose dicte et allegue par ledict Deydie lesd lotz doibuent estre faictz suyvant ladicte sentence Pareillement quant au reste du dire dudict Deydie ledict de la Roche persiste et que ses fins et concluons luy doibuent estre adjugees avecques despens offrant obeyr comme a tousiours faict a nostredict senten’ et dernier appoinctement come’ nostre clerc nous reffera ET ADVENANT le seiziesme jour de juillet audict an en la salle du pallays yssens de court se comparurent par devant nous lesdictz Deybrailh et Monthouzon pour led sr de Ribeyrac et ledict Ythier pour led sr de Soubran et les comparutions faictes par ledict Deybrailh feust requis que led sr de Soubran eust a faire les loctz Des
259, VI XX XI (Sept1 10, 2100)
rentes suyvant les sentences et arrestz surce donnez Par ledict Ythier feust dict que par larrest dernier auroyt este dict que lesdictz loctz seroyent faictz suyvant nostre derneir sentence par laquelle led sr de Ribeyrac les debuoit faire et que papier censif seroyt faict des rentes suyvant laquelle lesdictes parties se seroient accordez dexpertz parquoy requist que lesdictz loctz feussent faictz suyvant lesdictes Senten’ et Arrest dernier et les pappiers censif SURQUOY nous commissaire susdict ordonnasmes que lesdictes parties feroient pappiers censifz suyvant nre’dict Sentence dans quinzainne et ce faict lesd loctz seroient faictz suyvant lesdictes Senten’ et Arrestz surce donnez Anterieuiz Sensuyt la teneur du dernier arrest donne en la pnt’ matiere Extraict des regres du parlement ENTRE Messire Francoys Deydie chevalier sr de Ribeyrac demandeur en execution darrest dune part ET Messire Jehan de la Roche chevalier sr de
260, (Sept1 10, 2101)
Soubran defendeur daultre VEU larrest du trentiesme Daoust mil cinq cens Cinquante quatre (1554) procez verbal de maistre Arnauld de Ferron Conseilhier du roy en la court executeur dudict arrest et ouy son rapport DICT A ESTE que les loctz des rentes dont est question entre lesdictes parties seront faictz suyvant les sentences surce intervenuez contenues audict procez verbal Et neaulmoings demeurereont au lot dudict sr de Soubran les rentes estans dedans sa justice Et ce pour la concurrance desdictes rentes qui luy pourront compecter et apartenir et le plus commodement que faire se pourra pareilhement demeureront audict sr de Ribeyrac les rentes estans en la justice dud sr de Ribeyrac Et declaire la court ny avoir lieu faire aulcunes inhibitions audict sr de Ribeyrac se faire intituler sr de legle’ de Montagrier permect toutesfoys audict defendeur pouvoir faire dire et declairer pat le vicquaire dudict lieu de Montagrier au presne de ladicte eglise le jour qu’il vouldra tenir sa court en faire aultrer actes en sa justice sans ce que pour raison de ce il se puisse attribuer aulcune iustice en lad egle’
261, VI XX XII (Sept1 10, 2102)
Et faict la court inhibitions et defences a peynne doi deux mille livres aud defendeur ne faire aulcun acte de justice au dedans les limictes du lot escheu audict sr de Ribeyrac sans demander permission a ses officiers et pareillement faict mesmes inhibitions audict sr de Ribeyrac ne faire aulcun acte de iustice ez lieulx escheuz audict sr de Soubran sans requerir ladicte permission Et pour proceder au parachevement de ladicte execution renvoye les parties par devant ledict Commissaire sur ce aultresfoys deppute Sans despens du present incident les aultres reservez en fin dexecution Dict aux parties a Bourdeaulx en parlement le second jour de juillet mil cinq cens Cinquante six (1556) Collaon’ est faicte Ainsi signe Depontac ET ADVENANT le sixiesme jour daoust audict an se comparut par devant nous en la salle du pallays yssens de court ledict Deybrailh pour ledict sr de Ribeyrac lequel en absence dud sr de Soubran et de son procureur auroyt rapporte deux lotz des biens dont est question requerant que ledict sr de Soubran augmente ou diminue en iceulx tout ce que bon luy semblera
262, (Sept1 10, 2103)
dans huictaine lesquelz passez et a default de ce faire qu’il soyt permiz audict sr de Ribeyrac en prendre lung et faire de laur’ deux le tout suyvant les Senten’ et Arrestz surce donnez SURQUOY nous Commissaire susdict receusmes lesd lotz et ordonnasmes que ledict sr de Soubran et son procureur les verroient et y adjousteroyent et diminueroient tout ce que bon leur sembleroyt dans huictainne aultrement a default de ce faire permismes audict sr de Ribeyrac en prendre et opter lung et mectre lautre en deux affin que icelluy sr de Soubran en opte et choysisse lung le tout suyvant les Senten’ et Arrestz sur ce intervenuz et seroyt signiffie audict Ythier procureur dudict sr de Soubran ET ADVENANT ledict jour nre’dict appoinctement feust signiffie audict Ythier procur’ dudict sr de Soubran qui ne fist aulcune response ET ADVENANT le dixneufiesme jour desdictz moys et an se comparut par devant nous en la salle du pallays yssens de court ledict Deybrailh procureur pour ledict sr de Ribeyrac Et ledict Ythier
263, VI XX XIII (Sept1 10, 2104)
pour ledict sr de Soubran lesquelles comparuons faictes par ledict Ythier nous feust dict que ledict Deydie avoyt requis puys huict jours en ca que ledict sr de Soubran eust a choysir ung des lotz par luy faictz qu’il disoyt avoir miz par devers nous ou que a faulte de ce faire ledict Deydie eust a choysir ce que par la circonvention dudict Deybrailh aurions ordonne et qu’il seroyt signiffie audict Ythier ce que auroyt este faict A ceste cause requist que led appoinctement feust pour non advenu et que suyvant noz Sentences et Arrestz donnez en la pnt’ execuon’ par lesquelz est ordonne que papiers Censifz seurit faictz et que les parties ce seroient accordez dexperts et tenne prefix pour iceulx estre rapporter par devers nous lesd expertz eussent rapporter lesdictz papiers Censifz et actendu la matiere dont est question leur proroger delay dung moys Nous actendu ce que dict est declairasmes ledict appoinctement precedent obtenu par ledict Deydie pour non advenu Et neaulmoings prorogeasmes le delay de quinzainne aux parties pour faire
264, (Sept1 10, 2105)
faire lesdictz papiers Censifz lesquelz ilz apporteroient et mectroyent par devers nous pour en estre ordonne comme de raison ET ADVENANT le vingtsixiesme jour de novembre audict an se comparut par devant nous en la salle du pallays yssens de court ledict Ythier assistant a luy ledict sr de Soubran lequel mist par devers nous certain pappier censifz protestant toutesfoys augmenter ou diminuer requerant acte et que partie adverse y vint deliberer au premier jour SURQUOY nous Commissaire susdict donnasmes acte audict sr de Soubran du bailh dudict pappier censifz et ordonnasmes que partie adverse les verroyt et y viendroyt deliberer au premier jour et seroyt signiffie audict Deybrailh Ce que feust faict par nrd clerc comme il nous relata qui fist response qu’ils requeroyt veoir icelluy papier Censifz et appres icelluy veu en viend’ au premier jour Ce que incontinent apres luy feust bailhe ET ADVENANT le vingt huictiesme jour desdictz moys et an ledict maistre Jehan Monthouzon solliciteur dudict sr de Ribeyrac remist par devers nous
265, VI XX XIIII (Sept1 10, 2106)
ledict pappier Censifz sans faire aulcune response Sensuyt la teneur dudict pappier Censifz CEST le papier Censifz des rentes deues et apartenans au cheau’ de Montagrier lesquelles sont communes Entre messire Francoys Daydie chevalier sr de Ribeyrac et Messire Jehan de la Roche chevalier seigneur de Soubran desquelles en apartien audict Daydie de quatre parties les troys et audict de la Roche la quarte partie Sans preiudice des aultres droictz des parties qu’ilz pretendent ausd rentes lequel pappier censifz a este faict par nous Jehan de Monthouzon pour ledict sr de Ribeyrac et Guilhaulme Monthouzon pour ledict sr de Soubran PREMIEREMENT le bourg et parroisse de Montagrier pour les maisons jardins terres vignes prez des hoirs de feu maistre Jehan Bouliere et leurs consortz contenuz en labsence du vingt huictiesme janvier mil quatre cens cinquante ung (1451) signe Durandy froment six charges Avoyne six boyceaulx Chapons deux Argent quarante soulz tournoys POUR le jardin et chaneban de maistre Jehan et Gabriele Boullieres que a este acquis des Puychardz froment deux
266, (Sept1 10, 2107=2111)
picotins Pour une terre et pre tenant ensemble que ledict maistre Jehan Bouliere tient au joignant du chemin que lon va de Montagrier a Lisle froment Cinq boyceaulx Pour ung aultre pre et terre joignant audict pre dud Bouliere et au chemin que lon va de Montagrier a la Barrybendye que souloyt tenir Francoys Feydt sans comprendre de la terre que Jehan Bouliere dict de Nicauld tient froment ung boyceau Pour les terres que souloyt tenir feu maistre Archambaud Thivier et ses consortz entre les chemins que lon va de la croix preore (pierre) au moulin du Pont de la croix de Capitaine audict moulin du Pont et pour ung pre appelle a la Gabarre que souloyt tenir ledict Thivier et ses consortz froment huict boyceaulx Avoyne quatre boyceaulx Argent vingt soulz Pour une Terre appellee au Panissard que souloient tenir les Magnas et a pnt’ le tienent les hoirs de Colas de la Faye les Reynaudz et Brachetz froment troys boyceaulx Argent sept soulz Pour les prez que souloient tenir les Magnas entre le moulin du Pont et le villaige de pres Gouyas Argent vingt
267, VI XX XV (Sept1 10, 2108=2112)
soulz Gelines une Pour le pre de Loys Bloy et ses consortz Argent huict soulz tourn’ Gellines une Pour le petit Gouyas comprins la vigne qu’ilz tiennent pres ches Capitaine froment cinq charges troys boyceaulx Avoyne dix sept boyceaulx POUR le grand Gouyas comprins la vigne de Puy Reilh la vigne qu’est pres ches Pouvechav la Combe de soydit froment quarante quatre boyceaulx cinq picotins Avoyne vingt sept boyceaulx et demy Argent troys livres ung sol Chappons cinq ung tiers Gellines sept et le tiers dune POUR les maynemans de la Baribendye et Fontanelh que tiennent les Puychardz froment douze boyceaulx Avoyne deux boyceaulx Argent douze soulz six deniers tournoys POUR la Tenance de Vaunchouy qu’est le mainemant de Fontanelh et de Puy de Prade froment dixhuict boyceaulx Avoyne quatre boyceaulx Gelines deux POUR le maynement de Peygmy et une terre tenant aud maynement de Peygmy et une terre tenant aud maynement ung pre appellee a la Gabarre teniz pour les Raynaud froment seze boyceaulx Argent quatre soulz Gelines deux Pour la terre appelle des Justices et ung boys et terre appelle la Garenne tenu pour lesd Raynaudz et pour une vigne que lesd Raynauldz tienent
268, (Sept1 10, 2109=2113)
au joignant du chemin que lon va de Montagrier a Brassac froment six boyceaulx Argent vingt soulz tourn’ Pour une vigne que Pierre Cancau tient au tenant dud maynement de Peymys froment ung boyceau Argent quatre deniers Pour aur’ vigne que Gabriele Bouliere tient au tenant dudict chemyn que lon va de Montagrier a Brassac froment ung boyceau Pour le villaige de George et borie de Vignolas froment seze boyceaulx Avoyne huict boyceaulx Argent vingt soulz Gelines deux Pour le villaige de Montoufy Valmarnyer Tiridel tenu par les Montoufins froment quarante boyceaulx Argent Cinquante quatre soulz dix den’ Gelines sept et ung tiers dune Chappons deux et demy Pour la terre vigne que les Bloys Quinsenatz et les Guays tiennent entre la Treilhe et la terre desd Reynauldz froment quatre boyceaulx Argent troys soulz Pour la terre de Feydict tenue par Loys Brachet et ses consortz froment deulx boyceaulx Argent douze deniers POUR la Tenance du Pible et Claux de la Croix piarre que les Thivieulx tiennent froment six charges Argent dix soulz six deniers
269, VI XX XVI (Sept1 10, 2110=2114)
Gellines deux Avoyne cinq boyceaulx de laquelle rente fault diminuer a cause de la vigne que la feue dame de Montagrier tenoyt froment deux picotins Pour une vigne appellee vigne lonugrie que les hoirs de la Faque tenoyt froment deux boyceaulx Argent six deniers Pour la vigne de Puymagne dict de Jehannet quil tient joignant au chemyn que lon va de Montagrier a Brassac froment demy boyceau Pour la tierce que les Colas de la Faye tiennent au lieu appelle la Combe pres le lieu de Montagrier froment deux boyceaulx Pour la Combe’chev Feydict Avoyne deux boyceaulx Pour la vigne que Virgallant es ses consortz tiennent pres Fons Bonnes froment deux boyceaulx Pour la vigne de Chambaud Semgond et ses consortz froment ung boyceau Argent deux soulz troys den’ Pour la vigne de ches Feyet Avoyne troys boyceaulx Pour la maison et jardin de maistre Estienne Quissenat froment demy boyceau Argent douze soulz Gellines une Pour la maison de maistre Jehan Faure de Montoufy et Jehan de Parquet Argent
270, (Sept1 10, 2115)
huict soulz Gellines deux Pour la mais de Guilhon Mayet Argent troys soulz Gelline une Pour la maison de Roubert Brachet Argent dix soulz Gellines une Pour la maison de Guilhon Chanard dict negre Argent dix soulz Gellines une Pour la maison de Fouleneu et Dubeau Argent troys soulz Gelline une Pour la maison que Jehanne Jousseline dict Censmay tient Argent dix soulz Gellines une Pour les maisons des hoirs de feu Colas de la Faye jardins et fosses que souloient tenir les Puyardz froment deux boyceaulx Argent dix soulz Pour la maison des hoirs de feu maistre Pierre Charles Argent quatre soulz Pour la maison que feu Collas de la Faye auroyt acquis des Charles froment demy boyceau Pour la maison des hoirs de Francoyse Petite dicte Calybera Argent huict soulz Pour la maison neufue de Pierre des Bernhes et des hoirs de feu Jehan Chanard dict bourricquet Argent troys soulz quatre deniers Pour la mais
271, VI XX XVII (Sept1 10, 2116)
de Guilhon Mongraret dict le beuf Argent Cinq soulz Gellines une Pour la maison de Pierre des Bernhes tenant a la maison dudict Mongraret Argent huict soulz Gellines une Pour le jardin de maistre Pierre la Faye qu’il a acquis de Jehan Chanard dict bourricquet Argent troys soulz Pour les maisons de Arnauld Continet et des hoirs de Jehanicet Continet Argent trente sept soulz Chappons ung Gellines quatre Pour la maison de maistre Jehan Bouliere qu’il a tenant a la maison de me Jehan Monthouzon Argent Cinq soulz Gellines une Pour la maison sine fornyeu des hoirs de feu Collas de la Faye Argent dix soulz Gellines une Pour la maison de Mathurin Bouliere sans comprendre la rente du fornyeu et jardin que luy a este au nouveau arrante par la feue Jehanne de Montagrier Argent sept soulz six deniers Gellines une Pour la maison de feu Then Gaultier dict Toureis sans comprendre
272, (Sep1 10, 2117)
le jardin et rente dicell’ que luy a este de nouveau arrante par la feue dame de Montagrier Argent quinze soulz Gellines troys Journault ung Pour les maisons vielhes et aysines tenans icelles des hoirs de feu Helies Bouliere dict le lacquay et de Berthomieu Boliere Argent trente troys soulz Gellines quatre Pour la maison neufue de Berthomieu Bouliere Argent dix soulz Gellines deux Pour les maisons des hoirs de Guilhon Bouliere dict le faure Argent Cinq soulz Gellines une Pour la maison que feu maistre Guilhaume Monthouzon a acquis des Thivieulx Argent troys soulz Pour la maison de me Guilhon Magne Argent troys soulz Pour la mais’ jardin et fornyeu de Chambaud Symonet Argent huict soulz Gellines une Pour la maison de Pierre Quissenat et des hoirs de feu Raymond Charle boyceau Argent douze deniers Gellines deux Pour les maisons de Jehan Quissenat dict marteau Argent Cinq soulz six
273, VI XX XVIII (Sept1 10, 2118)
deniers Chappon ung Pour les maisons plaidures jardin des hoirs de me Denys Feyet comprins les aysines qu’ilz ont vendu a me Jehan Maigne lieuten’ Argent sept soulz Chappons deux Pour les maisons et jardin de Penot Parieau et des hoirs de Jehan Clanchet dict maistre Eindoilhe Argent deux soulz Gellines deux Pour les maisons des hoirs de Penelle Nougrarete Pey et Guilhen Charles et de me Helies Dyguet Argent Cinq soulz Gellines une Pour la maison de maistre Estienne Maigne dict de puhote Argent Cinq soulz Chappons ung Pour les maisons des hoires de Chambaud Delaybe dict denduy et leurs consortz froment huict boyceaulx Argent seze den’ Pour la mais’ de Forthon Granaud Argent Cinq soulz Gellines une Pour la maison des hoirs de Estienne Granaud Argent troys soulz Pour les maisons chanebat et treilhes de Jehandilhon Vouldon Mathieu Nyzard et leurs consortz froment deux boyceaulx Argent douze deniers Pour la
274, (Sept1 10, 2119)
maison des hoirs de Jehan Chappeau Argent dix soulz Gellines une Pour les maisons et jardin de maistre Jehan Magne et ses consortz froment ung boyceau Argent sept soulz Gellines une Pour la maison de Jehan de Lacombe dict gondandan Argent dix soulz Gellines deux Pour la maison de Leonard Fradet dict bergier Argent dix soulz Gellines une Journal ung Pour la maison jardin et fosse de Marcial de la Faye dict ligander Argent huict soulz Gellines une Pour les treilhes et terres des hoirs de ches Thony Pierre Quinsenat dict picquet et des tarrades froment deux boyceaulx Pour les maisons vignes et terres des Quelaudex et leurs consortz froment quatre charges troys boyceaulx Argent dix soulz Gellines deux de laquelle rente fault diminuer pour la rente que le feu sr de Montagrier laissa par eschange au feu sr de Ramefort froment six boyceaulx Argent unze soulz six deniers
275, VI XX XIX (Sept1 10, 2120)
Pour les terres que les Magnes sive Mendoulx tiennent ou soulient tenir au lieu appelle Coste Geneste et soubz le jardin du chasteau la terre appellee las Plasses froment six boyceaulx Pour la terre appellee la Combe que maistre Jehan Monthouzon et Jehan Bouliere tiennent froment six boyceaulx Pour la maison de Chambaud Mandany Argent huict soulz Gellines deux Pour la maison de Francoys de Lageorge et ses consortz Argent douze soulz Gellines deux Journal ung Pour la terre appellee la Combe des Faures comprins les vignes que lesdictz Faures ont pres la Combe du Chasteau froment vingt quatre boyceaulx Avoyne huict boyceaulx Pour la terre appellee le Constand et la maison que maistre Leonard Thivier tient froment douze boyceaulx Argent Cinq soulz Gellines une Pour une terre et vigne que a pnt’ les Pichetas Guilhem Mayet et les Cabosser tiennent Appellee la
276, (Sept1 10, 2121)
terre de Foleneu froment troys charges Argent neuf soulz Gellines deux Pour le maynement de Tarratin oultre qu’estoit en mestayrie froment treze boyceaulx Avoyne unze boyceaulx Argent dix soulz Gellines une Pour une terre en la Barrunya tenue par Helies Hugon froment ung boyceau Pour les villaiges de Durou et de la Clauze froment douze charges Avoyne quatre boyceaulx Argent trente six soulz Chappons deux Pour les prez et les terres que ches Feyet Chambaud Mandany ches le cadet Penot Pavreau les Magnas Colas de la Faye les Charles ches Thony Jehan Quissinat dict marteau Guilhon Nougraret dict le beuf et aultres leurs consortz et tous les prez et terres que sont entre les chemins que lon va de Montagrier a Salas et laultre chemin que lon va dudict Montagrier a la Benaudena passant pres la grange de Helies Hugon froment troys boyceaulx Argent dix soulz Pour la terre appellee Lagulhon et soubz le priente sans comprendre les terres
277, VI XX XX (Sept1 10, 2122)
des Pichetes et des Charles appellees le Chaslard et le Bouschehon froment quatre boyceaulx Pour le maynement de Puy Debert la Barbaryme les terres de la Combe du Laurier les terres et vignes tennus par les hoirs de Helies Magne dict Terrade et leurs consortz froment vingt deux boyceaulx Avoyne six boyceaulx Argent Cinq soulz Gellines troys Pour les maynemans de Forthon Lescure Salegonde et le Puy froment sept charges quatre boyceaulx Avoyne vingt boyceaulx Chappons huict Argent troys livres but fault diminuer pour les vignes que la feue dame de Montagrier tenoyt froment ung boyceau Argent deux soulz Pour le villaige de Combemoysnier comprins de la Tomirandye en la terre de Chaslard coste Geneste froment dix sept boyceaulx Gellines deux Avoyne quatre boyceaulx Argent Cinq soulz Pour le villaige de Nynaud a la T de Nyssamen oultre ce questoit en mestayrie du chasteau froment treze
278, (Sept1 10, 2123)
boyceaulx et demy Avoyne sept boyceaulx six picotins Argent douze soulz Gellines deux Pour le maynemant de la Barenunaois froment cinq boyceaulx Avoyne Cinq boyceaulx Argent dix soulz Gellines deux Pour la vigne de Francoys Moly dict de la George froment ung boyceau Pour la vigne de ceulx de Batahas qu’ilz ont pres Montagrier froment deux boyceaulx Pour la vigne et terre de ches Lomreuhier Argent cing soulz Gellines une Pour le maynemant de la Rousselhe et la Puyvic froment troys charges Avoyne douze boyceaulx Gellines quatre Argent dix soulz dont faut diminuer pour la rente que le feu sr de Montagrier a laisse au sr de Ramefort froment six boyceaulx Avoyne Cinq boyceaulx deux picotins Argent dix soulz Gellines deux Pour le moulin de Senzet froment vingt quatre boyceaulx Argent Cinq soulz Gell’ deux Pour les villaiges de Roffiat du Pible et Combe Charbonyer ce que les Conneliers tiennent tout en la parroisse
279, VI XX XXI (Sept1 10, 2124)
de Montagrier de Brassac froment quatre charges cinq picotins Avoyne vingt huict boyceaulx Argent Cinquante soulz Chappons deux Gellines quatre LE BOURG ET PARROISSE DE BRASSAC Pour le villaige de Chars en la parroisse de Brassac comprins Valmarmyr tenu par les Bouschehoulz et leurs consortz froment douze boyceaulx Avoyne quatre boyceaulx Argent Cinq soulz Gellines deux Pour le villaige de Combechave froment huict boyceaulx Avoyne quatre boyceaulx Argent six soulz Gellines deux Pour le villaige de Corneguerre froment seze boyceaulx Avoyne huict boyceaulx Gellines quatre Argent trente soulz Pour neuf journaulz de terre que les Renamons tiennent audict villaige froment neuf boyceaulx Pour le villaige Bonfuoas froment cinq boyceaulx Argent Cinq soulz Gellines une Pour le villaige de Charmeys froment troys charges Avoyne douze boyceaulx Argent quarante soulz Chappons deux Gellines deux Pour une vigne appelle de Pissechien tenue par Bernard Collaud et ses consortz froment
280, (Sept1 10, 2125)
troys boyceaulx Argent troys soulz Pour une aultre vigne aud lieu tenue par Micheau Montozon et Arn’ Colaud Argent troys soulz Pour une piece de boys et terre appelle La Brand Vieulx froment deux boyceaulx Argent douze denier Pour ung pre et terre appelle Font Ambaud tenue par Laurens Causouzon et les Bouscheheux froment deux boyceaulx Pour une vigne tenue pour les Renamons et Bernacz au Puy de Labrande froment ung boyceau Pour une terre vigne appellee Combechastelane que les Courtis tiennnent froment troys boyceaulx Pour une aultre vigne tenant a la susdicte vigne que Pey Montoutzon Et Deau Pic tiennent froment ung boyceau Argent dix huict deniers Pour une aultre vigne que les Joubertz tiennent au Puy de Roffiac tenant a la dicte vigne froment deux boyceaulx Pour une vigne tenant a lad vigne tenue par les Montouzons Argent Cinq soulz Pour le villaige de la Coste et de la Cortendie froment quatre charges Avoyne seze boyceaulx Argent quarante soulz Gellines quatre Pour les maynemans de Jarigeal La Meynadie le Bruielh le maynemant que les Batalias tiennent
281, VII XX II (Sep1 10, 2126)
a la ….. froment vingt cinq boyceaulx Avoyne quinze boyceaulx Argent quinze soulz Gellines quatre Pour les tenances que les Monnatz tiennent comprins le boys de Feydit froment douze boyceaulx Avoyne Six boyceaulx Argent vingt soulz Gellines deux Pour une terre au Puy de la croix que les Monthouzons y tiennent froment deux boyceaulx Argent deux soulz Pour une terre pres la divise des parroisses de Brassac et de Sainct Vyvien tenue par ceulx de la croix froment deux boyceaulx argent deux s’ Pour les villaiges de Fontreal les deux Bassedes Chapouhe Cenibae Guilaulme et la Reynie froment vingt quatre boyceaulx Avoyne dix boyceaulx Argent douze soulz six deniers Gellines deux Pour le villaige de Puyruffe froment six boyceaulx Argent neuf soulz Gellines troys Pour le maynement de Birolle et quatre Journaulx de terre tenant aud maynemans froment treze boyceaulx Avoyne cinq boyceaulx Argent sept soulz Gellines deux Pour la Bondinye tenue par les Fontainas Buissons Bertin et Monthouzon et leurs consortz
282, (Sept1 10, 2127)
froment six boyceaulx Argent cinq soulz Pour le villaige de la Preytic et ce que les Joubertz tiennent froment douze boyceaulx avoyne ung boyceau et demy Argent six soulz Pour le villaige de Varret alias Chasteaudet froment quatorze boyceaulx Avoyne dix boyceaulx Argent vingt soulz Gellines deux Pour le Mayne du Bost froment cinq boyceaulx Avoyne deux boyceaulx Argent Cinq soulz Pour le villaige des Sugens (Hugons?)pour les deux Ararassens et le Tanadis froment quatre charges Avoyne quatre boyceaulx Argent sept soulz six deniers Gellines troys Pour la Marteilhe tenue par les Bonratz froment troys boyceaulx Pour le villaige de la Brousse alias la Faye froment huict boyceaulx mesure de Brassac et huict boyceaulx mesure de Perigueix Pour le Mayne de Corty aultrement la Reseilhe froment six boyceaulx Avoyne deux boyceaulx mesure de Brassac Argent troys soulz Gell’ une
283, VII XX III (Sept1 10, 2128)
Pour le villaige de Puydautars froment douze boyceaulx Avoyne six boyceaulx Argent huict soulz Gellines troys sans comprendre celle que le sr de Montagrier laissa au sr de Montardit Pour le maynemant de Lenploucher beyreutie froment dix boyceaulx Avoyne troys boyceaulx Argent cinq soulz Gellines une Pour une aur’ terre pres le villaige Dabzac que les Aulagnas et leurs consortz tiennent froment quatre boyceaulcx Pour le villaiges des Plantiers Ligorce et Balchabreu froment dix huict boyceaulx Avoyne quatre boyceaulx Argent dix soulz Gellines deux Pour les prez de Feydis pres le moulin de Veynac Argent dix soulz Pour le moulin de Veynac froment dix boyceaulx Pour la Broussete et Valmonrac froment dix boyceaulx Avoyne troys boyceaulx Argent six soulz Gellines deux Pour raison de Comebron pres la Balladis froment douze boyceaulx Argent cinq soulz Gelline une Pour raison du villaige de la Recylie
284, (Sept1 10, 2129)
froment huict boyceaulx Argent douze soulz Gellines troys Pour raison du village de Gouyas aultrement des Courtins et boys vygneis froment six boyceaulx Avoyne deux boyceaulx Argent huict soulz Gellines deux Pour le villaige de Serre et ce que les tenanciers dudict villaige tiennent a la Broussette froment seze picotins Avoyne deux boyceaulx Argent six soulz Pour le villaige de Laguyonnie chamlanye boys et terres que lesdictz de Laguyonnie et leurs consortz tiennent froment dix boyceaulx Avoyne cinq boyceaulx Argent sept soulz six deniers Gelline une Pour raison dung pre et terre que les hoirs de Arnauld Bouschehon tiennent entre les divises de Brassac et Montagrier froment troys boyceaulx Argent troys soulz Pour une terre que les Joubertz tiennent a Ramefort froment deux boyceaulx Argent six deniers Pour une terre en Combe Chastelanie que les Monthouzon et Clouzeaulx tiennent froment ung boyceau Argent unze deniers Pour une vigne en Puy Roubert tenue
285, VII XX IIII (Sept1 10, 2130=2131)
par ceulx de la Coste et Bouracz froment deux boyceaulx Pour la maison de Jehany Bouland courdonnyer de Brassac Argent troys denier Pour une vigne en la coste dans les detz de Brassac froment ung boyceau Pour une terre en las Combas tenue par lesd hoirs de Charetier froment ung boyceau Pour une aultre vigne que les Guilhenbons tiennent en las Combas Argent vingt deniers Pour le jardin de maistre Jehan la Faye Argent douze deniers Pour les maisons des Aulignas Argent douze denier Pour le boys de Cheylhac que les Guilhenbons tiennent froment ung boyceau Argent douze deniers Pour les terres que les Breterquaulx souloient tenir en las Combas de Brassac froment ung boyceau LE BOURG ET PARROISSE SAINCT VICTOUR Pour les maynemans et tenan’ des Serregrelx comprins les pres et maisons que souloient tenir et tiennent froment cinquante boyceaulx Avoyne soixante boyceaulx Argent six livres dix sept soulz six deniers Chappons cinq Gellines Cinq Journaulx dix Pour le maynement de las Combas froment quatre Charges sept boyceaulx Avoyne vingt deux
286, (Sept1 10, 2132)
boyceaulx Argent quatre livres Chappons quatre Gellines deux Pour le villaige de Ribiers et le Coustau froment vingt quatre boyceaulx Avoyne quatre boyceaulx Argent trente soulz Gellines quatre Plus a cause de ce quilz tiennent de Feydit froment quinze boyceaulx Avoyne neuf boyceaulx Gellines une Pour le prez des Renhaudz froment deux boyceaulx Pour les tenan’ maisons pres et vignes de Ayrau et leurs consortz froment douze boyceaulx Avoyne six boyceaulx Argent sept soulz six deniers Gellines deux Delaquelle rente fault diminuer pour les vignes que lesdictes parties tiennent froment ung boyceau et demy Argent deux soulz Pour raison de ce que ceulx du maynemant tiennent et souloient tenir en la parroisse de Sainct Victour froment quatre boyceaulx Argent quatre soulz Pour raison du villaige de Boysset froment deux charges Avoyne douze boyceaulx Argent vingt soulz Chapponss deux Pour le villaige de la Brugiere et tenan’ de Parvyau froment cinq charges quatre boyceaulx Avoyne unze boyceaulx
287, VII XX V (Sept1 10, 2133) (AD 24: document 2 E 1851, 94.2)
Argent quarante soulz Chappons deux dont fault diminuer pour la terre que la feue Dame de Montagrier tenoyt froment ung boyceau Argent douze deniers Pour raison des maynemans de la Chavalarie Renolphie que les Puynardz souloient tenir froment vingt boyceaulx Avoyne huict boyceaulx Argent vingt soulz Gellines quatre Pour raison des terres appellees les Brandaulx froment dix boyceaulx Argent quinze soulz Pour raison de la Croze froment dix boyceaulx Argent dix soulz Chappons deux SAINCT MEARD Pour raison du villaige du
Brueilh de Sainct Meard froment seze boyceaulx Avoyne douze boyceaulx Argent dix soulz Gellines deux Pour le villaige du Port oultre la Mytarie froment troys charges six boyceaulx Avoyne huict boyceaulx Argent Cinquante soulz Chappons deux et demy Pour les tenan’ des Baralhoulx Mozetas et Broilhaudz et leurs consortz parroch’ de St Apre et Toucane froment six boyceaulx Argent deux soulz Pour le pre des Soubrenacz en lad parroisse de Tocane Argent deux soulz six deniers Pour
288, (Sept1 10, 2134) (AD 24: document 2 E 1851, 94.2)
les tenan’ que maistre Pierre du Puy et ses consortz tiennent en la parroisse de Bertric froment six boyceaulx a la mesure de Bertric Pour le villaige de Lamont ses appen’ et deppen’ a la parroisse de Celle froment seze boyceaulx Argent neuf soulz Chappons deux Pour le maynemant de la Rejounye en ladicte parroisse de Celle froment cinq boyceaulx Argent deux denier Pour le villaige de la Faye en ladicte parroisse froment deux boyceaulx argent cinq soulz Pour le villaige de la Coste aultrement de la Houssedye en ladicte parroisse froment douze boyceaulx Avoyne huict boyceaulx Argent treze soulz Pour une terre appellee au mas de Souzet et ce que ceulx de la Bloyrie tiennent froment deux boyceaulx Pour le tenen’ de ceulx des Fielz autrement les Andrieulz tiennent en lad parroisse froment quatre boyceaulx Argent dix soulz Protestant toutesfoys que si pour ladvenir se tienne aultres rentes en estant de ladicte succession en pouvoir demander sa part et cothite et en tout augmenter
289, VII XX VI (Sept1 10, 2135) (AD24: document 2 E 1851, 94.2)
ou diminuer Ainsi signe Ythier A la requeste dudict de la Roche Ledict Daydie nentend comprendre la rente par luy reconuecte des hoirs de Coulas la Faye et sans renuncer aux aues’ droictz a luy apartenans ou a Clivet Daydie son filz et sans preiudice daugmenter ou diminuer Ainsi signe Francoys Daydie ET ADVENANT le dixiesme jour de decembre audict an (1556) se comparurent par devant nous en la salle du pallays yssens de court scavoir est ledict Ythier assistant a luy ledict sr de Soubran et ledict Deybrailh procureur dudict sr de Ribeyrac par lequel Ythier feust requis que ledict Deybrailh eust a signer ledict pappier censifz et qu’il feust forcloz de delibremen’ audict pappier Censifz requerant nous transpourter sur les lieulx pour parachever lexecuon’/ par ledict Deybrailh feust dict ledict sr de Ribeyrac avoir cedde ses droictz de la seigneurie de Montagrier a Clivet Daydie escuyer son filz Et quand audict sr de Ribeyrac il ny pretendoyt plus aulcun droict Ledict Ythier requist que ledict sr de Ribeyrac demeurast en linstance pour les despens dommaiges et interestz et que il eust
290, (Sept1 10, 2136 & 2137) (AD24: Document 2 E 1851, 94.2)
a signer ledict pappier censifz actendu quil avoyt este faict du temps que led sr de Ribeyrac jouyssoit de ladicte seigneurie de Montagrier Et auparavent la cession par luy faicte de sesdictz droictz ledict sr de Ribeyrac sans preiudice de ses droictz et dudict Clivet Daydie de augmenter ou diminuer offre signer ledict pappier censifz Et que ledict sr de Soubran le signest aussi de sa part SURQUOY nous Commissaire susdict ordonnasmes que lesdictes parties signeroient ledict pappier Censifz Et neaulmoings que ledict sr de Ribeyrac demeureroyt en linstance pour les despens dommaiges et interestz
SUR sa requeste presentee a la court par Marie de Foix viscontesse de Ribeyrac au nom quelle procest conten’ que cy devant feu me Arn’ de Ferron conseil’ du roy en lad court auroit execute certain arrest donne par icelle Entre feu messire Francoys Daydie chevalier sr de Ribeyrac ayeul du filz de lad suppl’ dune part Et feu Jehan de la Roche escuyer sr de Soubran daur’ lequel de Ferron soit decest sans avoir signe la greffe de son proces verbal lequelle lad suppl’ veult a present lever en forme A ceste cause requeroit par lad requeste ordonner led procez verbal estre signe par le greffier de lad court Verifficaon’ premierement faicte de la minute dud procez verbal par aulcun des con’eur dicelle pour ce faict estre delivre et suiv doriginal a lad suppl’ Veue lad requerante en debut de feburier devant lad court auroit ordonne que la minute dud proces verbal soit verriffie par devant me Gymery de Guscq conseil’ du roy en icelle et la verifficaon’ faicte soit icelle greffe cellaunnee et signee par le greffier de lad court au lieu dud feu de Ferron suyvant laquelle ordonnasm la minuite dud procez verbal auroit este veriffie des le premier jour de mars aussi des pardevant les d’ g’ A ce moyen nous greffier soubz signe Cottes fcte’ de lad greffe avec lad minute avons signe icelle greffe au lieu dud feu de Ferron a Bourdeaulx le vingtsixiesme jour apvril mil cinq cens soixante sept (1567)
DEPONTAC