26
novembre 1095
Privilège
d’Urbain II en faveur de l’abbaye Notre-Dame de Saintes.
Mention
de Saint-Silvain.
Référence : Jaffé-Loewenfeld, 5590 (4485)
Parthenonis S.
Mariae Santonensis possessiones ac libertatem, rogatu Arsendis abbatissae,
confirmat, imposito monialibus quinque « vestrae monetae » solidorum tributo
annuo. Grasillier Cart. inéd. de la Saintonge II. 10, Anal. jur. pont, X. 539.
— « Justis votis assensum ».
Edition : Cart. inédits de la Saintonge, t. II, Cartulaire de l’abbaye royale de Notre-Dame de Saintes de l’ordre de Saint-Benoît, par l’abbé Théodore Grasilier, 1871
Copie : http://guyenne.fr/ArchivesPerigord/Cartulaires/cartulaire_nd_saintes.htm
Version Grasilier.
Privilegium Domni Urbani pape super eisdem donis - 1095, 26 novembre.
Urbanus episcopus, servus servorum Dei, dilecte filie Arsendi, Xanctonensis cenobii, quod Sancte Marie dicitur, abbatisse, ceterisque in ejusdem loci regimine regulariter promovendis in perpetuum. Justis votis assensum prebere justisque peticionibus aures accomodare nos convenit, qui licet indigni, justicie custodes atque precones in excelsa Apostolorum principum Petri et Pauli specula positi, Domino disponente, videmur existere. Tuis igitur, filia in Christo karissima Arsendis, justis peticionibus annuentes, Sanctonense monastorium, cui Deo auctore presides, sub apostolice sedis protectionem specialiter confovendum suscipimus. Quod videlicet cenobium Goffredus Andegavensis comes et Agnes comitissa in honore beate Dei genitricis semperque Virginis Marie fundasse, et beato Petro ejusque sancte Romane ecclesie in jus proprium obtulisse noscuntur. Per presentis itaque decreti paginam apostolica auctoritae statuimus, ut quecumque dona, quascumque possessiones predictus comes et comitissa Agnes eidem monasterio contulerunt, illesa et inconvulsa perpetuo conserventur : Ecclesiam scilicet sancti Petri cum parrochianis suis et appendiccis tam terrarum quam aquarum et molendinorum; Ecclesiam sancte Marie de Balenciaco, sancti Supplicii, cum integris earum parrochiis; Ecclesias de Broa, cum tota decima; Ecclesiam Sancti Juliani, Sancti Silvani, cum appendiciis earum; Terram de Maremnia, cum ecclesiis quator; Terram Corme, cum ecclesiis; Terram de Mompolim, cum ecclesia; Insulam de Vis cum ecclesia et earum appendiciis; Potem Lapidum, cum tribus ecclesiis; Terram de Capcerum, cum ecclesia et parrochia tota; Terram de Nantiaco; decimam nove terre de Campania Guillielmi Fredelandi; decimas decimarum tocius insule Olerani, excepta parrochia Sancti Georgii. Pretera quecumque hodie vestrum cenobium juste possidet, sive in futurum concessione pontificum, liberalitate principum, vel oblatione fidelium juste atque canonice poterit adipisci, firma tibi semper tibique successuris et illibata permaneant. Decernimus ergo, ut nulli omnino hominum liceat idem cenobium temere perturbare, vel ejus possessiones auferre, vel ablatas retinere, minuere, vel temerariis vexationibus fatigare; set omnia integra et intaminata serventur, tam vestris quam pauperum usibus omnimodis profutura. Ad indicium autem percepte a Romana ecclesia libertatis, quinque vestre monete solidos quotannis Lateranensi palatio persolvetis. Si qua sane in crastinum ecclesiastica secularisve persona hujus privilegii paginam sciens, contra eam temere venire temptaverit, secundo terciove commonita, si non satisfactione congrua emendaverit, potestatis honorisque sui dignitate careat, reamque se divino judicio existere de perpetrata iniquitate cognoscat, et a sacratissimo corpore ac sanguine Dei et Domini redemptoris nostri Jesu Christi aliena fiat, atque in extremo examine districte ulcioni subjaceat. Cunctis autem eidem loco justa servantibus, sit pax Domini nostri Jesu Christi, quatinus et hic fructum bone actionis percipiant, et apud districtum judicem premia eterne pacis inveniant. Amen.
Datum Arvernie apud Clarum Montem per manum Johannis sancte Romane ecclesie diaconi cardinalis. Indictione III. VI Kl. Decembris, Anno Incarnationis dominice M°. XC°. VI°, Pontificatus autem domni Urbani secundi pape VIII°.