BnF/Tome 27/f°131/Transcription Cl. R.
Remarque préliminaire: "Dans l'Église catholique, l'archidiaconé est une circonscription religieuse, subdivision d'un diocèse. Placée sous l'autorité d'un archidiacre, prêtre nommé par l'évêque pour le représenter. Dans l'ancien diocèse de Paris, on disait archidiaconat. C'est dans ce ressort que l'archidiacre effectuait ses visites archidiaconales dans les paroisses, accomplissant ainsi sa fonction de contrôle des curés par délégation de l'évêque". Source: http://fr.wikipedia.org/
"Dilectis filiis ... de Nontronio, et de... de Malamorte in ecclesia Lemovicen. archidicaconis, ac ... officiali Lemovicen., salutem etc..
Officii nostri debitum exigit ut cuique poscenti justitie plenitudinem impendamus. Ex tenore siquidem petitionis dilecti filii Iterii de Malayolis, archidiaconi Bragariaci in ecclesia Petragoricense, nobis porrecte, percepimus quod licet archidiaconatus de Bellovidere in dicta ecclesia,archidiaconatui suo in eadem ecclesia, canonice annexus existat, et ad eum ejusque predecessores archidiaconos Brageriaci, ratione ipsorum archidiaconatuum, de antiqua et approbatu et hactenus pacifice observata consuetudine pertinuerit et pertineat visitare parrochiales ecclesias in dictis archidiaconatibus, tam in Petragoricensi quam in Sarlatensi diocese consistentes, et procurationes ratione hujusmodi visitationis debitas recipere a parrochialium ecclesiarum rectoribus prefatarum, et tam ipse archidiaconus quam predecessores sui prefati qui extiterunt pro tempore, fuerint in pacifica possessione vel quasi juris visitandi dictas parrochiales ecclesias, et procurationes hujusmodi recipiendi, a tempore, cujus in contrarium memoria non existit; tamen Bertrandus de Syaroraco Sancti Amandi, Helias de Marcaschaco de Alato, Radulphis de Guasques de Grivas et Bernardus de Cardif, parrochialium ecclesiarum rectores dicte Sarlatensis diocesis eundem archidiaconum ad visitandum easdem parrochiales ecclesias, recipere sibique procurationes ratione visitationis ipsius debitas solvere, indebite contradicunt. Insuper ... de Palayraco, et ... de Audrico archipresbiteratum ruralium archipresbitri, predicte Sarlatensis diocesis in dicto archidiaconatu de Bellovidere constitutorum, quamvis eum ad visitationem eandem recipiant, et de procurationibus ob visitationem eandem sibi debitas satisfaciant, ut tenentur. De aliis tamen juribus que ab eis ipsi archidiacono debentur, de consuetudine supradicta, sibi satisfacere denegant minus juste. Postquam celo recordatus Johannes Papa XXII predecessor noster, post divisionem Petragoricen. et erectionem Sarlaten. episcopatuum per eum factas, per quandam constitutionem ab ipso editam, declaverit intentionis sue non fuisse, nec esse per divisiones episcopatuum ecclesiarum a quibus divisiones ipse facte fuerant, archidiaconis vel personis aliis ipsarum ecclesiarum velle aliquatenus derogare, nisi quatenus contineretur in apostolicis divisionum litteris predictarum; mandans auctoritate constitutionis ipsius diversis prelatis et personis eccles--is ecclesiarum decisarum in cathedrales ecclesias per eum erectarum, ne archidiaconos et alios personatus seu dignitates in ipsis primariis ecclesiis obtinentes, quominus visitationes exercerent, procurationes reciperent, jurisdictionem et jura archidiaconalia et alia bona obtinerent in ipsis decisis dioces., sicut ante divisiones hujusmodi obtinebant, nisi quantum in divisionum ipsarum prefatis litteris caveretur expresse, quomodolibet impedirent. QUARE dictus archidiaconus nobis humiliter supplicavit ut providere sibi et dictis archidiaconibus super hiis, adversus rectores et archipresbyteros antedictos, de oportuno remedio dignaremur. Quocirca discretioni vestre, per apostolica scripta, committimus et mandamus quatenus vocatis qui fuerint evocandi, simpliciter et de plano, sine strepitu et figura judicii, auditis hinc inde propositis, rectores et archipresbyteros prefatos, et quascumque personas alias ecclesias predictarum diocesum in quibus ipsi archidiacono, ratione dictorum archidiaconatuum, visitationis officium et procurationum receptio competunt de consuetudine vel de jure ad recipiendum eum ad visitationem prefatam, et satisfactionem sibi de procurationibus, ac solvendum etiam ipsi archidiacono, tam pro preterite quam presenti et futura temporibus, emolumenta seu deveria, et alia jura, sibi ... computentia, juxta ipsius constitutionis tenorem, et alias prout justum fuerit, appellatione remota, per censuram ecclesiasticam ratione previa, compellatis, testes etc..
Datum Avinione, idus decembris anno tertio. "